11-Feb-2021

ନୟାଗଡ଼ (ପ୍ରଦୀପ କୁମାର ପଣ୍ଡା) :ନୟାଗଡ଼ ଜିଲ୍ଲା ନୂଆଗାଁ ବ୍ଳକ ଅନ୍ତର୍ଗତ ଖୋର୍ଦ୍ଧା ବଲାଙ୍ଗୀର ୫୭ନଂ  ଜାତୀୟ ରାଜପଥ ସଂପଡ଼ା ନିକଟରେ ମଙ୍ଗଳବାର ଅପରାହ୍ଣରେ ଏକ ସ୍କୁଟିକୁ ଧକ୍କା ଦେଇଛି ଚାଉଳ ବୋଝେଇ  ଟ୍ରକ ।ଦୃର୍ଘଟଣାରେ ଗୁରୁତର ଭାବରେ ଆହତ ହୋଇଥିବା ସ୍କୁଟି ଚାଳକ ଶରତ ଚନ୍ଦ୍ର ସେଠୀ, ଘର ଦଶପଲ୍ଲା. ସେ ଓଡ଼ଗାଁ ଏ ନ ଏ ସି କାର୍ଯ୍ୟାଳୟରେ କିରାଣୀ ଭାବେ କାର୍ଯ୍ୟ କରନ୍ତି. ଓଡ଼ଗାଁ ରୁ କାମସାରି ଦଶପଲ୍ଲା ନିଜ ଘରକୁ ଫେରୁଥିବା  ସମୟରେ  ଟ୍ରକ ଟି ମାଇଛେଳି ଛକରେ ପଛପଟୁ ଧକା ଦେଇଥିଲା।ଯାହାଫଳରେ ସ୍କୁଟି ଚାଳକ ଜଣକ ଗାଡ଼ିରୁ ଛିଟିକ୍ ପଡିଥିଲେ । ସ୍କୁଟି ଚାଳକଙ୍କୁ ଗୁରୁତର ଥିବାରୁ ବାଟରେ ଯାଉଥିବା କିଛି ଲୋକ ନୂଆଗାଁ ସ୍ୱାସ୍ଥ୍ୟ କେନ୍ଦ୍ର କୁ ନେଇଥିଲେ ସେଠାରେ ତାଙ୍କର ସ୍ୱାସ୍ଥ୍ୟ ଗୁରୁତର ହେବାରୁ ତାଙ୍କୁ ନୂଆଗାଁ ଦମକଳବାହିନୀ  ବାହିନୀ କର୍ମଚାରୀମାନେ  ମହିପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନେଇଥିଲେ କିନ୍ତୁ ସେଠାରେ ଡାକ୍ତର ତାଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ ।
ସ୍କୁଟି ଚାଳକ ଅବସ୍ଥା ଗୁରୁତର ଥିବାରୁ ତାଙ୍କୁ ଭୁବନେଶ୍ୱର ପଠା ଯାଇଥିବା ଜଣାଯାଇଛି ।ସ୍କୁଟି ଚାଳକ  ଦୃଘଟଣା ଗ୍ରସ୍ତ  ହୋଇ ଗୁରୁତର ହୋଇ ଚିତ୍କାର କରୁଥିବା  ସମୟରେ
ଘଟଣାସ୍ଥଳରୁ ଟ୍ରକ ଡ୍ରାଇଭର ଫେରାର ହୋଇଯାଇଥିଲା। ଯା ଫଳରେ ନୂଆଗାଁ ପୁଲିସ୍ ଟ୍ରକଟିକୁ ନୂଆଗାଁ ଥାନାକୁ ନେଇଯାଇଛି । ଥାନାରେ ବର୍ତ୍ତମାନ ସୁଦ୍ଧା ଏତଲା ହୋଇନଥିବା ନୂଆଗାଁ ଥାନା ଅଧିକାରୀ ରମେଶ କୁମାର ଦେବତା କହିଛନ୍ତି ।