07-Aug-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର): ଡୁଙ୍ଗୁରିପାଲି ବ୍ଲକର ରାମପୁରଠାରେ ତହସିଲ କାର୍ଯ୍ୟାଳୟ ରହିଅଛି । ବ୍ଲକ ସଦର ମହକୁମାରେ ଅତିରିକ୍ତ ତହସିଲ କାର୍ଯ୍ୟାଳୟ ନଥିବାରୁ ଏଠାରୁ ୨୦ କିମି ଲୋକେ ଯାଇ ହଇରାଣ ହେଉଥିଲେ । ଏଣୁ ଅଂଚଳବାସୀଙ୍କ ସ୍ପର୍ଥକୁ ଦୃଷ୍ଟିରେ ରଖ୍ ଏଠାରେ ଏକ ଅତିରିକ୍ତ ତହସିଲ କାର୍ଯ୍ୟାଳୟ ଗତ ୨୦୦୪ ମସିହାରେ ବସ୍ ଷ୍ଟାଣ୍ଡ ସ୍ଥିତ ବଙ୍ଗଲାଠାରେ କାର୍ଯ୍ୟାଳୟ ଖୋଲାଯାଇଥିଲା । ପ୍ରଥମ ଅତିରିକ୍ତ ତହସିଲଦାର ଭାବେ ରମେଶ ଚନ୍ଦ୍ର ସ୍ବାଇଁ କାଯ୍ୟ ଆରମ୍ଭ କରିଥିଲେ । କିଛି ବର୍ଷ ଚାଲିବା ପରେ ଉକ୍ତ କାର୍ଯ୍ୟାଳୟ ବନ୍ଦ ହୋଇଗଲା । ଲୋକେ ଯେଉଁ ଅବସ୍ଥାକୁ ସେହି ଅବସ୍ଥା ପାଇଲେ । ସାମାନ୍ୟ ପ୍ରମାଣ ପତ୍ର ପାଇଁ ରାମପୁର ଧାଇଁଲେ । ଲୋକ ପ୍ରତିନିଧି ଠାରୁ ଆରମ୍ଭ କରି ପ୍ରଶାସନ ଯାହାକୁ ଗୁହାରୀ କଲେ ମଧ୍ୟ କେହି ଶୁଣିନଥିଲେ ଅତିରିକ୍ତ ତହସିଲ ଖୋଲିବାକୁ । ଏମିତି କିଛି ବର୍ଷ ଅତିକ୍ରମ ପରେ ନୂତନ ଜିଲ୍ଲାପାଳ ଭାବେ ଡ.ନୃପରାଜ ସାହୁଙ୍କୁ ଅଂଚଳର କେତେକ ସଚେତନ ବ୍ୟକ୍ତି ସାକ୍ଷାତ କରି ଆଲୋଚନା କଲେ । ସବୁ ଶୁଣିସାରିବା ପରେ ଦରଦୀ ଜିଲ୍ଲାପାଳ ପୁଣି ଅତିରିକ୍ତ ତହସିଲ ଖୋଲିବାକୁ ନିର୍ଭର ପ୍ରତିଶୃତି ପ୍ରଦାନ କଲେ । ସେହି ଅନୁସାରେ ଆଜି ଜିଲ୍ଲାପାଳ ପହ ଯେଉଁଠାରେ କାର୍ଯ୍ୟାଳୟ ଖୋଲାଯିବ ସେହି ଘର ପରିଦର୍ଶନ କରି ଆବଶ୍ୟକ ପଦକ୍ଷେପ ନେବାକୁ ବିଡିଓ  ସଞ୍ଜିବ ସାହୁ ଏବଂ ଅତିରିକ୍ତ ତହସିଲଦାର ରୋହିତ କୁମାର ବାଗଙ୍କୁ ଦାୟିତ୍ବ ପ୍ରଦାନ କରିଛନ୍ତି । ପୁରୁଣl କୋଠାକୁ ଆଜି ସଫାସୁତୁରା କରି ସପ୍ତାହକୁ ଗୋଟିଏ ଦିନ ଅତିରିକ୍ତ ତହସିଲଦାର ରହିବେ । ସେଦିନର ସମସ୍ତ ଆପତ୍ତି ଅଭିଯୋଗ ଏବଂ କାର୍ଯ୍ଯକୁ ପୁଣି ପରବର୍ତ୍ତୀ ସମୟରେ କେତେଦୂର ଅଗ୍ରଗତ ହୋଇ ପାରିଛି ଲୋକଙ୍କୁ ଜଣାଇ କାମ କରିବେ ବୋଲି କହିଥିଲେ। ଆଜିର ପରିଦର୍ଶନ ସମୟରେ ବିଡିଓ, ଅତିରିକ୍ତ ତହସିଲଦାରଙ୍କ ଉପସ୍ଥିତିରେ ଡୁଙ୍ଗୁରିପାଲି ସରପଂଚ ଚିତରଞ୍ଜନ ମିଶ୍ର ଏହି ଅବସରରେ ଜିଲ୍ଲାପାଳଙ୍କୁ ସ୍ବାଗତ କରିଥିଲେ । ବରିଷ୍ଠ ଓକିଲ ନବୀନ ରଣା, ଗୋପାଳ ବାରିକ, ବିପ୍ରଚରଣ ସାହୁ, ଅଶୋକ ଶତପଥ୍, କନ୍ଦପ ସାହୁ, ଗାନ୍ଧି ସାହୁ, ଦାଶରଥ୍ ବିଶ୍ଵାଳ, ମହେନ୍ଦ୍ର ବରିହା, ଜିତେନ୍ଦ୍ରୀୟ ବିଶ୍ଵାଳ, ସୁବାଷ ଭୋଇ, ନିତେଇ ପାନ, ସାଂସଦ ପ୍ରତିନିଧୁ ବିରେନ୍ଦ୍ର କଠାର, ରୁଦ୍ରକିଶୋର ମହଲା,  ତୁଲସୀ ପ୍ରସାଦ ଦାଶ, ନେହେରୁ ପଧାନ, ବିକାଶ ହାତୀ ପ୍ରମୁଖ ଉପସ୍ଥିତ ରହି ଜିଲ୍ଲାପାଳଙ୍କୁ ଧନ୍ୟବାଦ ପ୍ରଦାନ କରିଥିଲେ । ଜିଲ୍ଲାପାଳଙ୍କ ଯୋଗୁଁ ଡୁଙ୍ଗୁରିପାଲିବାସୀ ପୁଣି ଅତିରିକ୍ତ ତହସିଲ ଫେରି ପାଇଥିବାରୁ ଅଂଚଳବାସୀଙ୍କ ମଧ୍ୟରେ ଆନନ୍ଦର ଲହରୀ ଖେଳି ଯାଇଛି ।