16-Nov-2021

ବଲାଙ୍ଗୀର(ପ୍ରେରଣା ଖବର) ଗତ ୧୨ ତାରିଖ ଦିନ ବଲାଙ୍ଗୀର ସଦର ବ୍ଲକ ଅନ୍ତର୍ଗତ କଅ ଗାଁ ଠାରେ ଘଟିଯାଇଛି ଏକ ଲଜ୍ୱାଜନକ ଘଟଣା । ଅଭିଯୋଗରୁ ପ୍ରକାଶ ଯେ ବଲାଙ୍ଗୀର ସଦର ବ୍ଲକ କଅଁ ଗାଁ ର  ୧୨ ବର୍ଷର ଝିଅ  ମିଲି(ଛଦ୍ମନାମ) ଘଟଣା ଦିନ ନିଜ ଘର ସମ୍ମୁଖରେ ଠିଆ ହୋଇଥିବା ସମୟରେ ବଘଲା ଗାଁ ର ହୃଷି କରନ ଆସି ଜୋର ଜବରଦସ୍ତି ମିଲିଙ୍କ ମୁହଁରେ କପଡା ବାନ୍ଧି ବାଇକ୍ (ଓଆର ୦୩ ବି ୬୪୫୮)ରେ ବସାଇ ଅନ୍ୟତ୍ର ନେଇ ଯାଇଥିଲା । ସେ ମିଲି ଙ୍କୁ ଚନ୍ଦନଭାଟି ରୋଡ ସାଲେପାଲି ଛକର ଏକ କୁଡିଆ ଘରକୁ ନେଇ ସେଠାରେ ଦୁଷ୍କର୍ମ କରିଥିବା ଝିଅର ବାପା ବଲାଙ୍ଗୀର ସଦର ଥାନାରେ ଲିଖିତ ଅଭିଯୋଗ କରିଛନ୍ତି । ରାତି ତମାମ ଦଷ୍କର୍ମ କରି ଅପରାଧୀ ଜଣକ ୧୩ ତାରିଖ ସକାଳେ ଝିଅକୁ ତା  ଘରେ ଛାଡି ଦେଇଥିବା ଥାନାର ଲିଖିତ ଅଭିଯୋଗରେ ଦର୍ଶାଯାଇଛ । ଝିଅର ବାପାଙ୍କ ଅଭିଯୋଗକୁ ଆଧାର କରି ସଦର ପୋଲିସ ଅପରାଧୀକୁ ଧରିବା ପାଇଁ ଅନୁସନ୍ଧାନ ଜାରି ରକିଛି । ଦୁଷ୍କର୍ମ ମାମଲାରେ ଜଡିତ ଅପରାଧୀଙ୍କ ତୁରନ୍ତ ଗିରଫ କରିବା ପାଇଁ ପୀଡିତାଙ୍କ ବାପା ଦାବି କରିଛନ୍ତି ।