13-Feb-2026

ବଲାଙ୍ଗୀର(ପ୍ରେରଣା ଖବର): ରାଜ୍ୟ ଓବିସି ମଞ୍ଚ ଓଡ଼ିଶାର ଏକ ସାମ୍ବାଦିକ ସମ୍ମିଳନୀ ରାଜ୍ୟ ସଭାପତି ଶଙ୍କର ପାତ୍ରଙ୍କ ଅଧ୍ୟକ୍ଷତାରେ ଜିଲ୍ଲା ସାମ୍ବାଦିକ ଭବନ ବଲାଙ୍ଗୀର ଠାରେ ଅନୁଷ୍ଠିତ ହୋଇଯାଇଅଛି। ୟୁଜିସି ଆଇନ ୨୦୨୬କୁ ସମର୍ଥନ ଜଣାଇ ଏସ୍ ସି ଏସ୍ ଟି ଓ ଓବିସି ବର୍ଗର ଛାତ୍ରଛାତ୍ରୀ ଓ ଅଭିଭାବକମାନେ ସାରାଦେଶରେ ଆନ୍ଦୋଳନରତ। ୟୁଜିସି ଆଇନ ୨୦୨୬କୁ ସମର୍ଥନ ଜଣାଇବାକୁ ଆଜିର ସାମ୍ବାଦିକ ସମ୍ମିଳନୀ ର ଉଦ୍ଦେଶ୍ୟ ବୋଲି ଶ୍ରୀ ପାତ୍ର ତାଙ୍କ ବକ୍ତବ୍ୟରେ ପ୍ରଦାନ କରିଥିଲେ । ସେ ମଧ୍ୟ କହିଥିଲେ ଯେ, ଗତ ଜାନୁଆରୀ ୨୦୧୬ ରେ ବହୂଚର୍ଚ୍ଚିତ ହାଇଦ୍ରାବାଦ ବିଶ୍ଵବିଦ୍ୟାଳୟ କେମ୍ପସ ରେ ପିଏଚଡି କରୁଥିବା ମେଧାବୀ ଛାତ୍ର ରୋହିତ ଭେମୁଲାଙ୍କ ଜାତି ଭେଦାଭାବ ଜନିତ ଆତ୍ମହତ୍ୟା ଏବଂ ୨୨ ସେ ୨୦୧୯ ଦିନ ପାୟଲ ତଡବୀ ନାମକ ମେଡିକାଲ ଛାତ୍ରୀ ପ୍ରତି ଜାତିଗତ ଭେଦଭାବ ଯୋଗୁଁ ମୁମ୍ବାଇରେ ଆତ୍ମହତ୍ୟା, ଏସବୁକୁ ନଜରରେ ରଖି ୧୩ ଜାନୁଆରୀ ୨୦୨୬ ରେ ମାନ୍ୟବର ସୁପ୍ରିମକୋର୍ଟ ୟୁଜିସି ଆଇନ ୨୦୨୬ ଲାଗୁ କରିଥିଲେ, ଏଣୁ ଗଣମାଧ୍ୟମ ଜରିଆରେ ଏହି ୟୁଜିସି ଆଇନ ୨୦୨୬କୁ ତୁରନ୍ତ ଲାଗୁ କରିବା ନିମନ୍ତେ ମାନ୍ୟବର ସୁପ୍ରିମକୋର୍ଟକୁ ଅନୁରୋଧ କରୁ ବୋଲି ରାଜ୍ୟ କୋଷାଧ୍ୟକ୍ଷ ପ୍ରଦେଶୀ ବିଶ୍ଵାଲ ତାଙ୍କର ବିବୃତି ରଖି ଥିଲେ।ଗତ ୨୨ ଜାନୁଆରୀ ୨୦୨୬ରେ କେନ୍ଦ୍ର ଗୃହ ମନ୍ତ୍ରାଳୟର ଗେଜେଟ ନୋଟିସ ୨୦୨୭ ଫର୍ଦ୍ଦ ରେ ଓବିସି ବର୍ଗର ଜନଗଣନା ପାଇଁ କୌଣସି କଲମ ନାହିଁ, ଏବଂ ଦେଶର ୫୨% ଓବିସି ଙ୍କୁ କୌଣସି ପ୍ରକାର ସାମ୍ବିଧାନିକ ହକ ଏବଂ ଅଧିକାର ଦେବାପାଇଁ ସରକାର ଚାହୁଁନାହାଁନ୍ତି କି ବୋଲି ରାଜ୍ୟ ସଭାପତି ଶଙ୍କର ପାତ୍ର କେନ୍ଦ୍ର ସରକାରଙ୍କୁ ପ୍ରଶ୍ନ କରିଛନ୍ତି। ଯଦି ଓବିସି ଙ୍କ ପ୍ରତି ଭେଦାଭାବ ରଖି ଟାଳଟୁଳ ନୀତି ଅବଲମ୍ବନ କଲେ ଦେଶରେ ଗଣବିକ୍ଷୋଭ ହେବ, ଏଥିପାଇଁ ସରକାର ଏବଂ ସୁପ୍ରିମକୋର୍ଟ ଉତ୍ତରଦାୟୀ ରହିବେ ବୋଲି ଏହି ସାମ୍ବାଦିକ ସମ୍ମିଳନୀରେ ମତବ୍ୟକ୍ତ ରଖିଛନ୍ତି ଓବିସି ମଞ୍ଚର ସଂଯୋଜକ ସରୋଜ କୁମାର ମେଶ୍ଵା। ଏଥିରେ ଓବିସି ମଞ୍ଚ ବଲାଙ୍ଗିରର ଉପସଭାପତି କିଶୋର ଚନ୍ଦ୍ର ସାଏ, ଇଂ.ବେଲାର ସିଂ ଭୋଇ, ମଧୁସୂଦନ ଖେତୀ, ଦୟାନିଧି ପ୍ରଧାନ, ପୁର୍ଣ୍ଣଚନ୍ଦ୍ର ବିଶ୍ବାଳ, ଶଙ୍କର୍ଷଣ ପ୍ରଧାନ, ବରିଷ୍ଠ ଆଇନଜୀବୀ ଉମାକାନ୍ତ ସାହୁ, ସୁବାସିନୀ ସାହୁ, ରଶ୍ମି ଜୁଏଡ, ଏମ୍ ବି ଏମ୍  ବଲାଙ୍ଗୀର ଉପସଭାପତି,ତରଣୀ ସେନ ଦୀପ, ବରିଷ୍ଠ ଆଇନଜୀବୀ ଦିନେଶ କୁମାର ନାଗ, ଚାଷୀ ନେତା ଜତି ପ୍ରଧାନ, ପ୍ରକାଶ ହରିପାଳ ଲଲିତ କୁମାର ମହାନନ୍ଦ ପ୍ରମୁଖ ଉପସ୍ଥିତ ଥିଲେ।