02-Jul-2021

ସୁବର୍ଣ୍ଣପୁର,(ମନୋରଞ୍ଜନ ତ୍ରିପାଠୀ) : ଜଙ୍ଗଳ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ସୁବର୍ଣ୍ଣପୁର  ତରଫରୁ ଜିଲ୍ଲା ସ୍ତରୀୟ ୭୨ତମ ବନମହୋତ୍ସବ ସୋନପୁର ସହର ନିକଟସ୍ଥ ଝିଙ୍କି ଠାରେ ଅନୁଷ୍ଠିତ ହୋଇଯାଇଛି l ଯୋଜନା, ସଂଯୋଜନା, ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା ମୁଖ୍ୟ ଅତିଥି ଭାବେ ଯୋଗଦାନ କରି ଗଛ ବଞ୍ଚିଲେ ଆମେ  ବଞ୍ଚିବl ବୋଲି କହିବା ସହ ଅଧିକରୁ ଅଧିକ ବୃକ୍ଷରୋପଣ କରାଯିବl ଉପରେ ଗୁରୁତ୍ୱlରୋପ କରିଛନ୍ତି l ଏହି ମହୋତ୍ସବ ଅବସରରେ ଜିଲ୍ଲାପାଳ ସୁବର୍ଣ୍ଣପୁର ଶ୍ରୀମତୀ ଅବୋଲୀ ସୁନିଲ ନରୱଣେ, ଆରକ୍ଷୀ  ଅଧୀକ୍ଷକ ସୀତାରାମ ଶତପଥୀ, ଅତିରିକ୍ତ ଜିଲ୍ଲାପାଳ  ସୂର୍ଯ୍ୟନାରାୟଣ ଦାଶ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ l ସୁବର୍ଣ୍ଣପୁର  ବନଖଣ୍ଡ  ଅଧିକାରୀ ସୁଶାନ୍ତ କୁମାର ସାମନ୍ତରାୟଙ୍କ ଅଧ୍ୟକ୍ଷ୍ୟତାର ଅନୁଷ୍ଠିତ ଏହି କାର୍ଯ୍ୟକ୍ରମରେ ଏ ସି ଏଫ  ସୁଶୀଲ କୁମାର ତ୍ରିପାଠୀ ମଞ୍ଚ ପରିଚାଳନାଓ ଧନ୍ୟବାଦ ଅର୍ପଣ  କରିଥିଲେ l ବୃକ୍ଷ ଓ ପ୍ରକୃତିକୁ ଭଲ ପାଇ ବୃକ୍ଷ ରୋପଣ ଓ ଉଚିତ  ରକ୍ଷଣlବେକ୍ଷଣ ସହ ଜଙ୍ଗଲ ସୃଷ୍ଟି କରି ପରିବେଶକୁ  ସୁସ୍ଥ ଏବଂ ଶୃଙ୍ଖଳିତ ରଖିବାରେ ଉଲ୍ଲେଖନୀୟ  କାର୍ଯ୍ୟ କରିଥିବା ହେତୁ ବୀରମହାରାଜପୁର ଉପଖଣ୍ଡ,  ବାଘପାଲି ବନ ସଂରକ୍ଷଣ ସମିତି ଓ ସୋନପୁର ଉପଖଣ୍ଡ କନ୍ଧପାଲି ବନ ସଂରକ୍ଷଣ ସମିତିଙ୍କୁ ମୁଖ୍ୟ ଅତିଥି ତଥା ସମ୍ମାନିତ ଅତିଥି ବୃନ୍ଦ ଉଭୟଙ୍କୁ  ବିଜୁ ପଟ୍ଟନାୟକ ମାନପତ୍ର ସହ ୨0, 000 ଟଙ୍କା ପୁରସ୍କାର ରାଶି  ପ୍ରଦାନ କରିଥିଲେ l ସମସ୍ତ ଅତିଥି ବୃନ୍ଦ ଏହି ଅବସରରେ ବୃକ୍ଷ ରୋପଣ କରି "ଗଛ ଲଗାଇବା ଜୀବନ ବଞ୍ଚାଇବା" ଉପରେ ବିଶେଷ  ଗୁରୁତ୍ୱlରୋପ କରିଛନ୍ତି l  ବନମହୋତ୍ସବ ସପ୍ତାହ ପାଳନ   ଚଳିତ ମାସ  ୧ ତାରିଖରୁ ଆରମ୍ଭ ହୋଇଥିବା ବେଳେ ଜୁଲାଇ ୭ ତାରିଖ ରେ ସମାପନ ହେବ l ଏହି ସମୟ ମଧ୍ୟରେ ଜିଲ୍ଲାର ସୋନପୁର, ଉଲୁଣ୍ଡା, ଓ ବିନିକା ବନ ସୁରକ୍ଷା ସମିତି ତରଫରୁ ପ୍ରତ୍ୟେକ ୨୫ ସମିତି (ସମୁଦାୟ ୭୫ ସମିତି) ମାଧ୍ୟମରେ ସ୍ଥାନୀୟ ଜନ ପ୍ରତିନିଧି, ଭିଏସଏସ କର୍ମକର୍ତ୍ତା ଙ୍କ ସହଯୋଗରେ ୮ଲକ୍ଷ ୧୬ ହଜାର ୧୨0  ବିଭିନ୍ନ କିସମର ଜଙ୍ଗଲୀ ଦୀର୍ଘସ୍ଥାୟୀ, ଫାଶି, ଜାମୁ, କରଞ୍ଜ,ନିମ୍ୱ ତଥା ଔଷଧୀୟ ବୃକ୍ଷ ରୋପଣ କରାଯିବlର କାର୍ଯ୍ୟକ୍ରମ ରହିଛି l 
ଆଜିର ଏହି ଅବସରରେ  ନିକଟସ୍ଥ ବନ ସଂରକ୍ଷଣ ସମିତିର କର୍ମକର୍ତ୍ତା, ବୁଦ୍ଧିଜୀବୀ, ସାମ୍ବାଦିକ, ଜିଲ୍ଲାସ୍ତରୀୟ ଅଧିକାରୀ, ବନ କର୍ମଚାରୀ ପ୍ରମୁଖ ଯୋଗଦାନ କରିଥିଲେ l