28-Apr-2021

ବରଗଡ଼(ମୁକୁନ୍ଦ ଦାସ)- ଗତ ୯ ଏପ୍ରିଲ୍ ୨୦୨୧ ଠାରୁ ଲାୟନ୍ସ୍ କ୍ଲବ୍ ବରଗଡ଼ ଦ୍ୱାରା ୨୪ ଘଣ୍ଟିଆ ଅକ୍ସିଜେନ୍ ସିଲିଣ୍ଡର୍ ସେବା ଆରମ୍ଭ ହୋଇଯାଇଛି । ଲାୟନ୍ସ୍ କ୍ଲବ୍ ବରଗଡ଼ ର ୫୨ ସିଲିଣ୍ଡର୍ ବିଶିଷ୍ଟ ଅକ୍ସିଜେନ୍ ବ୍ୟାଙ୍କ୍ ପ୍ରକଳ୍ପ କୁ ବରଗଡ଼ ର ମାନ୍ୟବର ସାଂସଦ ସୁରେଶ ପୂଜାରୀ ଙ୍କ ଦ୍ୱାରା ଉଦ୍‌ଘାଟିତ ହୋଇଥିଲା । ଲାୟନ୍ସ୍ କ୍ଲବ୍ ବରଗଡ଼ର ଅଧ୍ୟକ୍ଷା ଲାୟନ୍ ଜୟନ୍ତୀ ବେହେରା ଏବଂ ଭୂତପୂର୍ବ ଅଧ୍ୟକ୍ଷ ଲାୟନ୍ ଡି.ମୂରଲୀ କ୍ରୀଷ୍ଣାଙ୍କ ପ୍ରତ୍ୟକ୍ଷ ତତ୍ୱାବଧାନରେ ଉକ୍ତ ଅକ୍ସିଜେନ୍ ସିଲିଣ୍ଡର୍ ସମଗ୍ର ବରଗଡ଼ ଜିଲ୍ଲାର କେବଳ କୋରୋନା ଭୂତାଣୁ ସଂକ୍ରମିତଙ୍କୁ ଯୋଗାଇ ଦିଆଯାଉଛି । ଏପର୍ଯ୍ୟନ୍ତ ମୋଟ୍ ୩୦୦ରୁ ଉର୍ଦ୍ଧ୍ୱ କୋରୋନା ସଂକ୍ରମିତ ଉକ୍ତ ସେବାଦ୍ୱାରା ଉପକୃତ ହେଲେଣି । କୋରୋନା ସଂକ୍ରମିତ ରୋଗୀ ନିଜର ମେଡିକାଲ୍ ରିପୋର୍ଟ୍ ଦେଖାଇ ଅକ୍ସିଜେନ୍ ସିଲିଣ୍ଡର୍ ପାଇପାରିବେ । ଆବେଦନ କରିବା ପାଇଁ ଉକ୍ତ ପ୍ରକଳ୍ପର ପ୍ରୋଜେକ୍ଟ୍ ଚେୟାର୍‌ମେନ୍ ଲାୟନ୍ ସୁଶାନ୍ତ ତ୍ରିପାଠୀ (୮୯୮୪୪୮୪୯୨୭), ଲାୟନ୍ସ୍ କ୍ଲବ୍ ବରଗଡ଼ର ସଂପାଦକ ଅମରଜିତ୍ ସିଂ (୯୪୩୭୪୧୯୦୫୧), ଲାୟନ୍ ବିକାଶ ମିତ୍‌ତଲ୍ (୯୦୪୦୫୨୧୩୭୦), ଲାୟନ୍ ପ୍ରଦୀପ ସନନ୍ (୮୯୦୮୪୨୬୦୪୩), ଲାୟନ୍ କିଶନ୍ ଅଗ୍ରୱାଲ୍ (୯୪୩୭୧୦୪୨୭୮), ଲାୟନ୍ ମନୋଜ ମହାପାତ୍ର (୭୯୭୮୯୩୯୧୨୮), ଲାୟନ୍ ଡା.ସୁଶୀଲ୍ କୁମାର କର (୯୦୪୦୦୩୦୬୩୬), ଲାୟନ୍ ସର୍ବେଶ୍ୱର ତ୍ରିପାଠୀ (୯୩୩୭୭୧୦୮୩୮), ଲାୟନ୍ ଆନନ୍ଦ ଅଗ୍ରୱାଲ୍ (୯୪୩୭୦୫୧୬୮୦), ଲାୟନ୍ ସି.ଏମ୍‌. ରାଓ (୯୪୩୭୭୦୭୭୦୦), ଲିଓ ଆୟୁଷ ଗୁପ୍ତା (୭୦୦୮୪୩୯୩୬୫) ଙ୍କୁ ଯୋଗାଯୋଗ କରିବାକୁ ଅନୁରୋଧ । ଇଏମ୍‌ଇ ଏପ୍ ରେ ଏମର୍ଜେନ୍ସି ସର୍ଭିସେସ୍ କ୍ୟାଟେଗୋରୀ କ୍ଲିକ୍ କରି ଅକ୍ସିଜେନ୍ ସିଲିଣ୍ଡର୍ ଏବଂ ରକ୍ତ ପାଇପାରିବେ । ସମ୍ପୂର୍ଣ୍ଣ କୋରୋନା ସଂକ୍ରମିତଙ୍କ ପରିବାରମାନଙ୍କୁ ଏବଂ ଅତ୍ୟାବଶ୍ୟକ ସ୍ଥଳେ ଲାୟନ୍ସ୍ କ୍ଲବ୍ ବରଗଡ଼ ର ସଦସ୍ୟମାନେ ରାତ୍ରି ସମୟରେ ମଧ୍ୟ ଅକ୍ସିଜେନ୍ ସିଲିଣ୍ଡର୍ ଘରେ ନେଇ ପହଂଚାଇଦେଇଥିବାରୁ ଲାୟନ୍ସ୍ କ୍ଲବ୍ କୁ ବରଗଡ଼ ଜନସାଧାରଣ, ବୁଦ୍ଧିଜୀବୀ ମହଲରୁ ପ୍ରଶଂସା କରାଯାଇଛି । ଚଳିତ ମାସ ରୁ ବରଗଡ଼ ଜିଲ୍ଲାରେ ଆରମ୍ଭ ହୋଇଥିବା ଶନିବାର ଏବଂ ରବିବାର ସଟ୍‌ଡାଉନ୍ କୁ ଦୃଷ୍ଟିରେ ରଖି ଲାୟନ୍ସ୍ କ୍ଲବ୍ ବରଗଡ଼ ତରଫରୁ ଡି.ଏଚ୍‌.ଏଚ୍‌. ଖେଦାପାଲି ଚିକିତ୍ସାଳୟରେ ଗତ ରବିବାରଠାରୁ ମଧ୍ୟାହ୍ନଭୋଜନର ବ୍ୟବସ୍ଥା କରାଯାଉଛି ଏବଂ ଏହି ଖାଦ୍ୟବ୍ୟବସ୍ଥା ପ୍ରକଳ୍ପର ଚେୟାରମେନ୍ ଲାୟନ୍ ମାସୁମ୍ ମିଶ୍ର ସଟ୍‌ଡାଉନ୍ ଚାଲିଥିବା ପର୍ଯ୍ୟନ୍ତ ପ୍ରତ୍ୟେକ ଶନିବାର ଓ ରବିବାର ମଧ୍ୟାହ୍ନଭୋଜନ ଚାଲୁରହିବ ବୋଲି ପ୍ରକାଶ କରିଛନ୍ତି ।