23-Sep-2021

ନୂଆଦିଲ୍ଲୀ: ୱାଶିଂଟନରେ ପହଁଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ବୁଧବାରଠୁ ସେ ୩ ଦିନିଆ ଆମେରିକାକୁ ଗସ୍ତରେ ଯାଇଛନ୍ତି।ପିଏମ ମୋଦୀ ବର୍ତ୍ତମାନ ପେନସିଲଭାନିଆରେ ଅବସ୍ଥିତ ହୋଟେଲ ୱିଲାର୍ଡ ଇଣ୍ଟରକଣ୍ଟିନେଣ୍ଟାଲରେ ପହଞ୍ଚିଥିବା ସୂଚନା ମିଳିଛି। ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆମେରିକା ଉପରାଷ୍ଟ୍ରପତି କମଳା ହାରିସଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ଏଥି ସହିତ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ୍‌ ମୋରିସନଙ୍କ ଓ ବିଶ୍ବସ୍ତରୀ ୫ଟି ବଡ଼ ବଡ଼ କମ୍ପାନୀର ସି.ଇ.ଓ.ଙ୍କୁ ଭେଟିବାର କାର୍ଯ୍ୟକ୍ରମ ରହିଛି।

ପ୍ରଧାନମନ୍ତ୍ରୀ ମୋଦି ଆମେରିକାରେ ୨୬ ତାରିଖ ପର୍ଯ୍ୟନ୍ତ ରହିବେ । ଏହି ଗସ୍ତ କାଳରେ ସେ ଆମେରିକା ରାଷ୍ଟ୍ରପତି ଜୋ ବାଇଡେନ୍‌, ଉପରାଷ୍ଟ୍ରପତି କମଳା ହାରିସ, ଦୁଇ ଦେଶର ପ୍ରଧାନମନ୍ତ୍ରୀ ଏବଂ ୫ଟି ବହୁଦେଶୀୟ କମ୍ପାନିର ସିଇଓଙ୍କୁ ସାକ୍ଷାତ କରିବେ । ଏହାବ୍ୟତୀତ କ୍ୱାଡ୍‌ ସଭା ଏବଂ ଜାତିସଂଘ ମହା ସମ୍ମିଳନୀ (ୟୁଏନ୍‌ଜିଏ)ରେ ପ୍ରଧାନମନ୍ତ୍ରୀ ଯୋଗଦେଇ ଉଦ୍‌ବୋଧନ ଦେବାର କାର୍ଯ୍ୟକ୍ରମ ରହିଛି ।

ସୂଚନା ମୁତାବକ ମୋଦିଙ୍କ ବିମାନ ଗୁରୁବାର ଭୋର ୩ଟା ୩୦ (ଭାରତୀୟ ସମୟ)ରେ ଆମେରିକାରେ ଅବତରଣ କରିଛି ।