05-Dec-2020

(ପ୍ରେରଣା ଖବର ବ୍ୟୁରୋ)- ପ୍ରସିଦ୍ଧ ଆଫ୍ରିକୀୟ ସ˚ଗ୍ରାମୀ ନେଲ୍‌ସନ୍‌ ମଣ୍ତେଲା(ଜନ୍ମ: ୧୮ ଜୁଲାଇ ୧୯୧୮; *ମୃତ୍ୟୁ: ୫ ଡିସେମ୍ବର୍‌ ୨୦୧୩)* ସାମାଜିକ ନ୍ୟାୟ ପାଇଁ ସତଷଠି ବର୍ଷ ସ˚ଗ୍ରାମ କରିଥିଲେ। ତନ୍ମଧ୍ୟରୁ ସତେଇଶ ବିତିଥିଲା କାରାଗାରର କାଳ କୋଠରିରେ। ଏହି ମହାନ୍‌ ନେତାଙ୍କ ନୀତି ଓ ଆଦର୍ଶକୁ ମନେପକାଇବା ଏବ˚ ସେ ଦେଖାଇଯାଇଥିବା ପଥରେ ଚାଲିବା ପାଇଁ ‘ଜାତି ସ˚ଘ’ର ଅନୁମୋଦନକ୍ରମେ ୨୦୧୦ରୁ ପ୍ରତି ବର୍ଷ ଜୁଲାଇ ୧୮ରେ ‘ମଣ୍ତେଲା ଦିବସ’ ପାଳନ କରାଯାଉଛି। ମଣ୍ତେଲାଙ୍କ ମୂଳ ନାମ ‘ରୋଲିଲାହ୍‌ଲା’; ଏହାର ଅର୍ଥ ‘ସମସ୍ୟା ସୃଷ୍ଟିକାରୀ’। ତାଙ୍କର ପିତା-ମାତା ଉଭୟେ ଥିଲେ ଅଶିକ୍ଷିତ। ପିତାଙ୍କର ଚାରି ପତ୍ନୀ, ଚାରି ପୁତ୍ର ଓ ନଅ କନ୍ୟା ଥିଲେ। ମଣ୍ତେଲା, ତୃତୀୟ ପତ୍ନୀଙ୍କ ପୁତ୍ର। ୧୯୬୨ରେ ସେ ଲୁଚିଥିବା ସ୍ଥାନ ସ˚ପର୍କରେ ଆମେରିକାର ‘ସିଆଇଏ’ ସୂଚନା ଦେବା ପରେ, ତାଙ୍କୁ ଗିରଫ କରାଯାଇଥିଲା। ୨୦୦୮ ପର୍ଯ୍ୟନ୍ତ ତାଙ୍କର ଆମେରିକା ପ୍ରବେଶ ନିଷିଦ୍ଧ ଥିଲା। କାର‌୍‌ ଦୁର୍ଘଟନା ଓ ଏଡ୍‌ସରେ ତାଙ୍କର ଦୁଇ ଜଣ ପୁଅଙ୍କ ପ୍ରାଣ ଯାଇଥିଲା। ବିବାହର ତେର ବର୍ଷ ପରେ ପ୍ରଥମ ପତ୍ନୀଙ୍କ ସହ ବିଚ୍ଛେଦ ହୋଇଥିଲା। ବିଚ୍ଛେଦର କାରଣ ମଣ୍ତେଲାଙ୍କ ପରକୀୟା ପ୍ରୀତି। ତାହା ପରେ ସେ ୱିନିଙ୍କୁ ବିବାହ କରିଥିଲେ। ତାହା ମଧ୍ୟ ବିଚ୍ଛେଦରେ ପରିଣତ ହୋଇଥିଲା। ଶେଷରେ ମୋଜାମ୍ବିକ୍‌ର ରାଷ୍ଟ୍ରପତିଙ୍କ ପତ୍ନୀଙ୍କୁ ବିବାହ କରିଥିଲେ। ତାଙ୍କ ଶାସନ କାଳରେ ସାତ ଲକ୍ଷ ପଚାଶ ହଜାର ଘର ତିଆରିକରାଯାଇଥିଲା; କୋଡ଼ିଏ ଲକ୍ଷ ମଣିଷ ବିଦ୍ୟୁତ୍‌ ସୁବିଧା ପାଇଥିଲେ; ଏବ˚ ତିରିଶ ଲକ୍ଷ ମଣିଷ ପାନୀୟ ଜଳ। କର୍ନେଲ୍‌ ମୁଆମର ଗଦ୍ଦାଫୀଙ୍କ ସହ ତାଙ୍କର ଅନ୍ତରଙ୍ଗ ବନ୍ଧୁତା ଥିଲା। କ୍ୟୁବାର ସ୍ବୈରଶାସକ ଫିଡେଲ୍‌ କାସ୍‌ଟ୍ରୋଙ୍କ ସହ ମିଳିତ ଭାବେ ସେ ଲେଖିଥିବା ବହିର ନାମ- ‘ହାଓ ଫାର‌୍‌ ୱି ସ୍ଲେଭ୍‌ସ ହାଭ୍‌ କମ୍‌!’। ଏକ ସମୟରେ ସେ ଦିନରେ ଆଇନ ବ୍ୟବସାୟ ଏବ˚ ରାତିରେ ମୁଷ୍ଟିଯୁଦ୍ଧ କରୁଥିଲେ।  ଜୋହାନ୍‌ସବର୍ଗ‌ରେ ତାଙ୍କର ପରଲୋକ ହୋଇଥିଲା।