19-Sep-2026

ନୂଆପଡା (ଡୋଲେଶ୍ୱର  ବାଗ )
ନିଜର ଅନନ୍ୟ ପ୍ରତିଭା ଓ ଦୀର୍ଘଦିନର ଅଭ୍ୟାସ ବଳରେ ଜିଭ ସାହାଯ୍ୟରେ କମ୍ପ୍ୟୁଟର କି-ବୋର୍ଡରେ ଇଂରାଜୀ ବର୍ଣ୍ଣମାଳା A ରୁ Z ପର୍ଯ୍ୟନ୍ତ ଟାଇପ୍ କରି ଇଣ୍ଡିଆ ବୁକ୍ ଅଫ୍ ରେକର୍ଡସରେ ସ୍ଥାନ ପାଇଛନ୍ତି ନୂଆପଡ଼ା ଜିଲ୍ଲା ବୋଡେନ ବ୍ଲକ ଅନ୍ତର୍ଗତ କରଙ୍ଗାମାଲ୍ ଗ୍ରାମ ପଞ୍ଚାୟତ ର କୁଲିଙ୍ଗାମାଲ ଗ୍ରାମ, ଦିନେଶ ଚନ୍ଦ୍ର କଟା।

ଦିନେଶ ହାତ ବ୍ୟବହାର ନକରି କେବଳ ଜିଭ ସାହାଯ୍ୟରେ ଲାପଟପ୍ କି-ବୋର୍ଡରେ ଇଂରାଜୀର capital letters A ରୁ Z ପର୍ଯ୍ୟନ୍ତ ଟାଇପ୍ କରିବାର ଅନନ୍ୟ କୌଶଳ ହାସଲ କରିଛନ୍ତି। ତାଙ୍କର ଏହି ପ୍ରତିଭାକୁ ଇଣ୍ଡିଆ ବୁକ୍ ଅଫ୍ ରେକର୍ଡସ ପକ୍ଷରୁ ଯାଞ୍ଚ କରାଯାଇ ରେକର୍ଡ ଭାବେ ସ୍ୱୀକୃତି ଦିଆଯାଇଛି।

“Fastest individual to type the English alphabet on a computer with his tongue” ଶୀର୍ଷକରେ ତାଙ୍କ ନାମ ରେକର୍ଡଭୁକ୍ତ ହୋଇଛି। ଦିନେଶ ମାତ୍ର ୧୫ ସେକେଣ୍ଡରେ A ରୁ Z ପର୍ଯ୍ୟନ୍ତ ଇଂରାଜୀ ବର୍ଣ୍ଣମାଳା ଟାଇପ୍ କରି ଏହି ରେକର୍ଡ ହାସଲ କରିଛନ୍ତି।

ଏହି ସଫଳତା ପାଇଁ ଇଣ୍ଡିଆ ବୁକ୍ ଅଫ୍ ରେକର୍ଡସ ପକ୍ଷରୁ ତାଙ୍କୁ ରେକର୍ଡ ସର୍ଟିଫିକେଟ୍, ରେକର୍ଡ ହୋଲ୍ଡର୍ ID କାର୍ଡ, ମେଡାଲ୍, ବ୍ୟାଜ୍ ଓ ଅନ୍ୟାନ୍ୟ ସାମଗ୍ରୀ ସହିତ Certificate/Achiever’s Kit ପ୍ରଦାନ କରାଯାଇଛି। ଦିନେଶଙ୍କ ଏହି ଅନନ୍ୟ ସଫଳତାରେ ପରିବାର, ବନ୍ଧୁବର୍ଗ ଓ ଅଞ୍ଚଳବାସୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି। ଦିନେଶ କହିଛନ୍ତି ଯେ, ଦୀର୍ଘଦିନର ଅଭ୍ୟାସ ଓ ନିଷ୍ଠା ଯୋଗୁଁ ସେ ଏହି ଅନନ୍ୟ କୌଶଳ ହାସଲ କରିପାରିଛନ୍ତି। ତାଙ୍କ ଏହି ସଫଳତା ଅଞ୍ଚଳ ପାଇଁ ମଧ୍ୟ ଗର୍ବର ବିଷୟ ହୋଇଛି।