09-Aug-2026

ବଲାଙ୍ଗୀର(ପ୍ରେରଣା ଖବର):  କମ ସମୟରେ କି ସ୍ୱଳ୍ପ ପରିଶ୍ରମ ରେ ସଫଳତା ପାଇ ହେବନାହିଁ। ଛାତ୍ର ଛାତ୍ରୀମାନେ ନିଜର ଲକ୍ଷ୍ୟ ପଥରେ ଆଗକୁ ବଢିବାପାଇଁ ନିରନ୍ତର  ଉଦ୍ୟମ ଜାରିରଖିଲେ  ହିଁ ସଫଳତା ମିଳିଥାଏ ।ଯୁବୋଦୟ ମହାବିଦ୍ୟାଳୟ ଆଜି ସମଗ୍ର ଓଡ଼ିଶାରେ ନିଜର ସ୍ୱତନ୍ତ୍ରତା ପାଇଁ, ଶିକ୍ଷାଦାନ ଶୈଳୀ, ସର୍ବୋଚ୍ଚ ପରୀକ୍ଷା ଫଳ ପାଇଁ ପରିଚିତ। ଏହି ସଫଳତାର ଶ୍ରେୟ ଶିକ୍ଷାନୁଷ୍ଠାନର ଲଗାତାର ଉଦ୍ୟମ ବୋଲି କହିଛନ୍ତି ଭୀମଭୋଇ ମେଡିକାଲ କଲେଜ ଓ ହସ୍ପିଟାଲ ର ଚକ୍ଷୁ ବିଭାଗ ର ବିଭାଗୀୟ ମୁଖ୍ୟ ଡାକ୍ତର ସଚଳା ଭୋଇ। ଯୁବୋଦୟ ମହାବିଦ୍ୟାଳୟ ସକମା ର କନଫରେନ୍ସ  ହଲ ରେ ଆୟୋଜିତ ଯୁବୋଦୟ ଆଚିଭର  ମିଟ ୨୦୨୬ରେ NEET ଓ JEE ରେ ସଫଳତା ପ୍ରାପ୍ତ ଛାତ୍ର ଛାତ୍ରୀ ଙ୍କୁ ସମ୍ବର୍ଦ୍ଧନା ପ୍ରଦାନ ଅବସରରେ ସେ ଏହି କଥା କହିଛନ୍ତି। କାର୍ଯ୍ୟକ୍ରମରେ ସଭାପତିତ୍ୱ କରି ଯୁବୋଦୟ ର ନିର୍ଦେଶକ ଶ୍ରୀ ଅମ୍ବରିଶ ଦାଶ ଛାତ୍ର ଛାତ୍ରୀଙ୍କୁ ଶୁଭେଚ୍ଛା ଜଣାଇବା ସହ ଓଡ଼ିଶାର ଛାତ୍ରଛାତ୍ରୀଙ୍କୁ ଗୁଣାତ୍ମକ ଶିକ୍ଷା ପ୍ରଦାନ ରେ କୌଣସି ସାଲିସ କରାଯାଉନଥିବାରୁ  ହଜାର ହଜାର ବାପା ମା ଙ୍କ ଆଶା ଓ ବିଶ୍ୱାସର ଶିକ୍ଷାନୁଷ୍ଠାନ ହୋଇପାରିଥିବା ଯୁବୋଦୟ ପ୍ରତ୍ୟେକ ବର୍ଷ ସଫଳତା ର ନୂଆଁ କୀର୍ତ୍ତିମାନ ସ୍ଥାପନ କରି ଆଗକୁ ବଢୁଛି। ମେଡିକାଲ, ଇଞ୍ଜିନିଅରିଙ୍ଗ, ଆଇ ଆଇ ଟି, ଏନଆଇ ଟି ରେ ଫ୍ରେଶର ପିଲା ସଫଳତା ପାଇବା ଆମର ସ୍ୱତନ୍ତ୍ରତା। ମାତ୍ର ଏଥିପାଇଁ ଆମେ ଗୁଣାତ୍ମକ ଶିକ୍ଷା ଦାନରେ କୌଣସି ସାଲିସ କରିନାହୁଁ ବୋଲି ମତ ଦେଇଥିଲେ ।ଏହି

ଅବସରରେ  NEET  ପରୀକ୍ଷାରେ  ପଶ୍ଚିମ ଓଡିଶାର ଟପ୍ପର  ୬୫୮ ମାର୍କ ଓ AIR ୯୫୬ ବିଶ୍ୱଜିତ ସାହୁ,ଆଶୀର୍ବାଦ ତ୍ରିପାଠୀ ୬୫୩ ମାର୍କ,ଓମପ୍ରକାଶ ପ୍ରଧାନ ୬୪୪ ମାର୍କ,ବିଭୁଦତ୍ତ ଗଡ଼ତ୍ୟା ୬୩୭ ମାର୍କ, ରିତେଶ ରିସନ ସାହୁ ୬୨୯ ମାର୍କ, ଜ୍ୟୋତିପ୍ରକାଶ ଭୋଇ ୬୨୭ ମାର୍କ, ରେଶମା ପଣ୍ଡା ୬୨୦ ମାର୍କ, ଶୁଭଶ୍ରୀ ବିଶ୍ୱାଳ ୬୧୨ ମାର୍କ, ଅନନ୍ୟା ପଧାନ ୬୧୦ ମାର୍କ, ବୈଭବ ଦାସ ୬୦୭ ମାର୍କ ଓ   JEE  ପଶ୍ଚିମ ଓଡିଶା ଟପ୍ପର  ରଖିଥିବା

କୌଶିକ କୁମାର ସାହୁ,୯୯. ୯୩  ପରସେଣ୍ଟାଇଲ ଶ୍ଳୋକ ସୌରଭ ସାହୁ ୯୯. ୩୨ ପରସେଣ୍ଟାଇଲ, ଜିଜ୍ଞ୍ୟାସୁ କୁମାର ସାହୁ ୯୮. ୮୩ ପରସେଣ୍ଟାଇଲ, ଧରମେଶ ଦର୍ଶନ ସେଠ ୯୮. ୬୪ ପରସେଣ୍ଟାଇଲ, ଅଭିନଵ ବଗର୍ତ୍ତୀ ୯୭. ୭୮ ପରସେଣ୍ଟାଇଲ, ପ୍ରିୟଦର୍ଶିନୀ ପଧାନ ୯୭. ୬୬ ପରସେଣ୍ଟାଇଲ, ଅନିଶ କୁମାର ପାଣିଗ୍ରାହୀ ୯୪. ୪୫, ପ୍ରେମଆନନ୍ଦ ମେହେର ୯୬. ୪୦ ପରସେଣ୍ଟାଇଲ, ଦେବ ଆଚାର୍ଯ୍ୟ ୯୬…୩୨ଙ୍କ ସମେତ ଉଚ୍ଚାଙ୍ଗ ସଫଳତା ପ୍ରାପ୍ତ  ଶତାଧିକ ଛାତ୍ରଛାତ୍ରୀଙ୍କୁ ମାନପତ୍ର ଓ ସ୍ମାରକୀ ଦେଇ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଅଧ୍ୟାପକ ସନ୍ଦୀପ କୁମାର କୁଅଁର ଓ ଅଧ୍ୟାପକ ରଜତ କୁମାର ପାଣିଗ୍ରାହୀ ସମ୍ବର୍ଦ୍ଧନା ସମାରୋହକୁ ସଂଯୋଜନା କରିଥିଲେ।