05-Nov-2020

ଲୋଇସିଂହା, (ପ୍ରେରଣା ଖବର) - ବଲାଙ୍ଗୀର ଜିଲ୍ଲା ଲୋଇସିଂହାରେ ଲୁଟେରା ସଂକ୍ରିୟ ହୋଇ ପଡିଛନ୍ତି । ଲୋଇସିଂହା ଏସବିଆଇ ବ୍ୟାଙ୍କ ସମ୍ମୁଖରୁ ଏକ ବାଇକ ଡିକିରୁ ୪ ଲକ୍ଷ ଟଙ୍କା ଲୁଟ ହୋଇଥିବା ଲୋଇସିଂହା ଥାନାରେ ଅଭିଯୋଗ ହୋଇଛି । ଲୁଟପାଟ ବୃଦ୍ଧି ପାଇଥିଲେ ମଧ୍ୟ ଲୁଟେରା ଧରା ନ ପଡିବା ଯୋଗୁ ଜନସାଧାରଣଙ୍କ ଚିନ୍ତା ବଢିଯାଇଛି । ପୋଲିସ ସୂଚନା ଅନୁଯାୟୀ ,ଲୋଇସିଂହା ଜଡାମୁଣ୍ଡା ବସ୍ତିର ଗୋପଳ ପଧାନ ଓ ତାଙ୍କ ପୁଅ ଲୋଇସିଂହା ଏସବିଆଇକୁ ଆସି ୪ ଲକ୍ଷ ଟଙ୍କା ଉଠାଇଥିଲେ । ଟଙ୍କାବ୍ୟାଗ ଧରି ବ୍ୟାଙ୍କ ଆଗକୁଆସି ବାଇକଡିକିରେ ଟଙ୍କା ରଖି ନିକଟସ୍ଥ ଚା ଦୋକାନକୁ ବାପପୁଅ ଚା ପିଇଯାଇଥିଲେ । ସେଠାରୁ ଆସିଲା ପରେ ଡିକି ତାଡି ଟଙ୍କା ଲୁଟ ହୋଇଥିବା ସେମାନେ ଜାଣିବାକୁ ପାଇ ଥାନାରେ ଅଭିଯୋଗ କରିଥିଲେ । ସନ୍ଧ୍ୟାରେ ଏସଡିପିଓ ଶ୍ରୀମନ୍ତ ବାରିକ ବ୍ୟାଙ୍କରେ ପହଞ୍ଚି ଛାନଭିନ କରିଥିଲା । ଏହାପୂର୍ବର ଲୋଇସିଂହା ତ୍ରିଶୂଳ ବନ୍ଧ ରାସ୍ତାର ସ୍ଥାନୀୟ ବ୍ୟବସାୟୀ ସାଉରିଆ ଅଗ୍ରୱାଲକୁ ୪ ଜଣ ଦୁବୃର୍ତ୍ତମାଡ ମାରି କିରାନା ସାମାନ ଥିବା ବ୍ୟାଗ ଛଡାଇ ନେଇଥିଲେ । ବୁଧବାର ଆଦିବସୀ ସଂଘ ପକ୍ଷରୁ ବ୍ୟାଙ୍କ ଓ ଥାନାକୁ ଯାଇ ନିୟମିତ ଭାବେ ଲୁଟକୁ ନେଇ ଉଦବେଗ ପ୍ରକାଶ କରିଥିଲେ । ବ୍ୟାକରେ ଦଲାଲ ପ୍ରଶୟକୁ ନେଇ ସଂଘ କ୍ଷୋଭ ପ୍ରକାଶ କରିଥିଲେ । ଲୁଟପାଟ ଘଟଣାରେ ଅଭିଯୁକ୍ତ ଧରାନପଡିବା ଓ ପୋଲିସ ନିଷ୍କ୍ରିୟତାକୁ ନେଇ ବଡଧରଣ ଆନ୍ଦୋଳନ ମୁଣ୍ଡଟେକିବ ବୋଲି ଜିଲା ଉପସଭାପତତି ଶ୍ୟାମସୁନ୍ଦର ଭୋଇ,ଦଶରଥ ଛତ୍ରିଆ,କାହନୁ ପଧାନ ,ଲାଲମନ ନାଗ ପ୍ରମୁଖ ଚେତାବନୀ ଦେଇଛନନ୍ତି । ସେହିପରି ଲୋଇସିଂହା-ସୁଜିଆ ରାସ୍ତାରେ ସନ୍ଧ୍ୟା ସମୟରେ ଲୁଟେରା ସଂକ୍ରିୟ ରହିଥିବା ସୁଜିଆ ଗ୍ରାମର ମିତ୍ରଭାନୁସାହୁଥାନାରେ ଲିଖିତ ଅଭିଯୋଗ କରିଛନ୍ତି ।