01-Jun-2021

 ବିନିକା (ହିମାଂଶୁ ଶେଖର ପୁଟେଲ) ଜନ୍ମ ଜନ୍ମାନ୍ତର ସାଥୀ ଭାବେ ବିବାହ ବନ୍ଧନରେ ବାନ୍ଧି ହୋଇଥିବା ଜୀବନର ଚଲାପଥ ଦେଖୁ ଦେଖୁ ଏକ ବର୍ଷ ଅତିକ୍ରମ କରି ସାରି ଥିବାରୁ ଉଭୟ ପତି ଓ ପତ୍ନୀ ବିବାହ ବାର୍ଷିକୀ ଉତ୍ସବ ପାଳନ ପରିପ୍ରେକ୍ଷୀରେ ଅସହାୟ ଗରିବ ଲୋକଙ୍କ ଭୋକିଲା ପେଟରେ ଦାନା ଭରିବା ପାଇଁ ମାଗଣାରେ ବିଭିନ୍ନ ପ୍ରକାର ଖାଦ୍ୟ ପଦାର୍ଥ ଖାଇବା ପାଇଁ ଦେବା ଓ ତା ସହିତ ଉପହାର ଦେବା ଘଟଣା ସମସ୍ତଙ୍କ ପାଇଁ ଏକ ଉଦାହରଣ ବାର୍ତା ସୃଷ୍ଟି କରିଛି l ଖବର ନେବାରୁ ଜଣାପଡିଛି ଯେ ବିନିକା ସିଦ୍ଧାର୍ଥ ଡିଗ୍ରୀ ମହାବିଦ୍ୟାଳୟ ବିଜ୍ଞାନ ବିଭାଗ କେମେଷ୍ଟ୍ରୀ ଅଧ୍ୟାପକ ପ୍ରିତମ କୁମାର ପଣ୍ଡା ଗତବର୍ଷ ମଇ ୩୧ତାରିଖରେ ବିବାହ ବନ୍ଧନରେ ବାନ୍ଧି ହୋଇଥିଲେ ଶିକ୍ଷୟତ୍ରୀ ଜୟଶ୍ରୀ ପ୍ରଧାନ ଙ୍କ ସହିତ l ସେହି ସମୟରେ ସାରା ବିଶ୍ୱକୁ କବଳିତ କରିଥିବା ଅଦୃଶ୍ୟଶକ୍ତି ମହାମାରୀ କରୋନା ଭାଇରସ ଯୋଗୁଁ ବାହାଘର ଆଡ଼ମ୍ବରପୂର୍ଣ୍ଣ ହୋଇ ନ ଥିଲେବି ଯଥା ରୀତିନୀତି ଅନୁଯାୟୀ ସମ୍ପନ୍ନ ହୋଇଥିଲା l ଲକଡ଼ାଉନ କଟକଣା ଯୋଗୁଁ ବନ୍ଧୁବାନ୍ଧବ,ସାଙ୍ଗସାଥୀ କେହି ବି ଆସି ନ ପାରି ବାହାଘର ମଜା ମଜଳିସ୍ ଫାଇଦା ଉଠାଇ ପାରି ନ ଥିଲେ l ଅତ୍ୟନ୍ତ ହସ ଖୁସିରେ ଦାମ୍ବ୍ୟତ ଜୀବନ ଗଡ଼ିବାର ଏକ ବର୍ଷ ବିତିଗଲା l ବାହାଘର ମଜା ମଜଲିସ ବିବାହର ପ୍ରଥମ ବାର୍ଷିକୀ ଅବସରରେ ପାଳନ ପାଇଁ ସଜବାଜ ଥିଲେ ଉଭୟ ପତି ଓ ପତ୍ନୀ l ହେଲେ ପୁନର୍ବାର ଲକଡାଉନ ଆଶାର ଅଭିଳାସ କୁ ରୋକିଦେଲା l ଶେଷରେ ଉଭୟ ପତି/ପତ୍ନୀ ଅର୍ଥାତ୍ ଅଧ୍ୟାପକ

ପ୍ରିତମ ଓ ତାଙ୍କ ଧର୍ମପତ୍ନୀ ଶିକ୍ଷୟତ୍ରୀ ଜୟଶ୍ରୀ ବିବାହ ପ୍ରଥମ ବାର୍ଷିକୀ ଅବସରରେ ଗରିବ ଅସହାୟ ଲୋକଙ୍କ ସେବାରେ କିଛି ମହତ କାର୍ଯ୍ୟ କଲେ ଜୀବନ ଧନ୍ୟ ହେବ l ସେଥିପାଇଁ ଉଭୟ ପତି/ ପତ୍ନୀ ନିଜସ୍ଵ ପାଣ୍ଠିରୁ କିଛି ଅର୍ଥ ଖର୍ଚ୍ଚ କରି ସୁବର୍ଣ୍ଣପୁର ଜିଲ୍ଲାର ସୁବର୍ଣ୍ଣମେରୁ ମନ୍ଦିର ନିକଟରେ ଥିବା କୁଷ୍ଠା ଆଶ୍ରମରେ ରହୁଥିବା ଅସହାୟ ଗରିବ ଲୋକଙ୍କୁ ଖାଦ୍ୟ ବଣ୍ଟନ କରି କିଛି ଉପହାର ପ୍ରଦାନ କରିଥିଲେ l ସାମଗ୍ରୀ ପାଇବା ନେଇ ଅନ୍ତେବାସୀଙ୍କ ଠାରେ ଖୁସି ଦେଖାଦେଇଥିବା ବେଳେ  ଅଧ୍ୟାପକ ପ୍ରିତମ ଓ ଶିକ୍ଷୟତ୍ରୀ ଜୟଶ୍ରୀ ଙ୍କ ଏଭଳି ମହନୀୟତା କାର୍ଯ୍ୟକୁ ସବୁ ମହଲରେ ପ୍ରଶଂସା କରାଯାଇଛି l