26-Jun-2021

କଟକ(ସୁଶାନ୍ତ ଖଟୁଆ): ପଶୁପକ୍ଷୀଙ୍କ ସାହାରା ପାଲଟିଛନ୍ତି ବିଶ୍ୱଜିତ୍‌ ଦୁନିଆରେ ଏମିତି କିଛି ମଣିଷ ଥାଆନ୍ତି, ଯେଉଁମାନେ ନିଜର ସ୍ୱାର୍ଥକୁ ନୁହେଁ ବରଂ ସାମୁହିକ ସ୍ୱାର୍ଥକୁ ଗୁରୁତ୍ୱ ଦେଇଥାନ୍ତି । ସାମାଜିକତାର ବାର୍ତ୍ତା ବହନ କରି ସମାଜ ମଙ୍ଗଳ ପାଇଁ ଆଗେଇ ଆସନ୍ତି । ସେହିଭଳି ଜଣେ ବ୍ୟକ୍ତିତ୍ୱ ହେଲେ ବିଶ୍ୱଜିତ ପଟ୍ଟନାୟକ(ସିଲୁ) । କରୋନା ସମୟରେ ବିଶ୍ୱଜିତ୍ ପଶୁପକ୍ଷୀଙ୍କ ନିମନ୍ତେ ନିୟମିତ ଖାଦ୍ୟ ଓ ପାନୀୟ ଜଳ ଯୋଗାଇ ନିଜର ମହନୀୟତା ବଜାୟ ରଖିଛନ୍ତି ଏଥିସହିତ ରୋଗୀ ସେଵା,ରକ୍ତଦାନ ଆଦି ବିଭିନ୍ନ ଜନ ହିତକର କାର୍ଯ୍ୟ ପୁଣି କରୋନା ସଚେତନତା ଉପରେ ଗୁରୁତ୍ୱ ଦେଇ ଆସୁଛନ୍ତି । ସେ  ନିଳାଦ୍ରୀ ବିହାର ଅଞ୍ଚଳରେ ରହୁଥିଲେ ସୁଦ୍ଧା,ନିର୍ଦ୍ଦିଷ୍ଟ ସୀମା ସରହଦକୁ ଛାଡ଼ି ଭୁବନେଶ୍ୱରର ବିଭିନ୍ନ ଅଞ୍ଚଳ ବୁଲି ପଶୁମାନଙ୍କୁ ଖାଦ୍ୟ ଯୋଗାଇବା କାମରେ ଲାଗିପଡ଼ିଛନ୍ତ ।  ନିଳାଦ୍ରୀବିହାର ଯୁବ ଓ ସାଂସ୍କୃତିକ ପରିଷଦ ମାଧ୍ୟମରେ ସାମାଜିକ ନାଟକ ପରିବେଷଣ କରାଇ ସମାଜର ସୁଧାର ଆଣିବା ନିମନ୍ତେ ପ୍ରୟାସ ଜାରି କରୁଛନ୍ତି । ସେ ବିଭିନ୍ନ ପ୍ରିଣ୍ଟ୍ ଓ ବୈଦ୍ୟୁତିକ ଗଣମାଧ୍ୟମ ସହିତ ରହି ସିଟିଜେନ୍ ରିପୋଟର ଭାବରେ ଅନେକ ସମସ୍ୟା, ଅନାଲୋଚିତ ପ୍ରତିଭାଙ୍କୁ ଲୋକଲୋଚନକୁ ଆଣିବା ସହିତ ସହଯୋଗ ମଧ୍ୟ ସବୁବେଳେ କରି ଆସିଥାନ୍ତି । ନିଜ ଘରର ଛାତ ଉପରେ ମଧ୍ୟ ବିଭିନ୍ନ ପକ୍ଷୀଙ୍କ ବଂଶବୃଦ୍ଧି ନିମନ୍ତେ ସୁଯୋଗ ସୃଷ୍ଟି କରିବା ଓ ସେମାନଙ୍କ ଅବାଧ ବିଚରଣକୁ ସୁରକ୍ଷା ଦେବା ସହିତ ପରିବେଶ ସୁରକ୍ଷା ସମ୍ପର୍କିତ ବାର୍ତ୍ତା ପ୍ରଦାନ କରୁଛନ୍ତି ।