21-Jun-2021

ଭୁବନେଶ୍ବର (ପ୍ରେରଣା ଖବର ବ୍ୟୁରୋ) :ବିଭିନ୍ନ ଦେଶରେ ତୃତୀୟ ଲହର ଆସିବାର ଦେଖା ଯାଉଛି । ଆମର ବି ଆସିପାରେ । ସେଥିପାଇଁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି । ହେଲେ ଆସ୍ୱସ୍ତି କର କଲା ଭଳି ଖବର ହେଉଛି ଦ୍ୱିତୀୟ ଲହର ଅପେକ୍ଷା ତୃତୀୟ ଲହରର ପ୍ରଭାବ କମ ରହୁଛି । ତଥାପି ଆମକୁ ତୃତୀୟ ଲହର ଆସିବା ପୂର୍ବରୁ ଟୀକା କରଣ ଜୋରଦାର କରିବାକୁ ପଡିବ ବୋଲି ରାଜ୍ୟବାସୀ ଙ୍କୁ ପରାମର୍ଶ ଦେଇଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର l। କେନ୍ଦ୍ର ସରକାର ଯେତେ ଟୀକା ଦେବେ ସେହି ଅନୁସାରେ ଆମେ ଟୀକା କରଣ କରିବୁ । ଟୀକା କରଣ ନେଇ ଆମର ସମ୍ପୂର୍ଣ୍ଣ ବ୍ୟବସ୍ଥା ରହିଛି ଓ ଆମେ ବି ପ୍ରସ୍ତୁତ ହୋଇ ରହିଛୁ  ବୋଲି ଶ୍ରୀ ମିଶ୍ର କହିଛନ୍ତି । 

ଷ୍ଟେରଏଡ଼ ବ୍ୟବହାର ନେଇ କେନ୍ଦ୍ର ସରକାରଙ୍କ ନୂଆ ଗାଇଡ଼ ଲାଇନ ଉପରେ ପ୍ରତିକ୍ରିୟା

କେନ୍ଦ୍ର ସରକାରଙ୍କ ଯେଉଁ ନୂଆ ଗାଇଡ଼ ଲାଇନ ଆସିଛି ସେହି ଅନୁଯାୟୀ ଷ୍ଟେରଏଡ଼ ବ୍ୟବହାର ହେବ । ଆମର ବି ଯେଉଁମାନଙ୍କ ଅକ୍ସିଜେନ ରିକ୍ୟୁରମେଣ୍ଟ ରହୁଛି ସେହି ମାନଙ୍କ କ୍ଷେତ୍ରରେ ଷ୍ଟେରଏଡ଼ ବ୍ୟବହାର ହେଉଛି । ଅକ୍ସଫୋର୍ଡ ଷ୍ଟଡ଼ି ବି ଏହି ସମାନ କଥା କହୁଛି । ଷ୍ଟେରଏଡ଼ ବ୍ୟବହାରର ଭଲ ପ୍ରଭାବ ରହିଛି ଓ ଖରାପ ପ୍ରଭାବ ବି ରହିଛି । ପୂର୍ବରୁ ଏହାକୁ ମଧ୍ୟ ବ୍ୟବହାର କରାଯାଉଥିଲା ଏହା ନୂଆ ନୁହେଁ । ମାତ୍ର ବର୍ତ୍ତମାନ କୋଭିଡରେ ଏହାର ଆବଶ୍ୟକତା କେବଳ ଯେଉଁମାନେ ମଧ୍ୟମରୁ ଗୁରୁତର ପେସେଣ୍ଟ ମାନଙ୍କ କ୍ଷେତ୍ରରେ ରହିଛି  ବୋଲି ଜନ ସ୍ଵାସ୍ଥ୍ୟ ନିର୍ଦେଶକ ନିରଞ୍ଜନ  କହିଛନ୍ତି l