10-May-2024

ବଲାଙ୍ଗିର(ଚିତ୍ରସେନ ବେହେରା) ଆଜି ସଂଧ୍ୟାରେ ତହଁକ୍ କୁଟୁମ୍ ତରଫରୁ ସ୍ଥାନୀୟ ଆମର୍ ପସରା ଠାରେ ସାହିତ୍ୟପ୍ରାଣ କବି ଖଗେଶ୍ବର ସେଠଙ୍କ ୧୧୮ ତମ ଜୟନ୍ତୀ ପାଳନ ହୋଇଯାଇଛି। ଏହି ଅବସରରେ କୋଶଲି ସଂସ୍କୃତି ଗବେଷକ ନିମାଇଁ ଚରଣ ପାଣିଗ୍ରାହୀ, ସାହିତ୍ୟିକ ଗୋପିନାଥ ଦଣ୍ଡସେନା କବି ଶୁସାନ୍ତ ବାଗ, କବି କୃଷ୍ଣଚନ୍ଦ୍ର ମହାକୁର, କବି ଗୋପାଲ ଚନ୍ଦ୍ର ମେହେର ଯୋଗଦେଇ ଥିଲେ ଗବେଷକ ଶ୍ରୀ ପାଣିଗ୍ରାହୀ କବି ସେଠ ଙ୍କ ସଂଘର୍ଷମୟ ଜୀବନ ଭିତରେ କେମିତି କୋଶଲୀ ସାହିତ୍ୟର ସର୍ଜନା ଏବଂ ସେ ସମୟରେ ହାତଗଣତି କୋଶଲି ସାହିତ୍ୟ କବି ଭିତରେ ଶ୍ରୀ ସେଠ ଙ୍କ କାବ୍ୟ କବିତା ଏକ ଉଲଗୁଲାନ ତିଆରି କରିଥିଲା ବୋଲି ନିଜ ବକ୍ତବ୍ୟରେ କହିଥିଲେ। କବି ଶ୍ରୀ ବାଗ କହିଥିଲେ କୋସଲି ଭାସାର ଭଣାର କୁ କବି ଖଗେଶ୍ବର ସେଠ୍ ଙ୍କ  ଅବଦାନ  ଅତୁଲନୀୟ  ଏବଂ  କବିଙ୍କୁ  ମରଣୋତ୍ତର  ପଦ୍ମଶ୍ରୀ  ଦିଆଯିବା କଥା ବୋଳି ମତ ଦେଇଥିଲେ । ତାଙ୍କର  ଏ କଥାକୁ  ସମସ୍ତେ  ସହମତ ହେଇଥିଲେ ଏବଂ  ଆଗାମି ଦିନରେ ତହଁକ କୁଟୁମ ତରଫରୁ ସରକାରଙ୍କୁ ଅନୁରୋଧ କରାଯିବ ବୋଲି ସମସ୍ତ  କବି ଲେଖକ  କହିଥିଲେ । ତହଁକ ସଂପାଦକ ରାଜେଶ ଦଣ୍ଡସେନା ଆସନ୍ତା ବର୍ଷ  କବି ସେଠ ଙ୍କ  ଜୟନ୍ତି  ବହୁ ଆଡମ୍ବରରେ ତହଁକ କୁଟୁମ ପାଳନ କରିବ ଏବଂ କବିଙ୍କ ସାହିତ୍ୟ ଘର କୁ ଘର କେମିତି ପହଞ୍ଚି ପାରିବ ତାର ପ୍ରଚେଷ୍ଟା କରାଯିବ ବୋଲି କହିଥିଲେ  । କାର୍ଯ୍ୟକ୍ରମ କୁ ତହଁକ ମୁଖ୍ଯ ସଂପାଦକ ଅର୍ଜୁନ କୁମାର ସାହୁ ପରିଚାଳନା କରିଥିଲେ ଶେଷରେ ଶ୍ରୀ  ଦଣ୍ଡସେନା ଧନ୍ୟବାଦ ଅର୍ପଣ କରିଥିଲେ ।