14-Aug-2026

ବରଗଡ(ତୁଳସୀ ଚରଣ ଦାଶ):  ଅଗଷ୍ଟ ୬ ତାରିଖ ରୁ ଅଗଷ୍ଟ ୨୦ ତାରିଖ ପର୍ଯ୍ୟନ୍ତ ଚାଲିଥିବା ଭାରତ ସରକାରଙ୍କ ନିଶାମୁକ୍ତି ଅଭିଯାନ ପରିପ୍ରେକ୍ଷୀରେ ଗତକାଲି ବରଗଡ଼ ଖଜୁରଟିକ୍ରା ସ୍ଥିତ ବ୍ରହ୍ମା କୁମାରୀ ଇଶ୍ବରୀୟ ବିଶ୍ବ ବିଦ୍ୟାଳୟ ପ୍ରାର୍ଥନା ଗୃହ ରେ ପଶ୍ଚିମ ଓଡ଼ିଶାର ଭାଷା କଳା ସଂସ୍କୃତି ର ପ୍ରଚାରକ କିମ୍ବଦନ୍ତୀ ନାଟ୍ୟ ମହର୍ଷି ଗୁରୁବାର ଭଗବାନ ସାହୁଙ୍କ ୯୫ ତମ ଜୟନ୍ତୀ ଓ ନିଶାନିବାରଣ ଉପରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ବରଗଡ଼ କେନ୍ଦ୍ର ର ମୁଖ୍ୟ ସଂଚାଳିକା ଯଶୋଦା ଭଉଣୀ   ନିଶାନିବାରଣ ଓ ଗୁରୁ ଭଗବାନ ସାହୁଙ୍କ ଉପରେ ବକ୍ତବ୍ୟ ଦେଇ ଏହି କେନ୍ଦ୍ର ରେ ସାତ ଦିନ ର ଏକ କାର୍ଯ୍ୟକ୍ରମରେ ଯୋଗ ଦେଲେ ଆତ୍ମା ର ସାତ ଗୁଣ ବିଷୟରେ ଜାଣିପାରିବେ ଓ ମଣିଷ ସମାଜ ବିପଥଗାମୀ ହେବନାହିଁ ବୋଲି ପ୍ରକାଶ କରିଥିଲେ ସେହିପରି ଭେଡେନ କେନ୍ଦ୍ର ର ସଂଚାଳିକା ତପସ୍ଵିନୀ ଭଉଣୀ ଯୋଗଦେଇ ଏହି କେନ୍ଦ୍ର ର ସ୍ଥାପନା ଏବଂ ବର୍ତ୍ତମାନ ସାରା ଦୁନିଆରେ ଏହି କେନ୍ଦ୍ର ମଣିଷ ସମାଜର ସେବା କରିଆସୁଥିବା ପ୍ରକାଶ କରିଥିଲେ । 
  ଗୁରୁ ଭଗବାନ ସାହୁ ରାଜ୍ୟ ସ୍ତରୀୟ ସ୍ମୃତି କମିଟି ର ସଭାପତି ଦଧିବାବନ ଶତପଥୀ, ଉପସଭାପତି ସର୍ଦାର ପ୍ରିତମ ସିଂ, ସଂପାଦକ ତୁଳସୀ ଚରଣ ଦାଶ ମଞ୍ଚାସିନ ଅତିଥି ଭାବେ ଯୋଗଦେଇ ନିଜ ନିଜ ବକ୍ତବ୍ୟ ପ୍ରତିପାଦିତ କରିଥିଲେ । ସଂଗୀତା ଦୀପ ଓ ସନ୍ତୋଷିନୀ ନାଗ ଗୁରୁ ଭଗବାନ ସାହୁଙ୍କ ଉପରେ କବିତା ପରିବେଷଣ କରିଥିଲେ । ପ୍ରାଧ୍ୟାପକ ସନ୍ତୋଷ କୁମାର ପଣ୍ଡା ଗୁରୁ ଭଗବାନ ସାହୁ ଙ୍କ ଉପରେ ଦୀକ୍ଷାନ୍ତ ଅଭିଭାଷଣ ପ୍ରଦାନ କରିଥିଲେ । ଏହା ପୂର୍ବରୁ ସ୍ମୃତି କମିଟି ପକ୍ଷରୁ ଯଶୋଦା ଭଉଣୀ ଓ ତପସ୍ୱିନୀ ଭଉଣୀ ଙ୍କୁ ଲୁଲୁ ରବିନ ଦାସଙ୍କ ଲିଖିତ ପୁସ୍ତକ ଗୁରୁ ଭଗବାନ ସାହୁ ଓ ଉପଢ଼ୌକନ ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା। ଝିଲ୍ଲୀ ଭଉଣୀ ନିଶା ନିବାରଣର ସଂକଳ୍ପ କରାଇଥିବାବେଳେ ଡାକ୍ତର ବିମଳ ଭାଇ ସଭାକାର୍ଯ୍ୟ ପରିଚାଳନା କରିଥିଲେ । ଶେଷରେ ସ୍ମୃତି କମିଟି ର ସଂପାଦକ ତୁଳସୀ ଚରଣ ଦାଶ ଧନ୍ୟବାଦ ଅର୍ପଣ କରିଥିଲେ । ଏଥିରେ ଅନ୍ୟ ମାନଙ୍କ ମଧ୍ୟରେ ସର୍ବଶ୍ରୀ ବିମଳ କୁମାର ମିଶ୍ର, ଅଚ୍ୟୁତାନନ୍ଦ ବାରିକ, ଶିବାନନ୍ଦ ମଟାରୀ, ସାରଥୀ ମେହେର, ଜଟାଧାରୀ ପ୍ରଧାନ,ମାନସ ରଞ୍ଜନ ଦାଶ ଓ ଆହୁରି ଅନେକ ଯୋଗଦେଇଥିଲେ। 
         ----------×××----------