24-Jun-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୋଟସମଲାଇ ସ୍ଥିତ ପାତାଲି ଶ୍ରୀକ୍ଷେତ୍ରରେ ଚତୁର୍ଦ୍ଧା ମୁର୍ତୀଙ୍କ ପାରମ୍ପରିକ ସ୍ନାନ ଯାତ୍ରା କୋଭିଡ କଟକଣା ମଧ୍ୟରେ ଗୁରୁବାର ଅନୁଷ୍ଠିତ ହୋଇଯାଇଛି । ସକାଲୁ ମଙ୍ଗଲ ଆଲତୀ ଓ ଖେଚୁଡି ଭୋଗ ଲାଗି ପରେ ଚତୁର୍ଦ୍ଧା ମୁର୍ତୀଙ୍କୁ ଗୋଟି ପହଣ୍ଡିରେ ସ୍ନାନ ମଣ୍ଡପକୁ ଅଣାଯାଇଥିଲା । ସେଠାରେ ପୁଜା ନିତି, ହୋମଯଜ୍ଞ, ମହାସ୍ନାନ ଅନୁଷ୍ଠିତ ହୋଇଥିଲା ।   ସିମିତ ସେବାୟତଙ୍କୁ ନେଇ ରୁପା କଲସୀରେ ଶ୍ରୀ ଭଲଭଦ୍ରଙ୍କୁ ୩୩ ଗରା, ମାଁ ଶୁଭଦ୍ରାଙ୍କୁ ୨୨ଗରା, ଶ୍ରୀ

ଜଗନ୍ନାଥଙ୍କୁ ୩୫ ଗରା ଓ ସୁଦର୍ଶନଙ୍କୁ ୧୮ ଗରା ପବିତ୍ର ଜଳରେ ସ୍ନାନ କରାଯାଇଥିଲା । ପରେ ଶ୍ରୀ ଜିଉ ମାନଙ୍କୁ ହାତୀ ବେଷରେ ସଜ୍ଜିତ କରାଯାଇଥିଲା ।  କୋଭିଡ କଟକଣା ଯୋଗୁଁ ଭକ୍ତ ମାନଙ୍କୁ ଦର୍ଶନ  ବାରଣ କରାଯାଇଥିଲା । ପରେ  ଧାଡି ପହଣ୍ଡିରେ ପ୍ରଭୁଙ୍କୁ ଅଣଷର ଗୃହକୁ ବିଜେ କରାଯାଇଥିଲା । ମୁଖ୍ୟ ପୁଜକ ବିଶେଶ୍ୱର ପାଢୀ ଓ ଗୁଣାକର ପଣ୍ଡା ପୁଜା କାର୍ଯ୍ୟ ତୁଲାଇଥିଲେ । ପଣ୍ଡିତ ଦେବାର୍ଚନ ଦାସ ଯଜ୍ଞ କାର୍ଯ୍ୟ ତୁଲାଇଥିବା ବେଳେ ଗଡତ୍ୟା ଚମରା ଅମାତ ଛେରାପହରା କରିଥିଲେ । ଏହି ସ୍ନାନ ଯାତ୍ରାରେ ବିଭିନ୍ନ ଗ୍ରାମର ବ୍ରାହ୍ମଣ ସେବାୟତଙ୍କ ସମେତ ପାତାଳି ଟ୍ରଷ୍ଟର ସଦସ୍ୟ ମାନେ ଉପସ୍ଥିତ ଥିଲେ ।