18-Mar-2021

ବ୍ରହ୍ମପୁର(କୁମୁଦ ରଂଜନ ବେହେରା ନକଲି ବିଦେଶୀ ମଦ ପ୍ରସ୍ତୁତ କରୁଥିବା ମାଫିଆକୁ ଧରିଛି ପୋଲିସ । ମାଫିଆ ହରି ସାହୁକୁ ବୈଦ୍ୟନାଥପୁର ପୋଲିସ ଗିରଫ କରିଥିବା ସୂଚନା ମିଳିଛି ।

ସୂଚନାଯୋଗ୍ୟ ଯେ, ଜାନୁଆରୀ ୭ ତାରିଖରେ ବ୍ରହ୍ମପୁର ଲାଞ୍ଜିପଲ୍ଲୀ ବ୍ରାହ୍ମଣ ସାହିରେ ଚଢାଉ କରି ବିପୁଳ ପରିମାଣର ନକଲି ବିଦେଶୀ ମଦ ଜବତ କରିଥିଲା ବ୍ରହ୍ମପୁର ପୋଲିସ । ଏହି ଘଟଣାରେ ମୁଖ୍ୟ କାର୍ପଟଦାର ହରି ସାହୁ ସେତେବେଳେ ଫେରାର ଥିଲା । ଜାମିନ୍ ପାଇଁ ଆବେଦନ କରିଥିବା ବେଳେ ଜିଲ୍ଲା ବାହାରୁ ବ୍ରହ୍ମପୁର ପୋଲିସ ହରି ସାହୁକୁ ଗିରଫ କରିଥିବା ସୂଚନା ମିଳିଛି ।

କିଛି ଦିନ ହେଲା ଲାଞ୍ଜିପଲ୍ଲୀ ଅଞ୍ଚଳରେ ନକଲି ମଦ ପ୍ରସ୍ତୁତ କରି ସହର ଏବଂ ବାହାରକୁ ଚାଲାଣ କରାଯାଉଥିଲା । ହୋମିଓପାଥି ଔଷଧରେ ରଙ୍ଗ ଓ କେମିକାଲ ମିଶାଇ ମଦ ପ୍ରସ୍ତୁତ କରି ବିକ୍ରି କରୁଥିଲା । ସେତେବେଳେ ରାମଚନ୍ଦ୍ର ସାହୁ ନାମକ ଜଣେ ବ୍ୟକ୍ତି ଏଭଳି ନକଲି ମଦ ପ୍ରସ୍ତୁତ କରୁଥିବା ସ୍ବୀକାର କରିଥିଲା । ସେହି ସମୟରେ ପୋଲିସ ବ୍ୟାପକ ମଦ ଜବତ କରିବା ସହ ୩ ଜଣକୁ ଗିରଫ କରିଥିଲା ।