21-Nov-2021

 ଜିଦଖୋର ମନୋଭାବ, ଏକଛତ୍ରବାଦ ଶାସକ ଆଜି ଦେଶର ଅଗଣିତ ଚାଷୀ ଭାଇଙ୍କ ପାଖରେ ନତମସ୍ତକ ହେବାକୁ ବାଧ୍ୟ ହୋଇଛନ୍ତି l
  ପ୍ରଧାନମନ୍ତ୍ରୀଙ୍କ କୃଷି ବିଲ୍ ପ୍ରତ୍ୟାହାର ଖବର ପ୍ରସାରିତ ହେବାପରେ  ସାରା ଦେଶ ନିରବ l ନିର୍ବାଚନ ପୂର୍ବରୁ ୩ କୃଷି ଆଇନକୁ ସରକାର ପ୍ରତ୍ୟାହାର କରିବେ ବୋଲି ଘୋଷଣା କରିବା ପରେ ବିରୋଧୀ ସତେ ଯେମିତି ଅସ୍ତ୍ରହରା ହୋଇଯାଇଛନ୍ତି । ଚାଷୀଙ୍କ ନ୍ୟାର୍ଯ୍ୟ ଦାବିରେ କେନ୍ଦ୍ର ସରକାର ଅସ୍ତ୍ରବିହିନ ଭଳି କହି ବିରୋଧୀଙ୍କ ପାଖରେ  ଆଉ କିଛି ବିକଳ୍ପ ନାହିଁ କହିଲେ ଚଳେ l ସମୟ ଥିଲା ବର୍ତ୍ତମାନ ର ଅବସ୍ଥାପିତ କେନ୍ଦ୍ର ସରକାର କଂଗ୍ରେସ ଅମଳରେ ନିତ୍ୟବ୍ୟବହାର୍ଯ୍ୟ ଗ୍ୟାସ ଟାଙ୍କି ମୁଣ୍ତରେ ବୋହି କେତେଯେ,ନାରା ଦେଇ ଦରଦାମ ବିରୁଦ୍ଧରେ ଲଢ଼ୁଥିଲେ lହେଲେ ବର୍ତ୍ତମାନ ସେଇ ରନ୍ଧନ ଗ୍ୟାସ ଟାଙ୍କି ର ଅହେତୁକ ମୂଲ୍ୟବୃଦ୍ଧି, ପେଟ୍ରୋଲ ଡିଜେଲରେ ମୂଲ୍ୟବୃଦ୍ଧି,ଖାଇବା ତେଲ ଠୁ ଆରମ୍ଭ କରି ତେଲଲୁଣ ସଂସାରେ ନିଆଁ ଲାଗିଯାଇଛି l ଏହାକୁ ନେଇ ବିରୋଧୀ ଭଲ ଭାବରେ ସମରର ରଣନିତୀ ତେୟାର୍ କରିପାରନ୍ତେ l  ଗୋଟିଏ ଗୁଳିରେ ଦୁଇଟି ଶିକାର କଲାଭଳି, ବିରୋଧୀଙ୍କ ପାର୍ଲାମେଣ୍ଟ ପଣ୍ଡ ଯୋଜନା ଏବଂ ନିର୍ବାଚନୀ ରଣହୁଂକାରକୁ ଜବରଦସ୍ତ ଝଟକା ଦେଲା ଭଳି ମନେହୁଏ 

ମୋଦିଜୀଙ୍କ ଛକ୍କା ରେ    ବିରୋଧୀ ଦଳ ସବୁ ଘାଇଲା ବାଘ ସଦୃଶl ସେପଟେ ଏହାକୁ ଭିତ୍ତି କରି କୃଷକ ଆନ୍ଦୋଳନ ର ତୁଙ୍ଗନେତା ରାଜେଶ ଟିକ୍କାୟତ  ପାର୍ଲାମେଣ୍ଟରେ ସାମ୍ବିଧାନିକ ଭାବେ ଆଇନ ରଦ୍ଦ ନହେବା ଯାଏଁ ମୋଦି ଙ୍କୁ ଆମର ବିଶ୍ବାସ ନାହିଁ, ଏଣୁ ସେ ପର୍ଯ୍ୟନ୍ତ ଦିଲ୍ଲୀ ସୀମାରୁ ଟେଣ୍ଟ ଭାଙ୍ଗିବେ ନାହିଁ ବୋଲି ଶ୍ରୀ ଟିକ୍କୟତ କହିଛନ୍ତି l ହରିୟାଣା-ଦିଲ୍ଲୀ ସୀମାନ୍ତ ସିଂଘୁ ଆନ୍ଦୋଳନସ୍ଥଳରେ ସଂଯୁକ୍ତ କିଷାନ ମୋର୍ଚ୍ଚାର କୋର୍ କମିଟି ବୈଠକ ବସିସାରିଛି । ସଂସଦରେ ଆଇନ ରଦ୍ଦ ହେବା ପରେ ହିଁ ଆନ୍ଦୋଳନରୁ ହଟିବେ ବୋଲି ସେମାନେ ନିଷ୍ପତ୍ତି ନେଇଛନ୍ତି । ତଥାପି ସର୍ବନିମ୍ନ ସହାୟକ ମୂଲ୍ୟ ପ୍ରସଙ୍ଗରେ ସେମାନେ ସରକାରଙ୍କ ଠାରୁ କ୍ରିନ ଚିଟ୍ ଦାବି ରେ ଅଟଳ l
    ଚାଷୀଙ୍କ ଜିଦ୍, ବିରୋଧୀଙ୍କ ରାଜନୈତିକ ବିରୋଧ ଆଇନକୁ ଝଟକା ଦେଇଛି । ସେପଟେ ସରକାର ତରବରିଆ ଭାବେ ଅଧ୍ୟାଦେଶ ଆଣି ଆଇନରେ ପରିଣତ କରାଇ ନେବା, ଆଲୋଚନା ବେଳେ ବିରୋଧୀଙ୍କୁ ବିଶ୍ବାସକୁ ନନେବା, ଆଇନ ଉପରେ ସନ୍ଦେହ ସୃଷ୍ଟି କଲା । ଯାହା ସ୍ପଷ୍ଟ କରିଦେଲା ଯେ, ଆଇନରେ କୃଷି ଏବଂ କୃଷକଙ୍କ ହିତ ସାଧନ ଉଦ୍ଦେଶ୍ୟ କମ୍ ଥିଲା, ରାଜନୀତି  ଉଦ୍ଦେଶ୍ୟ ଥିଲା ଭଳି ମନେ ହେଉଥିଲା l

  ସୁପ୍ରିମକୋର୍ଟଙ୍କ ଦ୍ବାରା ଗଠିତ କମିଟି, ଆଇନରେ କିଛିଟା ସଂଶୋଧନ ଆଣିବାକୁ ପ୍ରସ୍ତାବ ଦେଇଥିଲେ ମଧ୍ୟ ସରକାର ତାହା ବିଚାରକୁ ନେଇ ନାହାନ୍ତି । ବରଂ ନିର୍ବାଚନକୁ ନଜରରେ ରଖି ପ୍ରତ୍ୟାହାର ନିଷ୍ପତ୍ତି ନେଇଥିବା ସ୍ପଷ୍ଟ ଭାବେ ବାରି ହୋଇ ଯାଇଛି। ଯେମିତି  ସ୍ୱର୍ଗତ ଇନ୍ଦିରା ଗାନ୍ଧୀ ଦେଶର ପ୍ରଧାନମନ୍ତ୍ରୀ ଥିଲାବେଳେ, ୧୯୭୭ ମସିହା  ନିର୍ବାଚନ ପୂର୍ବରୁ ଜରୁରୀକାଳୀନ ପରିସ୍ଥିତି ହଟାଇବାକୁ ବାଧ୍ୟ ହୋଇଥିଲେ । ଏବେ ବିରୋଧୀ ଅସ୍ତ୍ରଶସ୍ତ୍ର ଖୋଜିବାରେ ବ୍ୟସ୍ତ lଖୋଜିଲେ ଅନେକ ଅସ୍ତ୍ର ଅଛି ଜନସାଧାରଣ ଙ୍କ ହେବାପାଇଁ ଉଦ୍ଧିଷ୍ଟ ହୋଇପାରନ୍ତା lଦରଦାମ ବୃଦ୍ଧି ଏକ ପ୍ରସଙ୍ଗ,ଯାହାକି ଆମ ଆଦମୀ ଙ୍କ ପାଇଁ lପ୍ରାଇଭେଟି କରଣ ଏକ ବିରାଟ ଅସ୍ତ୍ର lଏମିତି ଅନେକ ଅସ୍ତ ଅଛି କେଉଁ ଅସ୍ତ୍ର କାଟୁ କରିବ ବିରୋଧି ଦଳର ତାହା ଦେଖିବାକୁ ବାକି ରହିଲା l