24-Aug-2026

ବଲାଙ୍ଗୀର (ପ୍ରେରଣା ଖବର): ଆଜି ଅପରାହ୍ନରେ ଆକାଶ ଇନଷ୍ଟିଚ୍ୟୁଟ୍, ବଲାଙ୍ଗୀର ଶାଖା ପକ୍ଷରୁ ANTHE- ୨୦୨୬ ର ଭବ୍ୟ ଉନ୍ମୋଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ଏହି କାର୍ଯ୍ୟକ୍ରମରେ ବଲାଙ୍ଗୀର ସେଞ୍ଚୁରିଅନ୍ ପବ୍ଲିକ୍ ସ୍କୁଲ୍, ଡୁଙ୍ଗୁରିପାଲି ସେଞ୍ଚୁରିଅନ୍ ପବ୍ଲିକ୍ ସ୍କୁଲ୍, ଡି.ଏ.ଭି. ସୁନାବେଡା, ଡି.ପି.ଏସ୍. ବଲାଙ୍ଗିର,  ବଲାଙ୍ଗୀର ଆକାଶ ଇନଷ୍ଟିଚ୍ୟୁଟ୍ ଏବଂ ଜୟପୁର ଶାଖାର ଶତାଧିକ ଛାତ୍ରଛାତ୍ରୀ ଭର୍ଚୁଆଲ୍ ମାଧ୍ୟମରେ ଯୋଗ ଦେଇଥିଲେ।

ଏହି ଅବସରେ ମୁଖ୍ୟ ଅତିଥି ଭାବେ ସେଞ୍ଚୁରିଅନ୍ ବିଶ୍ୱବିଦ୍ୟାଳୟ,ବଲାଙ୍ଗିରର ଆଞ୍ଚଳିକ ନିର୍ଦ୍ଦେଶକ ଡ଼. ପ୍ରଦୀପ କୁମାର ଷଡ଼ଙ୍ଗୀ ଯୋଗ ଦେଇ  ନିଜ ଉଦବୋଧନରେ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ। ସମ୍ମାନିତ ଅତିଥି ଭାବେ  ସୁବ୍ରତ ଛାଟୋଇ, ନିର୍ଦ୍ଦେଶକ, ଆକାଶ ଇନଷ୍ଟିଚ୍ୟୁଟ୍, ଓଡ଼ିଶା ଏବଂ ମୁଖ୍ୟ ପ୍ରବକ୍ତା ଭାବେ ସନ୍ତୋଷ କୁମାର, ଆସିଷ୍ଟାଣ୍ଟ ଏକାଡେମିକ୍ ଡାଇରେକ୍ଟର, ଓଡ଼ିଶା ଓ ଛତିଶଗଡ଼ ଯୋଗ ଦେଇଥିଲେ।

କାର୍ଯ୍ୟକ୍ରମକୁ କେନ୍ଦ୍ର ପ୍ରମୁଖ  ସତ୍ୟଦର୍ଶୀ ବେହେରା ପରିଚାଳନା କରିଥିଲେ। ଶ୍ରୀ ବେହେରା ଛାତ୍ରଛାତ୍ରୀ ମାନଙ୍କୁ ପରୀକ୍ଷାର ରାଶି ଏବଂ ଅନ୍ୟାନ୍ୟ ଜରୁରୀ ତଥ୍ୟ ପ୍ରଦାନ କରିଥିଲେ।

ଏହି ଅବସରରେ ସେଞ୍ଚୁରିଅନ୍ ପବ୍ଲିକ୍ ସ୍କୁଲ୍ ର ଭାଇସ୍ ପ୍ରିନ୍ସିପାଲ୍ ଡ଼. ପୁଣ୍ୟତୋୟା ବିଶ୍ୱାଳ,  ଆକାଶ ଇନଷ୍ଟିଚ୍ୟୁଟ୍ ର ଅଧ୍ୟାପକବୃନ୍ଦ ବର୍ଷାରାଣୀ ସାହୁ, ଶିବପ୍ରୀତ ପଣ୍ଡା, ଜି. ଚଞ୍ଚଳ କୁମାର ନାୟକ, ପ୍ରସନ୍ନଜିତ୍ ଦେ, ଓମ୍ ପ୍ରକାଶ ତନ୍ତୀ  ପ୍ରମୁଖ ଉପସ୍ଥିତ ଥିଲେ।

ମୁଖ୍ୟ ଵକ୍ତା ଛାତ୍ରଛାତ୍ରୀ ମାନଙ୍କୁ ANTHE ପରୀକ୍ଷା ବିଷୟରେ ବିସ୍ତୃତ ଭାବେ ଆଲୋକପାତ କରିଥିଲେ।