29-Jun-2026

କଟକ:-(ତପନ ମହାନ୍ତି) ବିଜ୍ଞାନସମ୍ମତ ଓ ଯୁକ୍ତି ଭିତ୍ତିକ ବିଷୟବସ୍ତୁ ଥାଇ ନିର୍ଭୁଲ ପାଠ୍ୟପୁସ୍ତକ ପ୍ରସ୍ତୁତ ନହେବା ପର୍ଯ୍ୟନ୍ତ ଗତବର୍ଷର ବହିରେ ଶିକ୍ଷାଦାନ କରିବା, ବିଦ୍ୟାଳୟ ଓ ଗଣ ଶିକ୍ଷାମନ୍ତ୍ରୀଙ୍କ ସମେତ ପାଠ୍ୟପୁସ୍ତକ ବିଭ୍ରାଟରେ ସଂପୃକ୍ତ ସମସ୍ତ ଅଧିକାରୀଙ୍କୁ କଠୋର ଶାସ୍ତି ପ୍ରଦାନ କରିବା,ଜାତୀୟ ଶିକ୍ଷା ନୀତି - ୨୦୨୦ କୁ ସମ୍ପୂର୍ଣ୍ଣ ବାତିଲ କରିବା ଦାବିରେ  ଏଆଇଡିଏସଓ (ଅଲ୍ ଇଣ୍ଡିଆ ଡେମୋକ୍ରାଟିକ୍ ଷ୍ଟୁଡେଣ୍ଟସ୍ ଅର୍ଗାନାଇଜେସନ) କଟକ ଜିଲ୍ଲା ପକ୍ଷରୁ ସ୍ଥାନୀୟ କଲେଜ ଛକ ରେଭେନସା ବିଶ୍ୱବିଦ୍ୟାଳୟ ସମ୍ମୁଖରେ ଛାତ୍ରଛାତ୍ରୀ,ଶିକ୍ଷାବିତ,ବୁଦ୍ଧିଜୀବୀ ଓ ଅଭିଭାବକ ମାନଙ୍କୁନେଇ  ଦସ୍ତଖତ ସଂଗ୍ରହ ଅଭିଯାନ ଓ ପ୍ରତିବାଦ ସଭା ଅନୁଷ୍ଠିତ ହୋଇଥିଲା।

ଏହି ଦସ୍ତଖତ ସଂଗ୍ରହ କାର୍ଯ୍ୟକ୍ରମକୁ  ଉଦଘାଟନ  କରିଥିଲେ  ରବି ରାୟ ଏକାଡେମୀର ସମ୍ପାଦକ ବିଶିଷ୍ଟ ସମାଜସେବୀ ଇଂ.ଶ୍ରୀ ଯୁକ୍ତ କ୍ଷୀରୋଦ ଚନ୍ଦ୍ର ମହାପାତ୍ର ଏବଂ ଅବସରପ୍ରାପ୍ତ ବରିଷ୍ଠ ଶିକ୍ଷକ ଶ୍ରୀଯୁକ୍ତ ମହେନ୍ଦ୍ର କାୟସ୍ତ। କଟକର ବିଭିନ୍ନ ସାହିର ଅଭିଭାବକମାନଙ୍କ ମଧ୍ୟରୁ ଶ୍ରୀଯୁକ୍ତ ପ୍ରଶାନ୍ତ ନାଏକ, ଶ୍ରୀମତୀ କୃଷ୍ଣ ପ୍ରିୟା ଜେନା, ଶ୍ରୀ ଯୁକ୍ତ ପ୍ରଦୀପ ଦାସ, ଶ୍ରୀଯୁକ୍ତ ମୋହନ ଦାସ ଏ ଆଇଡିଏସଓ ଉପ-ସଭାପତି ଭାଗ୍ୟରବି ଦାସ ରାଜ୍ୟ ସମ୍ପାଦକ ମଣ୍ଡଳୀସଦସ୍ୟ  ବିନୋଦ ସେଠୀ ପ୍ରମୁଖ ଏହି ଦସ୍ତଖତ ସଂଗ୍ରହ ଅଭିଯାନରେ ସାମିଲ ହୋଇଥିଲେ।   
 ଏଠାରେ ସୂଚନାଯୋଗ୍ୟ ନୂତନ ଜାତୀୟ ଶିକ୍ଷାନୀତି - ୨୦୨୦ ପ୍ରଚଳନ କରିବା ଦ୍ୱାରା ଛାତ୍ରଛାତ୍ରୀମାନଙ୍କ ସାମଗ୍ରିକ ବିକାଶ ଧ୍ୱଂସମୁଖୀ କରାଯାଇଥିବା ବେଳେ ଅତ୍ୟନ୍ତ ବେପରୁଆ ଭାବେ ଏହି ପାଠ୍ୟ ପୁସ୍ତକ ପ୍ରସ୍ତୁତ କରାଯାଇଛି ।  ମାଳ ମାଳ ଭୁଲ ପରିଲକ୍ଷିତ ହୋଇଥିବା ବେଳେ  ଶୁଣିବାକୁ ମିଳୁଛି ବିଭିନ୍ନ ପୁସ୍ତକ ମୁଦ୍ରଣ ମାଫିଆ ମାନଙ୍କୁ ଆଉଥରେ ପୁସ୍ତକ ଛାପିବା ପାଇଁ କୋଟି କୋଟି ଟଙ୍କା ସରକାର ଖର୍ଚ୍ଚ କରିବାକୁ ରାସ୍ତା ପ୍ରଶସ୍ତ କରୁଛନ୍ତି । 

ମାତ୍ର ପାଠ୍ୟକ୍ରମରେ ଅନେକ ଅବୈଜ୍ଞାନିକ, ଅଯୌକ୍ତିକ ତଥା ମନଗଢ଼ା କାହାଣୀକୁ ଭର୍ତ୍ତି କରାଯାଇ ପାଠ୍ୟକ୍ରମର ଏକ ମୌଳିକ ଭିତ୍ତିଗତ ପରିବର୍ତ୍ତନ କରାଯାଇଛି । ଏହା ଦ୍ୱାରା ଛାତ୍ରଛାତ୍ରୀମାନେ କେବଳ ତଥ୍ୟଗତ ଭାବେ ଭୁଲ ଶିକ୍ଷା ପାଇବେ ନାହିଁ ଆହୁରି ମଧ୍ୟ ବିକୃତ ଶିକ୍ଷା ପାଇବେ, ଯଦ୍ୱାରାକି ସେମାନଙ୍କର ଚିନ୍ତା କରିବାର କ୍ଷମତା ମଧ୍ୟ ଭୟଙ୍କର ଭାବେ ବାଧାପ୍ରାପ୍ତ ହେବ । ଫଳରେ ଏହି ଭୁଲ ଶିକ୍ଷା ଗ୍ରହଣ କରି ରାଜ୍ୟର ଲକ୍ଷ ଲକ୍ଷ କୋମଳମତି ଛାତ୍ରଛାତ୍ରୀଙ୍କ ଭବିଷ୍ୟତ ଯେ ଅନ୍ଧକାରମୟ ହେବ ବିଶେଷ କରି ଯାହା ଜାତୀୟ ଶିକ୍ଷା ନୀତି - ୨୦୨୦ର  ଅନୁଯାୟୀ ସରକାରୀ ଶିକ୍ଷାକୁ ସମ୍ପୂର୍ଣ୍ଣ ରୂପେ ଜାତୀୟ ଅନ୍ତର୍ଜାତୀୟ ଏକଚାଟିଆ କମ୍ପାନୀ ସ୍ବାର୍ଥରେ ଘରୋଇକରଣ-ବ୍ୟବସାୟୀକରଣ,
ସାମ୍ପ୍ରଦାୟୀକରଣ, କେନ୍ଦ୍ରୀକରଣ, ଧନ୍ଦାମୂଖିକରଣର ରାସ୍ତା ପ୍ରଶସ୍ତ କରିବା ସହ ଛାତ୍ରଛାତ୍ରୀଙ୍କ ଦୁଇ ଗୋଡ଼ିଆ ଯନ୍ତ୍ର ମାନବରେ ପରିଣତ କରିବାର ଯୋଜନାବଦ୍ଧ ଷଡଯନ୍ତ୍ର ଛଡ଼ା ଆଉ କିଛି ନୁହେଁ। କେବଳ ସେତିକି ନୁହେଁ ସେମାନେ ଅନ୍ଧତା, କୂପମଣ୍ଡୁକତାର ମଧ୍ୟ ଶୀକାର ହେବେ । ଅସଲରେ ଏହି ପାଠ୍ୟ ପୁସ୍ତକ ପରିବର୍ତ୍ତନ ସରକାରୀ ଶିକ୍ଷା ବ୍ୟବସ୍ଥାକୁ ଧ୍ୱଂସ କରିବା ପାଇଁ  ଏକ ସୁଦୂର ପ୍ରସାରୀ ଷଡ଼ଯନ୍ତ୍ର ଏବଂ ବିଜ୍ଞାନ ସମ୍ମତ ଶିକ୍ଷା ଠାରୁ ଭବିଷ୍ୟତ ପିଢ଼ିକୁ ଦୂରେଇ ରଖିବା ପାଇଁ ଏକ ହୀନ ଚକ୍ରାନ୍ତ ବୋଲି  ଏଆଇଡିଏସଓ ପକ୍ଷରୁ ଅଭିଯୋଗ କରାଯାଇଛି । ତୁରନ୍ତ ଶିକ୍ଷା ଧ୍ୱଂସକାରୀ ଜାତୀୟ ଶିକ୍ଷାନୀତି ୨୦୨୦ କୁ ସଂପୂର୍ଣ୍ଣ ବାତିଲ କରିବା, ବିଜ୍ଞାନ ସମ୍ମତ ପାଠ୍ୟକ୍ରମ ପ୍ରଚଳନ କରିବା ସହ ଗଣ ଶିକ୍ଷାମନ୍ତ୍ରୀ ସମେତ ପାଠ୍ୟପୁସ୍ତକରେ ଭୁଲ ବିଷୟ ଛାପିବାରେ ସଂପୃକ୍ତ ସମସ୍ତ ଅଧିକାରୀଙ୍କ ବିରୁଦ୍ଧରେ ଦୃଷ୍ଟାନ୍ତମୂଳକ ଦଣ୍ଡବିଧାନ କରିବା ପାଇଁ ସଂଗଠନ ପକ୍ଷରୁ ଦୃଢ଼ ଦାବି କରାଯାଇଛି।ଏହି ଦସ୍ତଖତ ସଂଗ୍ରହ ଅଭିଯାନକୁ 
 ପରିଚାଳନା କରିଥିଲେ ଏଆଇଡିଏସଓ କଟକ ଜିଲ୍ଲା ସଭାପତି ଇଶା ଧର। ଜିଲ୍ଲା ଉପସଭାପତି ଶିବାନୀ ସାହୁ, ସମ୍ପାଦକ ତରୁଣ ସେନ ନାୟକ,କୋଷାଧକ୍ଷ ଶୁଭସ୍ମିତା ସାହୁ,ଜିଲ୍ଲା ସମ୍ପାଦକ ମୁଣ୍ଡଳୀ ସଦସ୍ୟ ଜ୍ୟୋତ୍ସ୍ନାରାଣୀ ଦାସ,ଭାଗ୍ୟଶ୍ରୀ ପ୍ରଧାନ, ସରୋଜ ମାନସିଂହ, ଜିଲ୍ଲା କମିଟି ସଭ୍ୟ ,ସତ୍ୟବ୍ରତ ମୁଦୁଲି। ,  କସକ ଜେନା,ଗାୟତ୍ରୀ ସାହୁ, ରାଜେଶ ନାୟକ,ସରୋଜ ବେହେରା ଛାତ୍ର ପ୍ରମୁଖ ଆନ୍ଦୋଳନ ଗଢ଼ି ତୋଳିବା ପାଇଁ ଛାତ୍ରଛାତ୍ରୀ, ଅଭିଭାବକ,   ଶିକ୍ଷକ ଏବଂ ସମସ୍ତ ଗଣତାନ୍ତ୍ରିକ  ପ୍ରତିବାଦ ସଭା କଟକ ସହରର ବିଭିନ୍ନ ଅଞ୍ଚଳ,ସାହି କୁ ପରିବ୍ୟାପ୍ତ କରିବା ସହ ବିଭିନ୍ନ ବ୍ଲକ ପରିଭ୍ରମଣ କରିବ ଓ ବିଭିନ୍ନ ସ୍ତରର ଶିକ୍ଷାବିତ୍,ବୁଦ୍ଧିଜୀବୀ,ଅଭିଭାବକ ତଥା ସର୍ବସ୍ତରର ଜନସାଧାରଣଙ୍କୁ ସାମିଲ କରି ଆନ୍ଦୋଳନକୁ ଦୁର୍ବାର କରାଯିବାକୁ  ଆହ୍ବାନ ଦିଆଯାଇଛି। ମନୋଭାବାପନ୍ନ ଲୋକଙ୍କୁ ଏଆଇଡିଏସ୍ଓ ଆହ୍ୱାନ ଦିଆଯାଇଛି।