27-Sep-2026

ଭବାନୀପାଟଣା (ପ୍ରେରଣା ଖବର): ଦିନକୁ ଦିନ ଅଭିନଵ ଉପାୟରେ ଗଞ୍ଜେଇ ଚୋରା ଚାଲାଣ ହେଉଥିବାବେଳେ କୋରିଅର ପାର୍ସଲରେ ଚାଲିଥିଲା ଗଞ୍ଜେଇ ଚାଲାଣ।ଆଉ ଗଞ୍ଜେଇ ଚାଲାଣ ପାଇଁ ବ୍ୟବହାର ହୋଇଥିଲା ଜଣେ ଅତିରିକ୍ତ ଜଜଙ୍କ ଠିକଣା!
ଭବାନୀପାଟଣାର ସେଫ୍ ଏକ୍ସପ୍ରେସ୍ କୋରିଅର ଗୋଦାମରେ ଚଢ଼ାଉ କରି ପ୍ରାୟ ୪୦୦ କେଜି ଗଞ୍ଜେଇ ଜବତ କରିଛି ଅବକାରୀ ବିଭାଗ।
୩୨ଟି ପ୍ୟାକେଟରେ ଭର୍ତ୍ତି ଥିଲା ଗଞ୍ଜେଇ। ଆଉ ପ୍ୟାକେଟଗୁଡ଼ିକ ଯିବାର ଥିଲା ବୁଲନ୍ଦସହରର ଅତିରିକ୍ତ ଜିଲ୍ଲା ଦୌରା ଜଜଙ୍କ ଠିକଣାକୁ।
କିଏ ପଠାଇଥିଲା
? କାହିଁକି ଜଜଙ୍କ ଠିକଣା ବ୍ୟବହାର କରାଗଲା ? ଏବେ ଏସବୁର ଉତ୍ତର ଖୋଜୁଛି ଅବକାରୀ ବିଭାଗ l 
କୋରିଅର ଗୋଦାମର
ସାଧାରଣ ପାର୍ସଲ ପ୍ୟାକେଟ ଭିତରେ ଲୁଚିଥିଲା ବେଆଇନ କାରବାରର ବଡ଼ ଚାଲାଣ।
ଖବର ମିଳିବା ପରେ ଭବାନୀପାଟଣାସ୍ଥିତ ସେଫ୍ ଏକ୍ସପ୍ରେସ୍ କୋରିଅର ଗୋଦାମରେ ଚଢ଼ାଉ କରିଥିଲା ଅବକାରୀ ବିଭାଗ।
ଯାଞ୍ଚ ବେଳେ ଗୋଟିଏ ପରେ ଗୋଟିଏ କରି ମିଳିଥିଲା ୩୨ ଟି ଗଞ୍ଜେଇ ଭର୍ତ୍ତି ପ୍ୟାକେଟ୍ l
ଜବତ ଗଞ୍ଜେଇର ପରିମାଣ ପ୍ରାୟ ୪୦୦ କେଜି ବୋଲି ବିଭାଗୀୟ ସୂଚନା।
କିନ୍ତୁ ଏହି ଚାଲାଣର ସବୁଠାରୁ ବଡ଼ ରହସ୍ୟ ଲୁଚିଥିଲା ପାର୍ସଲର ଠିକଣାରେ।
ପ୍ୟାକେଟଗୁଡ଼ିକ ବୁଲନ୍ଦସହରର ଅତିରିକ୍ତ ଜିଲ୍ଲା ଦୌରା ଜଜଙ୍କ ଠିକଣାରେ ପଠାଯାଇଥିଲା।
ହେଲେ… କେଉଁଠୁ ଏହି ପ୍ୟାକେଟ ଆସିଥିଲା କିମ୍ବା ପ୍ରେରକଙ୍କ ଠିକଣା ନଥିଲା l
ଘଟଣା ସମ୍ପର୍କରେ ତଦନ୍ତ ଚାଲିଛି। ଗଞ୍ଜେଇ କେଉଁଠାରୁ ଆସିଥିଲା, କିଏ ପଠାଇଥିଲା ଏବଂ ଏହି ଚାଲାଣ ପଛରେ କିଏ କିଏ ସମ୍ପୃକ୍ତ, ସେନେଇ ଖୋଳତାଡ଼ କରାଯାଉଛି।
ପ୍ରଶ୍ନ ଏବେ ଅନେକ।
ଅତିରିକ୍ତ ଜଜଙ୍କ ଠିକଣା କିଏ ଦେଲା?
କୋରିଅର ମାଧ୍ୟମରେ ଏତେ ପରିମାଣର ଗଞ୍ଜେଇ ପଠାଇବା ପଛରେ କିଏ?
ପ୍ୟାକେଟରେ ପ୍ରେରକଙ୍କ ଠିକଣା କାହିଁକି ନଥିଲା?
ଏସବୁ ପ୍ରଶ୍ନର ଉତ୍ତର ଖୋଜୁଛି ଅବକାରୀ ବିଭାଗ।
ଏହା କେବଳ ଏକ ଚାଲାଣ ନା ଏହା ପଛରେ ରହିଛି କୌଣସି ବଡ଼ ନେଟୱର୍କ—ତଦନ୍ତ ଆଗକୁ ବଢ଼ିଲେ ତାହା ସ୍ପଷ୍ଟ ହେବ।
କୋରିଅର ପାର୍ସଲ… ଅତିରିକ୍ତ ଜଜଙ୍କ ଠିକଣା… ଆଉ ଭିତରେ ପ୍ରାୟ ୪୦୦ କେଜି ଗଞ୍ଜେଇ। ଏବେ ଅବକାରୀ ବିଭାଗ ସାମ୍ନାରେ ବଡ଼ ପ୍ରଶ୍ନ—ଏହି ଗଞ୍ଜେଇର ମାଲିକ କିଏ, ଆଉ ଅତିରିକ୍ତ ଜଜଙ୍କ ଠିକଣାକୁ ଚାଲାଣ କରିବାର ମାଷ୍ଟରମାଇଣ୍ଡ କିଏ? ତଦନ୍ତର ପରବର୍ତ୍ତୀ ପର୍ଦ୍ଦା ଖୋଲିଲେ ହିଁ ସାମ୍ନାକୁ ଆସିବ ପୂରା ଚିତ୍ର। କେବେ ଏହି ଗଞ୍ଜେଇ ଚୋରା ଚlଲାଣର ପର୍ଦାଫାଶ କରିବ ଅବକାରୀ ବିଭାଗ ତାକୁହିଁ ଜିଲ୍ଲାବାସୀଙ୍କ ଅପେକ୍ଷା l