06-Nov-2020

ଭୁବନେଶ୍ୱର ମ୍ଯାଗନେଟ ଛକ ପିଏନବି ଏଟିଏମ ରୁ ୨୭ ଲକ୍ଷ ୮୪ ହଜାର ଲୁଟ ଘଟଣାର ପର୍ଦ୍ଦାଫାସ କରିଛି କମିଶନରେଟ ପୋଲିସ। କମିଶନରେଟ ପୋଲିସର ସ୍ପେଶାଲ ସ୍କ୍ବାର୍ଡ ଓ ଭାଇଯାଗ ପୋଲିସ ଏହି ଗ୍ୟାଙ୍ଗକୁ ଠାବ କରିଛି । ୨ ଜଣିଆ ଲୁଟେରା ଗ୍ୟାଙ୍ଗ କୁ ଠାବ କରିଛି ପୋଲିସ । ସେମାନଙ୍କ ନାମ ସମରଜୋଥ ସିଂ ଓ ଜାଫର ସାଦିକ ଏଭି । ଭାଇଜାଗ ରେ ମଧ୍ୟ ଏକ ୯ ଲକ୍ଷ ଟଙ୍କା ବ୍ୟାଙ୍କ ଲୁଟ କରିଥିଲେ । ଅଭିଯୁକ୍ତ ଦ୍ୱୟଙ୍କ ଘର ପଞ୍ଜାବ ଓ କେରଳ ବୋଲି ଜଣାପଡିଛି । ଚୋରି ଟଙ୍କା କୁ ସେମାନେ ବିମାନ ଯୋଗେ ନେଇଯାଇଥିବା ଜଣାପଡିଛି । ରାଜ୍ୟ ବାହାର ଲୁଟେରା ହୋଇଥିବାରୁ ସେମାନଙ୍କୁ ଟ୍ରାଞ୍ଜିଟ ରିମାଣ୍ଡରେ ଅଣାଯିବ । ଏ ନେଇ ପୋଲିସ କମିଶନର ଡଃ ସୁଧାଂଶୁ ଷଡଙ୍ଗୀ ସୂଚନା ଦେଇଛନ୍ତି । 

ସିସିଟିଭି ଜରିଆରେ ଅପରାଧୀ ଙ୍କୁ ଚିହ୍ନଟ କରାଯାଇଥିଲା । ଭୁବନେଶ୍ୱର ରୁ ଭଡାରେ ସ୍କୁଟି ନେଇ ସେ ଏହି ଅପରାଧ ଘଟାଇଛନ୍ତି । ଅପରାଧୀ ଦ୍ଵୟ ପଟିଆ ନିକଟରେ ଥିବା pabitra royal regency ନାମକ ଏକ ହୋଟେଲ ରେ ଆସି ଗତ ମାସ ୫ ତାରିଖ ରେ ରହିଥିଲେ ।ଏହାପରେ ମଞ୍ଚେଶ୍ୱର ଅଞ୍ଚଳର କେଶବ ମହାରଣା ଙ୍କ ଠାରୁ ଗ୍ୟାସ ସିଲିଣ୍ଡର ଭଡାରେ ଆଣି ଅପରାଧ ର ବ୍ଲୁ ପ୍ରିଣ୍ଟ ପ୍ରସ୍ତୁତ କରିଥିଲେ । ଏଥିରେ ସଫଳ ହେବାପରେ ୧୧ ତାରିଖ ସକାଳ ୭.୪୦ ରେ indigo ଫ୍ଲାଇଟ ଯୋଗେ ଦିଲ୍ଲୀ ଚାଲିଯାଇଥିଲେ । ପରେ ପୋଲିସ କୁ ଚକମା ଦେବାକୁ ଯାଇ ଚଣ୍ଡୀଗଡ଼, ବାଙ୍ଗାଲୋର ଓ ଶେଷରେ ଭାଇଯାଗ ଚାଲିଯାଇଥିଲେ । ସାରା ଦେଶରେ ସେମାନଙ୍କ ନାମରେ ୬ ଟି ଏଟିଏମ ଲୁଟ ସହ ନିଶା କାରବାର କେସ ରହିଛି । କମିଶନରେଟ ପୋଲିସ ଅଭିଯୁକ୍ତଙ୍କୁ ଟ୍ରାଞ୍ଜିଟ ରିମାଣ୍ଡ ରେ ଆଣିବା ପାଇଁ ଆଜି ଆବେଦନ କରିବ । ରିମାଣ୍ଡ ସମୟରେ ସେମାନଙ୍କ ଅଭିଯୋଗର ଲିଷ୍ଟ ସମୟରେ ଅଧିକ ସୂଚନା ମିଳିପାରିବ ବୋଲି ସୂଚନା ଦେଇଛନ୍ତି ପୋଲିସ କମିଶନର । ସେହିପରି ଏହି ଆନ୍ତରାଜ୍ୟ ଗ୍ୟାଙ୍ଗ କୁ ଧରିଥିବାରୁ ସ୍ପେଶାଲ ସ୍କ୍ବାର୍ଡ ମୁଖ୍ୟ ଏସିପି ସଂଜୀବ ଶତପଥୀ ଙ୍କୁ ପୋଲିସ ଡିଜି ଶ୍ରୀ ଅଭୟ  ଧନ୍ୟବାଦ ଜଣାଇଛନ୍ତି ।