28-Sep-2026

ସଇଁତଲା (ପ୍ରେରଣା ଖବର):  ସ୍ଥାନୀୟ ପଞ୍ଚାୟତ ସମିତି ମହାବିଦୟାଳୟ ସଇଁନ୍ତଲା ରେ "ବେଟି ବଚାଓ ବେଟି ପଢ଼ାଓ" ସଚେତନତା ଶିବିର ଅନୁଷ୍ଠିତ ହୋଇ ଯାଇଛି I ଅନୁଷ୍ଠାନ ର ଅଧ୍ୟକ୍ଷ ପ୍ରସନ୍ନ କୁମାର ସାହୁ ଏହାକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ I ଜିଲ୍ଲା ପ୍ରଶାସନ ତରଫରୁ ସଇଁନ୍ତଲା ସି ଡି ପି ଓ ଶ୍ରୀମତୀ ଗୋଲାପୀ ନାୟକ ଏବଂ ସଇଁନ୍ତଲା ଥାନା ଅଧିକାରୀ ଶ୍ରୀଯୁକ୍ତ ବିଶ୍ୱଜିତ ବିଶ୍ୱାଳ ଅତିଥି ଭାବରେ ଯୋଗ ଦେଇଥିଲେ I ଅଧ୍ୟାପକ ଜୟଦେଵ କର ଙ୍କ ସଂଯୋଜନା ରେ ଅନୁଷ୍ଠିତ ହୋଇ ଥିବା ଏହି କାର୍ଯ୍ୟକ୍ରମରେ ରେ କଲେଜ ଅଧ୍ୟକ୍ଷ ଶ୍ରୀ ପ୍ରସନ୍ନ କୁମାର ସାହୁ  ନାରୀ ସୁରକ୍ଷା ଓ ନାରୀ ଶିକ୍ଷା ଉପରେ ଗୁରୁତ୍ୱ ଆରୋପ କରିଥିଲେ I ସିଡିପିଓ ଶ୍ରୀମତୀ ଗୋଲାପୀ ନାୟକ କନ୍ୟା ସନ୍ତାନ ଙ୍କ ସୁବିଧା ପାଇଁ ଥିବା ସରକାରୀ ଯୋଜନା ଉପରେ କହିଥିବା ବେଳେ ଥାନ ଅଧିକାରୀ ଶ୍ରୀଯୁକ୍ତ ବିଶ୍ୱଜିତ ବିଶ୍ୱାଳ ଭାରତୀୟ ନ୍ୟାୟ ସଂହିତା ରେ ମହିଳା ସୁରକ୍ଷା ପାଇଁ ଥିବା ଧାରା ଉପରେ କହିଥିଲେ I ପ୍ରାଧ୍ୟାପକ ଡିଲେଶ୍ୱର ଭୋଇ ବେଟି ବଚାଓ ବେଟି ପଢ଼ାଓ ଯୋଜନା ର ଐତହାସିକ ପଟ୍ଟଭୂମି ଉପରେ କହିଥିବା ବେଳେ ଅଧ୍ୟାପକ ଶ୍ରୀଯୁକ୍ତ ଶଶିଭୂଷଣ ପଧାନ ନାରୀ ସୁରକ୍ଷା ଉପରେ ମତ ରଖିଥିଲେ I ଏହି କାର୍ଯ୍ୟକ୍ରମରେ ରେ ଛାତ୍ରୀ ମାନେ ସକ୍ରୀୟ ଅଂଶ ଗ୍ରହଣ କରିଥିଲେ I ଇଂରାଜୀ ବକ୍ତୃତା, ଓଡ଼ିଆ ବକ୍ତୃତା, କୁଇଜ୍ ଏବଂ ଛବି ଅଙ୍କନ ପ୍ରତିଯୋଗିତା ରେ କୃତିତ୍ୱ ଅର୍ଜନ କରିଥିବା ଛାତ୍ରୀ ମାନ ଙ୍କୁ ମାନ ପତ୍ର ସହ  ପୁରସ୍କାର ବିତରଣ କରାଯାଇ ଥିଲା I ଶେଷରେ କମ୍ପ୍ୟୁଟର ବିଭାଗ ର ଅଧ୍ୟାପକ ରାଜ କୁମାର ବଗର୍ତ୍ତୀ ଧନ୍ୟବାଦ ଅର୍ପଣ କରିଥିଲେ I