10-May-2024

ବିନିକା(ହିମାଂଶୁ ଶେଖର ପୁଟେଲ): ଆଜି ପବିତ୍ର ଅକ୍ଷୟ ତୃତୀୟା ପର୍ଶୁରାମ ଜୟନ୍ତି l ଚାରିଆଡେ ଅକ୍ଷୟ ତୃତୀୟା ପର୍ଶୁରାମ ଜୟନ୍ତିକୁ ବିଭିନ୍ନ ସ୍ଥାନରେ ମହା ଆଡମ୍ବରରେ ପାଳନ କରୁଥିବା ବେଳେ ବିନିକା ଅଞ୍ଚଳରେ ବ୍ରହ୍ମ ସମାଜ ପକ୍ଷରୁ ମଧ୍ୟ ପାଳନ କରାଯାଇଛି l ଆଜି ପ୍ରଭୁ ପର୍ଶୁରାମଙ୍କ ଜନ୍ମ ଦିନ ହେଉଥିବାରୁ ପର୍ଶୁରାମ ଜୟନ୍ତୀ ଭାବରେ ପାଳନ କରାଯାଉଛି l ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳର ବ୍ରହ୍ମ ସମାଜ ପକ୍ଷରୁ ନିଆରା ଢଙ୍ଗରେ ମହା ଆଡମ୍ବରରେ ପାଳନ କରାଯାଇଛି ପର୍ଶୁରାମ ଜୟନ୍ତୀ l ବ୍ଲକର ସମସ୍ତ ଗ୍ରାମରୁ ବ୍ରାହ୍ମଣ ମାନେ ଆସି ବିନିକା ସହର ଜଗନ୍ନାଥ ମନ୍ଦିର ଠାରେ ଏକତ୍ରିତ ହୋଇଥିଲେ । ପରେ  ବ୍ରହ୍ମ ସମାଜ ସଭାପତି ସନ୍ତୋଷ ପଣ୍ଡାଙ୍କ ନେତୃତ୍ୱରେ

ଏକ ବାଇକ ରେଲି ଅନୁଷ୍ଟିତ ହୋଇଥିଲା ।ଏଥିରେ ସହ ସହ ସଂଖ୍ୟାରେ ଲୋକେ ସାମିଲ ହୋଇ ସହରର ଜଗନ୍ନାଥ ମନ୍ଦିରରୁ ବାହାରି ରଥପଡା, ଚଣ୍ଡୀପଡ଼ା,କଂସାରିପଡ଼ା ଦେଇ ଦୁର୍ଗା ମନ୍ଦିର ଠାରେ ପହଞ୍ଚି ପୂଜାର୍ଚ୍ଚନା କରାଯାଇଥିଲା l ଦୁର୍ଗା ମନ୍ଦିର ଠାରେ ପୂଜାର୍ଚ୍ଚନା ପରେ ଉର୍ଲେ,ଭ୍ରମରପାଳି ଦେଇ ବ୍ଲକର ବିଭିନ୍ନ ଗ୍ରାମ ଗୁଡିକରେ ବାଇକ ଶୋଭାଯାତ୍ରା କରାଯାଇଥିଲା l ଭଜନ ସଂକୀର୍ତ୍ତନରେ ଆଧ୍ୟାତ୍ମିକ ପରିବେଶ ସୃଷ୍ଟି ହେବା ସହ ବ୍ରାହ୍ମଣ ସମାଜ ପ୍ରତ୍ୟେକ ବର୍ଷ ଏହି ଭଳି ଭାବରେ ଏକତ୍ରିତ ହୋଇ ପର୍ଶୁରାମ ଜୟନ୍ତୀଙ୍କୁ ପାଳନ କରିଥିଲେ l