12-Aug-2026

ସୁନ୍ଦରଗଡ- ସୁନ୍ଦରଗଡ ଜିଲ୍ଲାର ଜିଲ୍ଲା ପଞ୍ଚାୟତ ସମ୍ବଳ କେନ୍ଦ୍ର ସୁନ୍ଦରଗଡ ଠାରେ ଅରୁଣା ଓ ଜିଲ୍ଲା ଶିଶୁ ସୁରକ୍ଷା ୟୁନିଟ  ତରଫରୁ ଜିଲ୍ଲା ଶିଶୁ ସୁରକ୍ଷା କର୍ମୀମାନଙ୍କୁ ମାନସିକ ସ୍ଵାସ୍ଥ୍ୟ ଓ ମନୋ ସାମାଜିକ ଦକ୍ଷତା ବିକାଶ ପ୍ରଶିକ୍ଷଣ ଅନୁଷ୍ଟିତ ହୋଇଯାଇଛି। ସୁନ୍ଦର ଗଡ ଜିଲ୍ଲା ର ଶିଶୁ ଯତ୍ନ ଅନୁଷ୍ଠାନ ,ଶିଶୁ ହେଲ୍ପ ଡେସ୍କ,ଶିଶୁ ସୁରକ୍ଷା ୟୁନିଟ ର କର୍ମୀ,ପ୍ରତିନିଧି ମାନେ ଉପସ୍ଥିତ ଥିଲେ।ଏହି ତାଲିମ କାର୍ଯକ୍ରମରେ ସି ଆର୍ ଏସ୍ ର  ମନୋରଞ୍ଜନ ଦାସ,ଜିଲ୍ଲା ମୁଖ୍ୟ ଚିକିତ୍ସାଳୟର ମାନସିକ ସ୍ୱାସ୍ଥ୍ୟ ଓ ମନୋ ସାମାଜିକ ଅଧିକାରି  ପ୍ରିୟଦର୍ଶିନୀ ଆଚାର୍ଯ୍ୟ ଯୋଗଦାନ କରି ଜିଲ୍ଲାରେ ମାନସିକ ସ୍ୱାସ୍ଥ୍ୟ କାର୍ଯକ୍ରମ ସମ୍ପର୍କରେ ଜଣାଇ ଥିଲେ।ତାଲିମ ପ୍ରାରମ୍ଭରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶ୍ରୀଯୁକ୍ତ ଶ୍ରିବନ୍ତ ଜେନା ଅତିଥି ଓ ଅଂଶଗ୍ରହଣକାରି ମାନଙ୍କୁ ସ୍ୱାଗତ ଜଣାଇ ତାଲିମ କୁ ସଫଳ କରିବାକୁ ଆହ୍ବାନ ଦେଇଥିଲେ।ଏହି ତାଲିମ କାର୍ଯକ୍ରମ କୁ ଅରୁଣା ର ଜିଲ୍ଲା ପରାମର୍ଶଦାତା ଆକାଶ ପାତ୍ର ସଂଯୋଜନା କରିଥିଲେ।ତାଲିମ ଦାତ୍ରୀ  ଭାବେ ଅମନ୍ ଫାଉଣ୍ଡେସନ ର ସୌମ୍ୟା ଏସ ମହାପାତ୍ର ତାଲିମ ପ୍ରଦାନ କରିଥିଲେ।ମାନସିକ ସ୍ଵାସ୍ଥ୍ୟ ଓ ମନୋ ସାମାଜିକ ସହାୟତା,ମାନସିକ ଆଘାତର ପ୍ରଭାବ,ମାନସିକ ସ୍ଵାସ୍ଥ୍ୟ ଓ ମନୋ ସାମାଜିକ ପ୍ରାଥମିକ ଚିକିତ୍ସା,ସଙ୍କଟ ଗ୍ରସ୍ତ ଶିଶୁ ମାନଙ୍କ ପାଇଁ ସମ୍ବେଦନଶୀଳ ବ୍ୟବହାର, କାଉନସେଲିଂ ପ୍ରକ୍ରିୟା ସମ୍ପର୍କରେ ପୁଙ୍ଖାନା ପୁଙ୍ଖ ଭାବରେ ତାଲିମ ପ୍ରଦାନ କରିଥିଲେ। ଚାଇଲ୍ଡ ହେଲ୍ପ ଲାଇନ୍ ର ଜିଲ୍ଲା ସଂଯୋଜକ ଜିତୁ ପଟେଲ ସକ୍ରିୟ ଅଂଶ ଗ୍ରହଣ କରିଥିଲେ।ପରିଶେଷରେ ଜିଲ୍ଲା ପରାମର୍ଶଦାତା ଆକାଶ କୁମାର ପାତ୍ର ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ।