25-Aug-2026

ବଲାଙ୍ଗୀର/ପାଟଣାଗଡ଼ (ପ୍ରେରଣା ଖବର):  ବର୍ତମାନ ବର୍ଷା ମାସରେ ଚାଷ ପାଇଁ ସାର ର ଆବଶ୍ୟକ ଥିବା ବେଳେ ସାର ର କଳାବଜାରୀ ଯୋଗୁଁ ଚାଷୀ ଖର୍ଚ୍ଚାନ୍ତ ର ଶୀକାର ହେଉଛି। ଏଥିସହ ଅଣ ଲାଇସେନ୍ସପ୍ରାପ୍ତ ସାର ବେପାରୀ ମାନଙ୍କ ଯୋଗୁଁ ଚାଷୀ ଅଯଥା ଖର୍ଚ୍ଚାନ୍ତ ହେଉଛି। ଅଭିଯୋଗରୁ ପ୍ରକାଶ ଯେ, ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ ପଣ୍ଡାମୁଣ୍ଡା ପଂଚାୟତରେ ଲାଇସେନ୍ସ ନଥାଇ ଅନେକ ଅସାଧୁ

ବ୍ୟବସାୟୀ ସାର ବିକ୍ରୟ କରୁଥିବା ଅଭିଯୋଗ ହେଉଛି। ଏମାନଙ୍କ ଯୋଗୁଁ ଲାଇସେନ୍ସପ୍ରାପ୍ତ ସାର ବ୍ୟବସାୟୀ ମନେ ଅଭାବୀବିକ୍ରି ଶୀକାର ହେଉଛନ୍ତି। ଖପ୍ରାଖୋଲ କୃଷି ଅଧିକାରୀଙ୍କ

ଜ୍ଞାତସାର ରେ  ନକଲି ସାର ବେପାରୀ ମନେ ନିଜର କାରବାର ବେଧଡକ ଓ ଖୁଲମଖୁଲ୍ଲା ଚଳାଇ ଆସୁଥିବା ଅଭିଯୋଗ ହେଉଛି। ଏ ସମ୍ପର୍କରେ ଗ୍ରାମବାସୀଙ୍କ 
ତରଫରୁ କୃଷି  ଅଧିକାରୀଙ୍କୁ ବାରମ୍ବାର ଅଭିଯୋଗ କରାଯାଇଥଲେ ମଧ୍ୟ  ଫଳ କିଛି ହୋଇନି। ଏଥିପ୍ରତି ବ୍ଲକ କୃଷି ଅଧିକାରୀ ଦୃଷ୍ଟି ଦେବାକୁ ଗ୍ରାମବାସୀ ମାନଙ୍କ ତରଫରୁ ଅନୁରୋଧ କରାଯାଇଛି। ତେବେ ଦେଖିବାକୁ ବାକି ରହିଲା ବ୍ଲକ କୃଷି ଅଧିକରୀ କେବେ ଏହି ଅସାଧୁ ବ୍ୟବସୟୀ ଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି।