08-Aug-2026

ବଲାଙ୍ଗିର(ପ୍ରେରଣା ଖବର): ସଂସ୍କୃତ ଭାରତୀ ଦ୍ୱାରା ସ୍ବର୍ଗତ ପଣ୍ଡିତ ଟିକେଶ୍ରର ଗୁରୁ ମହୋଦୟଙ୍କ ସ୍ମୃତିରେ ଜିଲ୍ଲାସ୍ତରୀୟ ସ୍ୱାଧୀନତା ଦିବସ ସମାରୋହ-୨୦୨୬ ଅବସରରେ ସଂସ୍କୃତଭାଷା ପ୍ରତି ଛାତ୍ରଛାତ୍ରୀଙ୍କ ଆଗ୍ରହ ଓ ପ୍ରତିଭାକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ସଂସ୍କୃତ ପ୍ରତିଯୋଗିତାର ଆୟୋଜନ ବିଦ୍ୟାଭୂଷଣ ସଂସ୍କୃତ ମହାବିଦ୍ୟାଳୟ, ବଲାଙ୍ଗୀର ଠାରେ ହୋଇଥିଲା।
 ବିଭିନ୍ନ ବ୍ଲକ୍ ର ବିଦ୍ୟାଳୟ ଓ ମହାବିଦ୍ୟାଳୟର ଶତାଧିକ ଛାତ୍ରଛାତ୍ରୀ ଉତ୍ସାହର ସହିତ ଏଥିରେ ଅଂଶଗ୍ରହଣ କରିଥିଲେ।
ସଂସ୍କୃତ ଦେଶଭକ୍ତି ଶ୍ଲୋକ ଉଚ୍ଚାରଣ ବିଭାଗରେ ପ୍ରଥମ ସ୍ଥାନ ଅଧିକାର କରିଛନ୍ତି ସ୍ରୁଜନୀ ଶୁଭଲକ୍ଷ୍ମୀ ନାୟକ (ଚତୁର୍ଥ ଶ୍ରେଣୀ), ପି.ଏମ୍. ଶ୍ରୀ କେନ୍ଦ୍ରୀୟ ବିଦ୍ୟାଳୟ-୨, ବଲାଙ୍ଗିରl। ଦ୍ୱିତୀୟ ସ୍ଥାନରେ ଋତୁପର୍ଣ୍ଣା ରଣା (ଷଷ୍ଠ ଶ୍ରେଣୀ), ଓଏଭି ପଥରଚେପା, ବଲାଙ୍ଗିର ଏବଂ ତୃତୀୟ ସ୍ଥାନରେ ଓଜେଶ ତ୍ରିପାଠୀ (ଚତୁର୍ଥ ଶ୍ରେଣୀ), ବିନାୟକ ପବ୍ଲିକ ସ୍କୁଲ, କୁଶଙ୍ଗ, ଲୋଇସିଂହା ସ୍ଥାନ ପାଇଛନ୍ତି।

ସଂସ୍କୃତ ଦେଶଭକ୍ତି ଗୀତ ଗାୟନ ବିଭାଗରେ ପ୍ରଥମ ସ୍ଥାନ ହାସଲ କରିଛନ୍ତି ଅନ୍ଶିକା ଗୁରୁ (ଅଷ୍ଟମ ଶ୍ରେଣୀ), ଲିଟିଲ୍ ଫ୍ଲାୱର ସ୍କୁଲ, ବଲାଙ୍ଗିର। ଦ୍ୱିତୀୟ ସ୍ଥାନରେ **ଶ୍ରୀମୟୀ ପଣ୍ଡା (ନବମ ଶ୍ରେଣୀ), ଏସ୍‌ଏସ୍‌ଭିଏମ୍‌, କଦମପଡ଼ା** ଏବଂ ତୃତୀୟ ସ୍ଥାନରେ ପ୍ରଜ୍ଞା ବେହେରା (ଦଶମ ଶ୍ରେଣୀ), ଓଏଭି ପଥରଚେପା ରହିଛନ୍ତି।

ସେହିପରି ସଂସ୍କୃତ ଭାଷଣ ବିଭାଗରେ ପ୍ରଥମ ସ୍ଥାନ ବିନ୍ଦିୟା ବେହେରା (ଏକାଦଶ ଶ୍ରେଣୀ), ରାଜେନ୍ଦ୍ର ବିଶ୍ୱବିଦ୍ୟାଳୟ ଅଧିକାର କରିଥିବାବେଳେ ଦ୍ୱିତୀୟ ସ୍ଥାନରେ ଆଦିତ୍ୟ ପ୍ରକାଶ ଦାଶ (ଏକାଦଶ ଶ୍ରେଣୀ), ଓଏଭି ପଥରଚେପା ଏବଂ ତୃତୀୟ ସ୍ଥାନରେ ସରୋଜ ପଧାନ (ଏକାଦଶ ଶ୍ରେଣୀ), ଜେଏସ୍‌ଏମ୍‌ ହାଇଅର ସେକେଣ୍ଡାରୀ ସ୍କୁଲ, ବଲାଙ୍ଗିର ସ୍ଥାନ ହାସଲ କରିଛନ୍ତି।

ବିଜେତା ପ୍ରତିଯୋଗୀମାନଙ୍କୁ ଆଗାମୀ ଜିଲ୍ଲାସ୍ତରୀୟ ସ୍ୱାଧୀନତା ଦିବସ ସମାରୋହରେ ମନୋହର ପଡ଼ିଆରେ 
ସମ୍ମାନିତ କରାଯିବ। ଛାତ୍ରଛାତ୍ରୀଙ୍କ ମଧ୍ୟରେ ସଂସ୍କୃତ ଭାଷା, ସାହିତ୍ୟ ଓ ଭାରତୀୟ ସଂସ୍କୃତି ପ୍ରତି ଆଗ୍ରହ ବୃଦ୍ଧି କରିବାରେ ଏପରି ପ୍ରତିଯୋଗିତା ଏକ ଉଲ୍ଲେଖନୀୟ ପଦକ୍ଷେପ ବୋଲି ଜନସାଧାରଣରେ ମତ ପ୍ରକାଶ ପାଇଛି। ଏଥିପାଇଁ ଜିଲ୍ଲା ପ୍ରଶାସନକୁ ଏହାଦ୍ବାରା ସଂସ୍କୃତ ଭାଷାର ପ୍ରଚାର ପ୍ରସାର ଏବଂ ଜନଜାଗରଣ ସୃଷ୍ଟି କରିଥିବାରୁ ଧନ୍ୟବାଦ ଅର୍ପଣ କରିଥିଲେ ସଂସ୍କୃତ ଭାରତୀ, ଉତ୍କଳ ପଶ୍ଚିମପ୍ରାନ୍ତ ର ପ୍ରାନ୍ତ ପ୍ରଚାର ପ୍ରମୁଖ ଶେଷଦେବ ମିଶ୍ର , ପ୍ରାନ୍ତ ସମ୍ପାଦକ ଅଜିତ କୁମାର ପଣ୍ଡା, ପ୍ରାନ୍ତ ସହ ମନ୍ତ୍ରୀ ମାନସ ରଞ୍ଜନ ସାହୁ।

ଦେଶଭକ୍ତିମୂଳକ ସଂସ୍କୃତ ପ୍ରତିଯୋଗିତା କେବଳ ଏକ ଭାଷାଭିତ୍ତିକ ପ୍ରତିଯୋଗିତା ନୁହେଁ; ଏହା ଛାତ୍ରଛାତ୍ରୀଙ୍କ ମନରେ ଦେଶପ୍ରେମ, ଭାରତୀୟ ସଂସ୍କୃତି ଓ ଜାତୀୟ ଏକତାର ଭାବନାକୁ ଦୃଢ଼ କରେ ବୋଲି ବିଶ୍ବହିନ୍ଦୁ ପରିଷଦ ର ପ୍ରାନ୍ତ ସମ୍ପାଦିକା ସରସ୍ବତୀ ନନ୍ଦ ଏବଂ ଓକିଲ ଜୟରାମ ମିଶ୍ର କହିଥିଲେ। ଏହି ପ୍ରତିଯୋଗିତା ରେ ଜିତେନ୍ଦ୍ର ଦଣ୍ଡସେନା, ରାଜକିଶୋର ମିଶ୍ର, ପ୍ରଦ୍ୟୁମ୍ନ ବଘାର,ରିଷବ ନାଏକ, ଶମ୍ଭୁ ପ୍ରସାଦ ଦାସ, ରାଜକିଶୋର ପଣ୍ଡା , ସ୍ୱାଗତିକା ଷଡ଼ଙ୍ଗୀ, ପଦ୍ମାଳୟା ତ୍ରିପାଠୀ, ମୟୁରୀ ପାଢ଼ୀ, ଜୟଶ୍ରୀ ପୋଡ଼ ଆଦି ନିର୍ଣ୍ଣାୟକ ଭୂମିକା ଗ୍ରହଣ କରିଥିଲେ। ଧର୍ମରାଜ ବାଗ, ରୋହିତ କଠାର, ମାନସୀ ସାହୁ ଆଦି କାର୍ଯ୍ୟକର୍ତ୍ତା ମାନେ ସକ୍ରିୟ ସହଯୋଗ କରିଥିଲେ।ଏ ଅବସରରେ ସମସ୍ତ ପ୍ରତିଯୋଗୀ ମାନଙ୍କୁ ଯଥାର୍ଥ ଗୀତା ପୁସ୍ତକ ବଣ୍ଟନ କରାଯାଇଥିଲା।