14-Jun-2021

ବିନିକା (ହିମାଂଶୁ ଶେଖର ପୁଟେଲ): ସାରା ବିଶ୍ବରେ ଆତଙ୍କ ସୃଷ୍ଟି କରିଥିବା କରୋନା ଭାଇରସ ସମସ୍ତଙ୍କୁ ଭୟଭୀତ ଅବସ୍ଥାରେ ରଖିଥିବା ବେଳେ ଏହି ମହାମାରୀରୁ ଲୋକଙ୍କୁ ରକ୍ଷା କରିବା ପାଇଁ ସରକାର ଲକ ଡାଉନ୍/ସଟଡାଉନ ଘୋଷଣା କରିଛନ୍ତି l ଯାହା ଫଳରେ ସବୁକିଛି ଠପ୍ ହୋଇପଡିଛି l ବିଶେଷ କରି ସପ୍ତାହନ୍ତ ସଟଡାଉନ ଯୋଗୁଁ ସେହିଦିନ ଦୋକାନବଜାର ସମ୍ପୂର୍ଣ୍ଣ ବନ୍ଦ ହୋଇଥିବାରୁ ଜୀବନ ବଞ୍ଚାଇବା ସକାଶେ ପେଟରେ ଦାନା ମୁଠିଏ ଭରିବା ପାଇଁ ନିରୀହ, ଅସହାୟ,ପଥିକ ନାହିଁ ନ ଥିବା ସମସ୍ୟାର 

ସମ୍ମୁଖୀନ ହେଉଛନ୍ତି l ଭୋକିଲା ପେଟକୁ ଅନ୍ନ ଦେଇ ତାଙ୍କ ମୁହଁରେ ହସ ଫୁଟାଇବା ପାଇଁ ସ୍ବେଚ୍ଛାସେବୀ ମାନେ ଅହରହ ପ୍ରୟାସ ଜାରି ରଖିଛନ୍ତି l ଏ ପରିପ୍ରେକ୍ଷୀରେ ବିନିକା ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ ଓ ଲାଇବ୍ରେରିଅନ ଗରିବ ସାଲମାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ତପସ୍ଵିନୀ ମେହେର, ଅନ୍ନପୂର୍ଣ୍ଣା ମାହାଣା, ସଦାନନ୍ଦ ପ୍ରଧାନ, ହାଡିବନ୍ଧୁ ମେହେର, ତ୍ରିନାଥ ସେଠ୍, ଗୋବିନ୍ଦା ମାହାନା, ଯୋଗେଶ ମେହେର, ଗୋବର୍ଦ୍ଧନ ପ୍ରଧାନ,ବିଶ୍ଵନାଥ ମିଶ୍ର, ପ୍ରକାଶ ଅଗ୍ରୱାଲ,ସନ୍ତୋଷ,କିନୁ, ଆଦିକନ୍ଦ, ଧନେଶ୍ଵର, ସୀତାରାମ,ବିଜୟ, କୈଲlସ,ସରୋଜ,ପୂର୍ଣେନ୍ଦ୍ର, ରଞ୍ଜନଙ୍କ ସମେତ ମହାନଦୀ ସଂଗଠନର କେତେକ କର୍ମକର୍ତ୍ତା ଓ ସହରର କେତେକ ଉତ୍ସାହୀ ଯୁବକ ଓ ମହିଳା ସ୍ବେଚ୍ଛାସେବୀ ଭାଗ ନେଇ ବିନିକା ଡାକ୍ତରଖାନାରେ ଚିକିତ୍ସିତ ରୋଗୀ,ରାସ୍ତାର ପଥିକ,କାମଧନ୍ଦା କରି ନ ପାରି ଆର୍ଥିକ ଅନାଟନରେ ଦିନ କାଟୁଥିବା ଗରିବ ଲୋକ ଏବଂ ବିଭିନ୍ନ ଯାନବାହାନର ଚାଳକ ମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରାଯାଇଛି l ପ୍ରାୟ ୬ ଶହରୁ ଅଧିକ ନିରାଶ୍ରୟ/ଅସହାୟ ଗରିବଙ୍କୁ ମାଗଣାରେ ଖାଦ୍ୟ ଯୋଗାଇ ଦିଆଗଲାଣି ଏବଂ ଯଦି ସଟଡାଉନ ପୁନଃ ବଳବତ୍ତର ରୁହେ ତେବେ ଏହି ପ୍ରକ୍ରିୟା ଚାଲୁ ରହିବ ବୋଲି  

ଶ୍ରୀ ସାଲମା କହିଛନ୍ତି l ଏହା ବ୍ୟତୀତ ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ସାନ ଫଟାମୁଣ୍ଡା ଗ୍ରାମର ବାପା ମା ଛେଉଣ୍ଡ ଦୁଇ ପୁଅଝିଅଙ୍କ ପାଖରେ ପହଞ୍ଚି ତାଙ୍କୁ ଶୁଖିଲା ଖାଦ୍ୟ ଦେବା ସହ ଆର୍ଥିକ ସହାୟତା ପ୍ରଦାନ କର ଯାଇଥିଲା l ଏବଂ ସେମାନେ କିପରି ପାଠ ପଢି ପାରିବେ ସେ ଦିଗରେ ପରାମର୍ଶ ଦେଇଥିଲେ l