13-Sep-2026

ସଇଁତଳା: ସଇଁତଳା ବ୍ଲକ୍ ଅନ୍ତର୍ଗତ ବ୍ଲକ କଲୋନୀ କ୍ଲଷ୍ଟର ସ୍ତରୀୟ ତୃତୀୟ ମାସିକ ବୈଠକ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, ଡେଙ୍ଗ ଠାରେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଜୟନ୍ତ ନାଗଙ୍କ ଆବାହନ କ୍ରମେ ବିଦ୍ୟାଳୟର ପ୍ରଧାନ ଶିକ୍ଷକ ଯୁଗଳ କିଶୋର ଭୋଇଙ୍କ ଅଧ୍ୟକ୍ଷତାରେ ଓସେପା, ଓଡିଶାଙ୍କ ପତ୍ର ସଂଖ୍ୟା- ୯୯୯୦ / ତା.୦୩.୦୯.୨୦୨୬ ଓ ୯୬୦୪ / ତା.୨୪.୦୮.୨୦୨୬, ଟିଇ ଓ ଏସସିଇଆରଟି, ଓଡିଶାଙ୍କ ପତ୍ର ସଂଖ୍ୟା- ୫୪୩୫/ ତା.୨୯.୦୮.୨୦୨୬ ମୁତାବକ ବ୍ଲକ କଲୋନୀ କ୍ଲଷ୍ଟର ସ୍ତରୀୟ ତୃତୀୟ ମାସିକ ବୈଠକ ସେପ୍ଟେମ୍ବର ୨୦୨୬ ମାସ କାର୍ଯ୍ୟସୂଚୀ ଅନୁସାରେ ଅନୁଷ୍ଠିତ ହୋଇଥିଲା । ଏହି ବୈଠକରେ ଆଞ୍ଚଳିକ ସାଧନ କର୍ମୀ ଭାବେ ଜୟନ୍ତ ନାଗ ସେପ୍ଟେମ୍ବର ମାସର ଶୈକ୍ଷିକ କ୍ୟାଲେଣ୍ଡର, ଆକଳନର ରୂପରେଖ, ସାମଗ୍ରୀକ ପ୍ରଗତି ପତ୍ର, ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ, ଗ୍ୟାଲେରୀ ପରିଭ୍ରମଣ, ନ୍ୟସ୍ତ କାର୍ଯ୍ୟର ଆଲୋଚନା, ଶିକ୍ଷଣ ସୋପାନ ରେଜିଷ୍ଟର, ଜିଲ୍ଲା ଓ କ୍ଲଷ୍ଟର ସ୍ତରୀୟ ଶୈକ୍ଷିକ ଆଲୋଚନା, ପିଏମ୍ ଇ-ବିଦ୍ୟା ଓ ଦୀକ୍ଷା ପଞ୍ଜୀକରଣ ପ୍ରକ୍ରିୟା ଆଦି ପ୍ରସଙ୍ଗରେ ବୈଠକରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ। ଏଥିରେ ପ୍ରକାଶ ପଣ୍ଡା, ରାଧାକାନ୍ତ ମିଶ୍ର, ସ୍ନେହ ମଞ୍ଜୁଳା ନନ୍ଦ, ବୈକୁଣ୍ଠ ଭୋଇ, ଗିରିଧାରୀ ବେହେରା, ସରୋଜ କୁମାର ବୈଠାରୁ,ଲକ୍ଷ୍ମୀ ସୁନା, ପ୍ରମୋଦିନୀ ମେହେର,କାନ୍ତି ଭୋଇ, ଦ୍ରୌପଦୀ ଭୋଇ, ଜ୍ୟୋସ୍ନା ଝାଙ୍କର, ଦେବେଶ ହୋତା, ମନରଞ୍ଜନ ପରିଡ଼ା ପ୍ରମୁଖ ଯୋଗ ଦେଇ ବୈଠକରେ ସକ୍ରିୟ ଅଂଶ ଗ୍ରହଣ କରିଥିବା ବେଳେ ସ୍ଥାନୀୟ ଶିକ୍ଷକ ଲିଙ୍ଗରାଜ ନନ୍ଦ ପରିଚାଳନା ଓ   ଶିକ୍ଷକ ରାମ ନାରାୟଣ ଦାଶ ଧନ୍ୟବାଦ ଅର୍ପଣ କରିଥିଲେ।