28-Sep-2026

ପାପଡାହାଣ୍ଡି (ପ୍ରିୟଦର୍ଶିନୀ ପାତ୍ର)
ପାପଡାହାଣ୍ଡି ବ୍ଲକ କାର୍ଯ୍ୟାଳୟ ଠାରେ ନବରଙ୍ଗପୁର ଜିଲ୍ଲାପାଳ ଙ୍କ ଜିଲ୍ଲାସ୍ତରୀୟ ଯୁଗ୍ମ ଜନ ଅଭିଯୋଗ ଶୁଣାଣି ଶିବିର ଥିବାରୁ ଜିଲ୍ଲାର ଝରୀଗାଁ, ଚନ୍ଦାହାଣ୍ଡି, ଡାବୁଗାଁ ବ୍ଲକର ବିଭିନ୍ନ ପଂଚାୟତ ରୁ ଆସିଥିବା ଏକ ହଜାର ରୁ ଉର୍ଦ୍ଧ ମଦ ବିରୋଧୀ ମହିଳା ଗୋଷ୍ଠୀ ମାନେ ସେମାନଙ୍କ ବିଭିନ୍ନ ସମସ୍ୟା ନେଇଁ  ଜିଲ୍ଲାପାଳ ଙ୍କୁ ଲିଖିତ ଭାବେ ଦାବି ପତ୍ର ପ୍ରଦାନ କରିବାକୁ ଆସିଥିଲେ କିନ୍ତୁ ଏହି ମହିଳା ଗୋଷ୍ଠୀ ପାପଡାହାଣ୍ଡି ବ୍ଲକ କାର୍ଯ୍ୟାଳୟ ଠାରେ ପହଞ୍ଚିବା ସମୟରେ ଜିଲ୍ଲାପାଳ ଏଠାରୁ ଚାଲିଯାଇଥିଲେ l   ଜିଲ୍ଲାପାଳ ଙ୍କୁ ସାକ୍ଷାତ କରିନପାରିବାରୁ ଏଥିରେ ମହିଳାଗୋଷ୍ଟି ନିରାଶ ହୋଇ ତାତି ଉଠିଲେ ଏବଂ ପାପଡାହାଣ୍ଡି ମୁଖ୍ୟ ଚାରି ଛକ ରାସ୍ତା ଜାତୀୟ ରାଜପଥ- 26 କୁ ମଧ୍ୟାନ୍ନ 1:30 ସମୟରୁ ଦୀର୍ଘ ଏକଘଣ୍ଟା ଧରି ଅବରୋଧ କରିଥିଲେ  l  ଏହି ରାସ୍ତା ଅବରୋଧ ଯୋଗୁ ଚାରିଛକ ର ବିଭିନ୍ନ ପାର୍ଶ୍ୱରେ ଶହଶହ ସଂଖ୍ୟାରେ ଗାଡି ଗୁଡିକ ଲମ୍ବାଲାଇନ ରେ ଅଟକି ରହିଥିଲା l ଖବର ପାଇ ତୁରନ୍ତ ପାପଡାହାଣ୍ଡି ଉପଖଣ୍ଡ ଆରକ୍ଷୀ ଅଧିକ୍ଷକ ସତ୍ୟଜିତ କଣ୍ଡେଂକେଲ, ଥାନା ଅଧିକାରୀ ଉମେଶ ଚନ୍ଦ୍ର ନାୟକ,ଏସଆଇ ଉମାକାନ୍ତ ଶବର ସଦଳ ବଳେ ଘଟଣା ସ୍ଥଳରେ ପହଞ୍ଚିବା ସହିତ  ରାସ୍ତା ଉପରେ  ବସିରହିଥିବା ମହିଳାଗୋଷ୍ଠୀ ଙ୍କୁ ବହୁ ବୁଝା ସୁଝା କରିବା ଫଳରେ ମହିଳାଗୋଷ୍ଟି 2:30 ସମୟରେ ରାସ୍ତା ରୋକ ରୁ ଓହରି ଥିଲେ ଫଳରେ ଯାନ ବାହାନ ଚଳାଚଳ ସ୍ୱାଭାବିକ ହୋଇଥିଲା