23-Sep-2021

ନୟାଗଡ଼,(ପ୍ରଦୀପ କୁମାର ପଣ୍ଡା):  ନୟାଗଡ଼ ପୈାରପରିଷଦ ପକ୍ଷରୁ ସହରବାସୀଙ୍କ ଗୃହକୁ ଆକଳନ କରି ନୂତନ ବର୍ଦ୍ଧିତ ହୋଲିଂ ଟ୍ୟାକ୍ସ ତାଲିକା ପ୍ରକାଶ କରିଛି । ବର୍ଦ୍ଧିତ ଟିକସ ଦରକୁ ନେଇ ଲୋକଙ୍କ ଅଭିଯୋଗ ରହିଥିଲେ ଏଥିପାଇଁ ଆବେଦନ କରିବାକୁ ପରାମର୍ଶ ଦିଆଯାଇଛି । ନୂତନ ତାଲିକା ସ୍ୱତନ୍ତ୍ର ଟିମ୍ ଦ୍ୱାରା ପ୍ରସ୍ତୁତ କରାଯାଇଥିବା ବେଳେ ଏହି ଆକଳନ ସମୟରେ ଘର ମୁଲ୍ୟ, ଆୟତନ, ମହଲା ଇତ୍ୟାଦିକୁ ପ୍ରଧାନ୍ୟ ଦିଆଯାଇଛି । ଏଥିସହିତ ଘର ଭଡ଼ା ଲାଗିଥିଲେ, ତାହା ଅନୁସାରେ ଅଧିକ ହୋଲିଂ ଟ୍ୟାକ୍ସ ଆକଳନ ହୋଇଛି । ଫଳରେ ଯେଉଁ ଲୋକମାନେ ବିଗତ ଦିନରେ ୫ ଶହରୁ ୬ ଶହ ଟଙ୍କା ଟ୍ୟାକ୍ସ ଦେଉଥିଲେ, ଏବେ ସେମାନଙ୍କୁ ୩ ରୁ ୪ ହଜାର ଦେବାକୁ ପଡ଼ିବ ଜାଣିବା ପରେ ଭାଲେଣି ପଡ଼ିଛି । ଘର ଭଡ଼ା ଦେଇଥିବା ବ୍ୟକ୍ତିଙ୍କୁ ୧୦ ହଜାରରୁ ଉଦ୍ଧ୍ୱର୍ ଟ୍ୟାକ୍ସ ଗଣିବାକୁ ପଡ଼ିବ ବୋଲି ତାଲିକାରୁ ଜଣାପଡ଼ିଛି । ଏହାକୁ ସ୍ଥାନୀୟ ବିଧାୟକ ଡ. ଅରୁଣ କୁମାର ସାହୁ ବିରୋଧ କରିଛନ୍ତି । ଜନବିରୋଧି ଟିକସକୁ କୈାଣସି ପରିସ୍ଥିତିରେ ଗ୍ରହଣ କରାଯିବ ନାହିଁ ବୋଲି କହିଛନ୍ତି । ଜନସାଧାରଣଙ୍କ ହିତ ବିରୋଧି ହେଲେ ତାହା ଉପରେ ଆଲୋଚନା କରାଯିବ ବୋଲି ସୂଚନା ଶ୍ରୀ ସାହୁ ସୂଚନା ଦେଇଛନ୍ତି । ପୈାରାଞ୍ଚଳର ଜନସାଧାରଣଙ୍କ ସହ ନିଜେ ଏ ସମ୍ପର୍କରେ ଆଲୋଚନା କରିବେ ଏବଂ ଜିଲ୍ଲା ପ୍ରଶାସନ ଓ ପୈାର ପ୍ରଶାସନ ସହ ଆଲୋଚନା କରିବେ ବୋଲି କହିଛନ୍ତି । ଟିକସ ଲାଗୁ ହୋଇ ନାହିଁ, ଏହା ମାତ୍ର ଏକ ଆକଳନ ବୋଲି ସେ କହିଛନ୍ତି । ଏଥିପାଇଁ ଲୋକମାନେ ଭୟଭୀତ ହେବାର କୈାଣସି ଆବଶ୍ୟକତା ନାହିଁ ବୋଲି ମନ୍ତ୍ରୀ ଶ୍ରୀ ସାହୁ ସ୍ପଷ୍ଟ କରିଛନ୍ତି ।