21-Oct-2022

ଅନ୍ତର୍ନିହିତ ପ୍ରତିଭା ହେଉଛି ଏକ ପ୍ରଖର ଜଳସ୍ରୋତ ଯାହା ସମସ୍ତ ବାଧାବିଘ୍ନକୁ ଠେଲି ଦେଇ ନିଜର ଗନ୍ତବ୍ୟସ୍ଥଳରେ ପହଂଚି ଥାଏ । ବୟସ ମାତ୍ର ୯ ବର୍ଷ । ତୁଳସୀ ଦୁଇ ପତ୍ରରୁ ବାସିଲା ପରି ନିଜ ଭିତରେ ଥିବା ପ୍ରତିଭାର ମହକକୁ ଚାରି ଆଡେ ବିଛୁରିତ କରି ଦେଇଥିବା ଏହି ଟିକି କଳିକା ହେଉଛନ୍ତି ଅଶ୍ମି ମିଶ୍ର । ନାଚ,ଗୀତ  ପ୍ରତି ତାଙ୍କର ରହିଛି ଗଭୀର ରୂଚି । ବଲାଙ୍ଗୀର ରାଜୀବ ନଗର ପଡାର ବାସୀନ୍ଦ ଏହି ଟିକି କଳିକାଙ୍କ ଜନ୍ମଗତ ପ୍ରତିଭା ସମସ୍ତଙ୍କୁ ଆଶ୍ଚର୍ଯ୍ୟ କରିଛି l

ସେ ଓଡ଼ିଶା ମାଟିର ନାଁ କୁ ରାଜ୍ୟ ତଥା ବାହାରେ ଉଜ୍ୱଳ କରିପାରିଥିବା ଅଶ୍ମି ପ୍ରକୃତ ରେ ବଲାଙ୍ଗୀର ଜିଲ୍ଲାପାଇଁ ଗର୍ବ ଓ ଗୌରବ ଅଟନ୍ତି । ମାଁ ରଶ୍ମିତା ଓ ବାପା ଅଶ୍ୱିନୀ, ଏହି ଦୁଇ  ନାଁ ର ଉତ୍ପତ୍ତିରୁ ବାପା ମାଁ ନିଜର ପ୍ରିୟ କନ୍ୟାର ନାମ ରଖିଛନ୍ତି ଅଶ୍ମି । ଭୁବନେଶ୍ୱରେ ଠାରେ   ଅନୁଷ୍ଠିତ ଏକ ବର୍ଣ୍ଣାଢ଼୍ୟ ଉତ୍ସେବରେ ଅଶ୍ମି ମିଶ୍ର ଉତ୍କଳ ପ୍ରତିଭା ସମ୍ମାନରେ ସମ୍ମାନିତ ହୋଇସାରିଛନ୍ତି । ପୂର୍ବତନ ଅର୍ଥମନ୍ତ୍ରୀ ପ୍ରଫୁଲ୍ଲ ଘଡେଇ ଙ୍କ ଠାରୁ ଉତ୍କଳ ପ୍ରତିଭା ସମ୍ମାନ

ପାଇଛ ଜିଲ୍ଲା ପାଇଁ ଗୌରବ ଆଣିଦେଇଛନ୍ତି ଅଶ୍ମି । ଆମ ସମସ୍ତଙ୍କ ପାଇଁ ଅତି ଗର୍ବର ବିଷୟ ହେଲା ୨ଠ୨୨ ମସିହାରେ ଏହି ଟିକି କଳିକା ଈଣ୍ଡିଆ ବୁକ୍ ଅଫ୍ ରେକର୍ଡରେ ସ୍ଥାନ ପାଇସାରିଛନ୍ତି । କଳା ଜଗତରେ ଜଣେ ଉଦୀୟମାନ ତାରକା ଅଶ୍ମୀ ଙ୍କ ଭବିଷ୍ୟତ ଜୀବନ ଉଜ୍ୱଳମୟ ହେଉ, ଏତିକି ମାଁ ସମଲେଶ୍ୱରୀଙ୍କ ଠାରେ କାମନା ।