13-Feb-2026

ବଲାଙ୍ଗିର(ପ୍ରେରଣା ଖବର)-ବଲାଙ୍ଗୀର ଜିଲ୍ଲାରେ ଏକ ସାଇବରଗ୍ୟାଙ୍ଗ କାମ କରୁଥିବା ଓ ସେମାନେ ବିଭିନ୍ନ ଗାଁରୁ ଲୋକଙ୍କ ଆଧାରକାର୍ଡ ସଂଗ୍ରହକରି ବ୍ୟାଙ୍କରେ ଆକାଉଣ୍ଟଖୋଲି ସାଇବର ଅପରାଧିଙ୍କର ଟଙ୍କାକୁ ଟାନଜେକ୍ସନ କରାଉଥିବା ଜଣାପଡିଛି। ବଲାଙ୍ଗୀର ସାଇବର ପୋଲିସ ଏଭଳି ଏକ ଗ୍ୟାଙ୍ଗକୁ ଠାବକରି ତାଙ୍କୁ ଜେରାକଲା ପରେ ଏକ ବଡଧରଣର ସାଇବର ଠକେଇର ପର୍ଦ୍ଦାଫାସ କରିଛି। ସାଇବର ପୋଲିସ ଚୁଡାପାଲି ଗ୍ରାମର ଦେବାଶିଷ କାନ୍ତି ଓ ସୌମ୍ୟରଂଜନ କବାଟ ନାମକ ଦୁଇଜଣ ମଧ୍ୟସ୍ଥିଙ୍କୁ ଧରି ସେମାନଙ୍କଠାରୁ ବିପୁଳ ପରିମାଣର ବ୍ୟାଙ୍କ ପାସବୁକ, ଚେକବୁକ, ଡେବିଟକାର୍ଡ, ପିଓଏସ ମେସିନ, ମୋବାଇଲଫୋନ,ସିମକାର୍ଡ,ଏକ ଚାରିଚକିଆଗାଡି ଜବତ କରିଛି । ଆଜି ବଲାଙ୍ଗୀର ଏସପି ଅଭିଲାଷ ଜୀ ଜିଲ୍ଲା ପୋଲିସ ମୁଖ୍ୟାଳୟରେ ଅଅୟୋଜିତ ଏକ ସାମ୍ବାଦିକ ସମ୍ବିଳନୀରେ ଏନେଇ ଗଣମସାଧ୍ୟମକୁ ସୂଚନା ଦେଇଛନ୍ତି । ଏସପି କହିଛନ୍ତି ଯେ,କୌଣସି ବ୍ୟକ୍ତିଙ୍କୁ ନିଜର ଆଧାର କାର୍ଡ, ପାନକାର୍ଡ କିମ୍ବା ଅନ୍ୟାନ୍ୟ କାଗଜପତ୍ର ନଦେବାକୁ ଜନସାଧାରଣଙ୍କୁ ଗଣମାଧ୍ୟମ ଜରିଆରେ ଅନୁରୋଧ କରିଛନ୍ତି ।
   ଏସପି ଶ୍ରୀ ଅଭିଲାଷ ଜୀ ସୂଚନା ଦେଇଛନ୍ତି,ଚୁଡାପାଲିର ଏହି ଦୁଇ ଅଭିଯୁକ୍ତ ଗ୍ରାମାଞ୍ଚଳର ନିରୀହ ଲୋକଙ୍କୁ ନେଇ ବ୍ୟାଙ୍କରେ ପାସବୁକ ଖୋଲାଉଥିଲେ ଓ ସେହି ଆକାଉଣ୍ଟକୁ ନିଜେ ପରିଚାଳିତ କରୁଥିଲେ । ଆକାଉଣ୍ଟଧାରୀଙ୍କୁ କିଛି ଅର୍ଥଦେଇ ଲୋଭଦେଖାଇ ତାଙ୍କନାମରେ ଆକାଉଣ୍ଟ ଖୋଲି ସେହି ଆକାଉଣ୍ଟରେ ବାହାର ରାଜ୍ୟରୁ ସାଇବର ଅପରାଧିଙ୍କର ଟଙ୍କାକୁ ଟ୍ରାନଜେକ୍ସନ କରାଉଥିଲେ । ସେମାନେ ସେଥିପାଇଁ ଗୋଟି ଗୋଟିଏ ଆକାଉଣ୍ଟ ପିଚ୍ଛା ୧୦ହଜାରୁ ୨୦ହଜାର ପର୍ଯ୍ୟନ୍ତ ସାଇବର ଅପରାଧିଙ୍କଠାରୁ ପାଉଥିଲେ । ମୁଖ୍ୟତଃ ବଲାଙ୍ଗୀର ୟୁକୋବ୍ୟାଙ୍କରେ ଏଭଳି ଭାବରେ ଆକାଉଣ୍ଟ ମାନଙ୍କରେ କୋଟି କୋଟି ଟଙ୍କା ଟ୍ରାନଜେକ୍ସନ ହୋଇଥିବା ଜଣାପଡିଥିବା ଏସପି କହିଛନ୍ତି । ଏପର୍ଯ୍ୟନ୍ତ ପ୍ରାୟ ୩୦୦ରୁ ଅଧିକ ଏଭଳି ଆକାଉଣ୍ଟରେ ଟ୍ରାନଜେକ୍ସନ ହୋଇଥିବା ପୋଲିସ ସୂଚନା ଦେଇଛି । ତେବେ ଗୁରୁତ୍ୱପୂର୍ଣ୍ଣ ବିଷୟ ହେଲା ଅନେକ ସାଧାରଣ ଲୋକଙ୍କ ନାମରେ କରେଣ୍ଟ ଆକାଉଣ୍ଟ ଓ ବିଜନେସ ଆକାଉଣ୍ଟ ମଧ୍ୟ ଖୋଲାଯାଇଥିବା ଜଣାପଡିଛି । ଫଳରେ ଏହି ସାଇବର ଠକେଇ କାରବାରରେ ବ୍ୟାଙ୍କର କିଛି ଅଧିକାରୀ ଓ କର୍ମଚାରୀ ମଧ୍ୟ ସାମିଲ ଥିବାର ସନ୍ଦେହ କରାଯାଉଛି । ଏନେଇ ପୋଲିସ ତଦନ୍ତ ଚଳାଇଛି । ବଲାଙ୍ଗୀରର ଏହି ଆକଉଣ୍ଟଗୁଡିକ କଲିକତାର ସାଇବର ଗ୍ୟାଙ୍କ ସହିତ ଲିଙ୍କ ରହିଛି ଓ ଏପର୍ଯ୍ୟନ୍ତ କୋଟିକୋଟି ଟଙ୍କାର କାରବାର ହୋଇସାରିଥିବା ପୋଲିସ ଜାଣିବାକୁ ପାଇଛି । ଆଜିର ଏହି ସାମ୍ବାଦିକ ସମ୍ବିଳନୀରେ ଏସପି ଅଭିଲାଷ ଜୀ,ସଦର ଏସଡିପିଓ ସରୋଜ ଉପାଧ୍ୟାୟ ଓ ସାଇବର ଥାନାଧିକାରୀ ଭାରତୀ ନାଏକ ଉପସ୍ଥିତ ରହିଥିଲେ ।