29-Jun-2026

ବରପାଲି :(ସୁଦାମ ଦୀପ)
ବରଗଡ଼ ଜିଲ୍ଲା ଅତାବିରା ନିର୍ବାଚନମଣ୍ଡଳୀ ଅନ୍ତର୍ଗତ ଅତାବିରା ସହରସ୍ଥିତ ସରସ୍ୱତୀ କଲ୍ୟାଣମଣ୍ଡପ ଠାରେ ଆଜି କାର୍ଯ୍ୟକର୍ତ୍ତାମାନଙ୍କ ସହ ଯଶସ୍ୱୀ ପ୍ରଧାନମନ୍ତ୍ରୀଙ୍କ ମାସିକ ରେଡିଓ କାର୍ଯ୍ୟକ୍ରମ ‘ମନ୍ କି ବାତ୍’ର ୧୩୫ତମ ସଂସ୍କରଣ ଶୁଣିଲେ ବରଗଡ଼ ଲୋକସଭା ସାଂସଦ ପ୍ରଦୀପ ପୁରୋହିତ। ଏହି ଅବସରରେ ସାଂସଦ ଶ୍ରୀ ପୁରୋହିତ କହିଥିଲେ ଯେ, ‘ମନ୍ କି ବାତ୍’ କାର୍ଯ୍ୟକ୍ରମ ମାଧ୍ୟମରେ ପ୍ରଧାନମନ୍ତ୍ରୀ ଦେଶର କୋଣ ଅନୁକୋଣରେ ଥିବା ସାଧାରଣ ଲୋକଙ୍କ ପ୍ରେରଣାଦାୟୀ କାହାଣୀ, ସମାଜ ଗଠନରେ ଯୋଗଦାନ ଏବଂ ଦେଶର ବିକାଶ ସମ୍ପର୍କିତ ବିଭିନ୍ନ ବାର୍ତ୍ତା ଲୋକଙ୍କ ପାଖରେ ପହଞ୍ଚାଇଥାନ୍ତି। ଏହା ଜନସାଧାରଣଙ୍କ ମଧ୍ୟରେ ନୂଆ ଉତ୍ସାହ ଓ ସକାରାତ୍ମକ ଚିନ୍ତାଧାରା ସୃଷ୍ଟି କରୁଛି।
କାର୍ଯ୍ୟକ୍ରମରେ ପ୍ରଧାନମନ୍ତ୍ରୀଙ୍କ ଦେଶପ୍ରେମ, ଜନସେବା, ସାମାଜିକ ଦାୟିତ୍ୱ ଏବଂ ଆତ୍ମନିର୍ଭର ଭାରତ ଗଠନ ସମ୍ବନ୍ଧୀୟ ବାର୍ତ୍ତାକୁ ସମସ୍ତେ ମନୋଯୋଗ ସହକାରେ ଶୁଣିଥିଲେ। ଏହି ଅବସରରେ ବରଗଡ଼ ସବ୍‌ଡିଭିଜନ ସାଂସଦ ପ୍ରତିନିଧି ଲିପସିତ ମିଶ୍ର, ପଦ୍ମପୁର ସବ୍‌ଡିଭିଜନ ସାଂସଦ ପ୍ରତିନିଧି ପ୍ରୀତମ ମେହେର, କୁଶ କୁମ୍ଭାରଙ୍କ ସମେତ ବହୁ ବରିଷ୍ଠ କାର୍ଯ୍ୟକର୍ତ୍ତା ଓ ସ୍ଥାନୀୟ ଜନସାଧାରଣ ଉପସ୍ଥିତ ରହିଥିଲେ। ଉପସ୍ଥିତ କାର୍ଯ୍ୟକର୍ତ୍ତାମାନେ କହିଥିଲେ ଯେ, ‘ମନ୍ କି ବାତ୍’ କେବଳ ଏକ ରେଡିଓ କାର୍ଯ୍ୟକ୍ରମ ନୁହେଁ, ବରଂ ଦେଶର ବିଭିନ୍ନ ପ୍ରେରଣାଦାୟୀ ଘଟଣାକୁ ସମସ୍ତଙ୍କ ସାମ୍ନାକୁ ଆଣିବାର ଏକ ମାଧ୍ୟମ। ଏହା ମାଧ୍ୟମରେ ଲୋକଙ୍କ ମଧ୍ୟରେ ଦେଶ ଗଠନରେ ଭାଗିଦାର ହେବାର ଭାବନା ଅଧିକ ମଜବୁତ