05-Nov-2020

ଓଡିଶାର ଗର୍ବ ଓ ଗୌରବ ନୟାଗଡ ଜିଲ୍ଲାର ଖଣ୍ତପଡା ଠାରେ ଜନ୍ମିତ  ହିନ୍ଦୁ ମୁସଲିମ୍ ସଂହତିର ପ୍ରତୀକାତ୍ମକ ଏ ଯୁଗର ସାଲବେଗ ବିଶିଷ୍ଟ ସଂଗୀତଜ୍ଞ ଭିକାରୀ ମହମ୍ମଦ ଆଜି ବୁଧବାର  ରାତି  11/45 ମିନିଟ୍ ରେ ଇହଲୀଳା ସମ୍ବରଣ କରିଛନ୍ତି, ମ୍ରୁତ୍ଯୁ ବେଳକୁ ତାଙ୍କୁ 71 ବର୍ଷ ହୋଇଥିଲା  |  ଏହି ମହାନ ବ୍ଯକ୍ତିଙ୍କ ଆମ୍ମୀ ଉତ୍କଳର ପାରମ୍ପରିକ ଦୂତୀଆ ଓଷା ବ୍ରତ ପାଳନ କରି ଜଗନ୍ନାଥଙ୍କ ଆଶିର୍ବାଦରୁ ତାଙ୍କୁ ପୁତ୍ର ସନ୍ତାନ ଭାବରେ ପାଇଥିବାରୁ ହିନ୍ଦୁ ଧର୍ମ ଅନୁସାରେ ନାମ ରଖିଥିଲେ ଭିକାରୀ  | ଏହିପରି ଭାବରେ ହିନ୍ଦୁ‐ମୁସଲିମ୍ ଉଭୟ ଧାର୍ମିକ ସଦଭାବନା ସମନ୍ବୟରେ ଭିକାରୀ ମହମ୍ମଦ ନାମକୁ ସାର୍ଥକ କରିବା ପାଇଁ ସେ ଆଜୀବନ ପ୍ରତ୍ଯହ ମସଜିଦରେ ନମାଜ ପାଠ କରିବା ସହିତ ମନ୍ଦିରରେ ଜଗତର ନାଥ ଜଗନ୍ନାଥଙ୍କ ଚରଣାଶ୍ରୀତ ହୋଇ   ଜଣାଣ ଭଜନ ଗାୟନ ଦ୍ବାରା  ସେ ଏ ଯୁଗର ସାଲବେଗ ରୁପେ ସମସ୍ତଙ୍କ ଠାରେ ପରିଚିତ ଥିଲେ | ବର୍ତ୍ତମାନ୍ ରାଷ୍ଟ୍ର ରାଷ୍ଟ୍ର ମଧ୍ଯରେ ଧର୍ମିୟ ସଂକିର୍ଣ୍ଣତା ଓ ଅସହିଷ୍ଣୁତା ବ୍ଯାପକ ରୂପ ନେଉଥିବା ସମୟରେ ଏଯୁଗର ସାଲବେଗ ଦିବ୍ଯ ପୁରୁଷ  ଭିକାରୀ ମହମ୍ମଦ ଏହାଠାରୁ ଉର୍ଦ୍ଧ୍ବରେ ରହି ସଦା ସର୍ବଦା ଆନନ୍ଦମୟ ‐ ସଙ୍ଗୀତମୟ ଓ ଜଗନ୍ନାଥମୟ ପ୍ରଶସ୍ତି ମଧ୍ଯରେ ନିଜକୁ ହଜାଇ ଦେଇ ସମାଜକୁ ଶାନ୍ତୀ ଓ ସଂହତିର ବାର୍ତ୍ତା ପ୍ରଦାନ କରି ଆସୁଥିଲେ, ଆମାୟୀକ ସ୍ବଭାବର ଜଗନ୍ନାଥଙ୍କ ଏହି ପରମ ଭକ୍ତ ସାମଗ୍ରିକ ଭାବରେ  ଜଣେ ଉଚ୍ଚକୋଟିର ସଙ୍ଗୀତଜ୍ଞ ଓ ଜଗନ୍ନାଥ ଚେତନା ର ବିଦଗ୍ଧ ତଥା ଅଭିଜ୍ଞ  ପ୍ରେରଣାଦାୟୀ ବ୍ଯକ୍ତିତ୍ବ | ଏହି ଅମ୍ଳାନ ପ୍ରତିଭା ସମସ୍ତଙ୍କ  ପ୍ରିୟ ଭିକାରୀ ଭାଇନା ଙ୍କ ଆଲୋକ ବର୍ତ୍ତିକା ଦୀପଶିଖା ଆଜି ଲିଭିଯାଇଛି | କିନ୍ତୁ ଚିର ସ୍ମରଣୀୟ ହୋଇ ରହିଯାଇଛି ରହିଥିବ ତାଙ୍କରି ବିଗତ ଦିନର  କୃତି ଓ ସ୍ମୁତି ସବୁରୀ ମନରେ ‐ ସବୁରୀ ହ୍ରୁଦୟରେ | ଗତ ବର୍ଷ ବଲାଙ୍ଗିର ଜିଲ୍ଲା ଭଂଇଷ।  ଠାରେ ଆୟୋଜିତ କବିଶ୍ରୀ ଗୋବର୍ଦ୍ଧନ ଦାସ  କଲଚର ପକ୍ଷରୁ ଭିକାରୀ ମହମ୍ମଦଙ୍କୁ  ସମ୍ବର୍ଦ୍ଧିତ କରାଯାଇଥିଲା l  ହେ ! ଯଶସ୍ବୀ ସ୍ବର୍ଗତ ଆତ୍ମା ଆପଣ ପରଲୋକରେ  ଜଗନ୍ନାଥଙ୍କ ଚରଣରେ‐ଆଲ୍ଲାଙ୍କ ନିକଟରେ ସ୍ଥାନ ପାଇ ଶାନ୍ତି ଏବଂ ମୂକ୍ତି ପ୍ରାପ୍ତ ହୁଅନ୍ତୁ | ଆଜିର ଏହି ଦାରୁଣ ଦୁଃଖକୁ ସହିବା ପାଇଁ ତାଙ୍କ ପରିବାର ଓ  ପରିଜନଙ୍କୁ ଈଶ୍ବର ଶକ୍ତି ପ୍ରଦାନ କରନ୍ତୁ‐ ଏତିକି କାମନା | ଓଁ ଶାନ୍ତି ଶାନ୍ତି ଶାନ୍ତି ! ‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐ଉପସ୍ଥାପନl-ଗୁଣମୂଗ୍ଧ  ଆଲୋକ ଦାସ୍ ‐ ଭଇଁଷା‐ ବଲାଙ୍ଗୀର ‐  ଯୋଗାଯୋଗ‐ 9438028857 / 8018910901/