10-May-2024

ବଲାଙ୍ଗୀର(ପ୍ରେରଣା ଖବର ବ୍ୟୁରୋ ): ଆସନ୍ତାକାଲି ୧୧ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିର୍ବାଚନୀ ପ୍ରଚାରରେ ବଲାଙ୍ଗୀର ଆସିବେ। ବିଜେପି ଦଳ ପକ୍ଷରୁ ସମସ୍ତ ବନ୍ଦୋବସ୍ତ ସରିଯାଇଛି।ଯାନବାହାନ ଗୁଡ଼ିକ ଶାନ୍ତିପଡ଼ା ଛକ ପର୍ଯ୍ୟନ୍ତ ଆସି ପାରିବ। ସେଠାରୁ ପଥାରଚେପା ସଭାସ୍ଥଳୀ ପର୍ଯ୍ୟନ୍ତ ଚାଲି ଚାଲି ଯିବାକୁ ହେବ ବୋଲି ବିଜେପି ଦଳର ଜିଲ୍ଲା ସଭାପତି ଶିବାଜି ମହାନ୍ତି ସାମ୍ବାଦିକ ସମ୍ମିଳନୀରେ ସୂଚାଇ ଦେଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦେଖିବେ ଏବଂ ତାଙ୍କ ଭାଷଣ ଶୁଣିବା ପାଇଁ ଉତ୍ସାହୀ ଲୋକେ ବହୁମାତ୍ରାରେ ଆସିବେ।ବଲାଙ୍ଗୀରରେ ପ୍ରଚଣ୍ଡ ରୌଦ୍ର ତାପ ଥିବା ବେଳେ ଲୋକେ ଏତେ ଭୀଷଣ ଖରାରେ ସଭାସ୍ଥଳୀକୁ ଯିବା କଷ୍ଟକର। ଖରାର ପ୍ରକୋପକୁ ଆଖି ଆଗରେ ରଖି ସରକାର ସ୍କୁଲ କଲେଜ ଛୁଟି ଦେବା ସହ ଦିନ ୧୧ ରୁ ୩ ଟା ପର୍ଯ୍ୟନ୍ତ ଘରୁ ବାହାରକୁ ନ ବାହାରିବା ପାଇଁ ତାଗିଦ୍ କରିଛନ୍ତି। କିନ୍ତୁ ପ୍ରଧାନମନ୍ତ୍ରୀଙ୍କ ଗସ୍ତ ପାଇଁ ସବୁ ମାଫ୍।
ଦୁଇ ଦିନ ପୂର୍ବରୁ ବଲାଙ୍ଗୀର ସାମ୍ବାଦିକ ମାନଙ୍କୁ ଜିଲ୍ଲା ବିଜେପି ପକ୍ଷରୁ ସାମ୍ବାଦିକ ସମ୍ମିଳନୀରେ ଡକାଗଲା। ପ୍ରଧାନମନ୍ତ୍ରୀଙ୍କ ଗସ୍ତ କିଭଳି ସୁରୁଖୁରୁରେ ହେବ ସୂଚନା ଦିଆଗଲା।କିନ୍ତୁ ପ୍ରଧାନମନ୍ତ୍ରୀଙ୍କ ସଭାସ୍ଥଳୀକୁ ଅନେକ ସାମ୍ବାଦିକଙ୍କୁ ଯିବା ପାଇଁ ପ୍ରତିବନ୍ଧକ ଲାଗିଗଲା।ଚଳିତ ନିର୍ବାଚନରେ ସାମ୍ବାଦିକଙ୍କୁ ଉଚିତ୍ ସମ୍ମାନ ମିଲୁ ନ ଥିବା ପରିଲକ୍ଷିତ ହୁଏ।ସାମ୍ବାଦିକଙ୍କୁ ଅଣଦେଖା କରାଯାଉଥିବାରୁ ସାମ୍ବାଦିକ ମହଲରେ ଅସନ୍ତୋଷ ପ୍ରକାଶ ପାଇଛି। ସାମ୍ବାଦିକ ମାନଙ୍କ ମଧ୍ୟରେ ପାତରଅନ୍ତର ନୀତି ବ୍ୟବହାର କରାଯାଉଛି।ଯାହାକି ରାଜନୀତିକ ଦଳ ପାଇଁ ଶୁଭଙ୍କର ନୁହେଁ। ସୂଚାଇ ଦିଆଯାଉଛି, ଅଣଦେଖା କରାଯାଇଥିବା ସାମ୍ବାଦିକ ମାନଙ୍କ ପାଖରେ ମଧ୍ୟ କଲମ ଅଛି।ଏଣୁ ସାଧୁ ସାବଧାନ।