13-Aug-2026

ଲୋଇସିଂହା, (ବିନୋଦ ଦୀପ) କ୍ରାନ୍ତି ଦିବସ ଅବସରରେ ଲୋଇସିଂହା ବ୍ଲକ ସ୍ତରୀୟ ତ୍ରିରଙ୍ଗା ଶୋଭାଯାତ୍ରା ଆଜି ଉତ୍ସାହର ସହ ପାଳନ ହୋଇଯାଇଛି l ଏହି ଅବସର ରେ ଅନୁଷ୍ଠିତ ତ୍ରିରଙ୍ଗା ଶୋଭାଯାତ୍ରା ଲୋଇସିଂହା କଲେଜ ଛକ ଠାରୁ ବାହାରି ବ୍ଲକଛକ, ପୁରୁଣା ବସଷ୍ଟାଣ୍ଡ ଦେଇ ଅଗ୍ରସେନ ଭବନ ପର୍ଯ୍ୟନ୍ତ ଯାଇ ବ୍ଲକ କାର୍ଯ୍ୟାଳୟ କୁ ଆସିଥିଲା l ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ଅକ୍ଷୟପାଣି ଉଡ୍ଡୁ ଙ୍କ ତତ୍ୱାବଧାନ ରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମ ରେ ଶତାଧିକ ମହିଳା ଓ ପୁରୁଷ ହାତରେ ତ୍ରିରଙ୍ଗା ଧରି ମୁଖ୍ୟ ରାସ୍ତାରେ ଯାତ୍ରା କରିଥିଲେ l ଏହି ଅବସରରେ ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ କହିଲେ ଯେ "ହର ଘର ତ୍ରିରଙ୍ଗା ଅଭିଯାନ କୁ ଲୋଇସିଂହା ଅଂଚଳବାସୀ ସଫଳ କରିଛନ୍ତି l ଏହି ଶୋଭାଯାତ୍ରା ଟି ଦେଶପ୍ରେମ ଏବଂ ଏକତାର ସନ୍ଦେଶ ଦେଉଛି l

ଉକ୍ତ ଯାତ୍ରା ରେ ଅନ୍ୟ ମାନଙ୍କ ମଧ୍ୟରେ ଲୋଇସିଂହା ତହସିଲଦାର ଟିକୁନୁ ପୁଟା, ଏବିଡ଼ିଓ କିଶୋର ମାନସିଂହ, ଜିପିଓ ସଞ୍ଜୟ ମାଝୀ, ଏ.ଇଇ ସିଦ୍ଧାର୍ଥ ପାଢ଼ୀ, ସିଡିପିଓ ରଜନୀରାଣୀ ମେହେର, କନିଷ୍ଠ ଯନ୍ତ୍ରୀ, ସମସ୍ତ ବ୍ଲକ ଷ୍ଟାଫ, ସ୍ୱାସ୍ଥ୍ୟମନ୍ତ୍ରୀ ଙ୍କ ଲୋଇସିଂହା ପ୍ରତିନିଧି ଗୌରାଙ୍ଗ ନାଏକ, ଲୋଇସିଂହା ଗ୍ରାମୀଣ ମଣ୍ଡଳ ସଭାପତି ସୁନୀଲ ଦାସ, ସରପଞ୍ଚ ନବକିଶୋର ନାଏକ, ସମାଜସେବୀ ଯୁଧିଷ୍ଠିର ପଧାନ, ଭୁତନାଥ ନାଏକ, ଲୋଇସିଂହା ମହାବିଦ୍ୟାଳୟ ର ଅଧ୍ୟକ୍ଷ ଦେବଦତ୍ତ ଗୁରୁ ଙ୍କ ସହ ଛାତ୍ରଛାତ୍ରୀ, ଆଶା ଓ ଆଙ୍ଗନବାଡି କର୍ମୀ,ବିଭିନ୍ନ ସ୍ୱୟଂ ସହାୟକ ଦଳ ର ସଦସ୍ୟା ଓ ରାଷ୍ଟ୍ର ପ୍ରେମୀ ମାନେ ସାମିଲ ହୋଇଥିଲେ।