27-Jun-2026

ଡୁଙ୍ଗୁରିପାଲି(ଅରବିନ୍ଦ ମିଶ୍ର)-ସରକାରୀ କର୍ମଚାରୀମାନେ ନିଜ ବିଭାଗର ସଦରମହୁମା କିମ୍ବା ୭ କିମି ପରିଧ୍ ମଧ୍ଯରେ ରହିବାର ନିୟମ ରହିଛି । ଯାହାଦ୍ୱାରା ନିଜର କର୍ମକ୍ଷେତ୍ର ସହିତ ଜଡିତ ରହି ଲୋକଙ୍କ ପାଇଁ କାଯ୍ୟ କରିବାର ସମୟ ପ୍ରଦାନ କରା ଯାଇପାରେ । ଏଣୁ ସରକାରଙ୍କ ଏହି ନିୟମ କଡାକଡି ରହିଥିଲେ ମଧ୍ୟ ଏହାକୁ କର୍ମଚାରୀମାନେ ପାଳନ କରୁ ନଥିବା ଦେଖାଯାଏ । ଏହି ବ୍ଲକର ବିଭିନ୍ନ କାର୍ଯ୍ୟାଳୟର ଅଧିକାରୀ ଓ କର୍ମଚାରୀମାନେ ବ୍ଲକ ସଦରମହକୁମା ଠାରୁ ପ୍ରାୟ ୪୦ରୁ ୭୦ କିମି ଦୂରରେ ରହି ପ୍ରତ୍ୟେହ ଯିବା ଆସିବା କରିଥାନ୍ତି ଫଳରେ କ୍ଷେତ୍ର ପରିଦର୍ଶନ କିମ୍ବା ଫିଲ୍ଡ଼ ରେ କାମ କରୁଥିବା କର୍ମଚାରୀ ମାନେ ଲୋକଙ୍କୁ ଅଧିକ ସମୟ ଦେଇ ପାରୁ ନାହାନ୍ତି । ବିଶେଷ କରି ଯନ୍ତ୍ରୀ ଏବଂ ମହିଳା ଶିଶୁ ବିକାଶ ବିଭାଗର କ୍ଷେତ୍ର ପରିଦର୍ଶୀକାମାନଙ୍କ ପାଇଁ ସଦର ମହକୁମାରେ ରହିବା ଜରୁରୀ । କିନ୍ତୁ ଦେଖିବାକୁ ଉଭୟ ବିଭାଗର କର୍ମଚାରୀ ମାନେ ବାହାରେ ରହି ଯିବା ଆସିବା କରିଥାନ୍ତି । ଯନ୍ତ୍ରୀମାନେ ସୋନପୁର ଏବଂ ମହିଳା ବିକାଶର ସିଡିପିଓଙ୍କ ଠାରୁ ଆରମ୍ଭ କରି ସୁପରଭାଇଜରମାନେ ପ୍ରତ୍ୟେହ ବଲାଙ୍ଗିରରୁ ଯିବା ଆସିବା କରିଥାନ୍ତି । ଫଳରେ ଯିବା ଆସିବାରେ ତାଙ୍କର ସମୟ ଯାଉଛି । ସକାଳୁଆ ଅଫିସ ବେଳେ ୧୦ଟାରେ ପହଞ୍ଚିବା ଏବଂ ୧୦ଟା ଅଫିସ ସମୟରେ ୧୨ଟାର ଅଫିସ ପହଞ୍ଚିବା ଦ୍ବାରା ଯନ୍ତ୍ରୀ ଫିଲଡ୍ସ ରେ ମୟ ଦେଇ ପାରୁ ନାହାନ୍ତି । ଯାହାଦ୍ଵାରା କାମର ଗୁଣାବତ୍ତା ଜାଣିବା ସମୟରେ ଏମାନେ ଅନୁପସ୍ଥିତ । ସେହିପରି ମହିଳା ସୁପରଭାଇଜର ମାନେ ମଧ୍ୟ ତଦୃପ । ଏହାକୁ ନେଇ ଗତ ୨୪/୪/୨୦୨୬ ପଞ୍ଚାୟତ ସମିତି ବୈଠକରେ କେତେକ ଲୋକପ୍ରତିନିଧମାନେ ଅଭିଯୋଗ ଆଣିଥିଲେ ।

ବୈଦୁପାଲି ସମିତି ସଭ୍ୟା, ଦିଗସିରା ସରପଞ୍ଚ ପ୍ରମୁଖ ସଭାରେ ଜୋରଦାର ଉପସ୍ଥାପନ କରିଥିଲେ ସୋନପୁର ବିଧାୟକ ନିରଞ୍ଜନ ପୁଜାରୀ ଦାଗିଦ କରି କହିଥିଲେ ଯେ, ଯେଉଁ କର୍ମଚାରୀମାନେ ସଦର ମହକୁମା ବାହାରୁ ଯିବା ଆସିବା ସେମାନଙ୍କ ନାଁରେ ବିଭାଗୀୟ ଡ୍ରାଫ୍‌ଡ ଚାର୍ଜ କରାଯିବାକୁ ବିଡିଓଙ୍କୁ ନିର୍ଦ୍ଦେଶ ଦେଇଥିଲେ । ଏଥିରେ ଅମାନ୍ୟ କଲେ ସେ ବିଭାଗୀୟ ସଚିବଙ୍କୁ ଜଣାଇବେ ବୋଲି କହିଥିଲେ। କିନ୍ତୁ ଆଜି ପଯ୍ୟନ୍ତ ସେହି ପର୍ବଧାରା ବଜାୟ ରହିଛି। ଯନ୍ତ୍ରୀମାନେ ନା ମହିଳା କର୍ମଚାରୀମାନେ ଏହାକୁ ମାନିଛନ୍ତି। ବିଧାୟକଙ୍କ ନିର୍ଦ୍ଦେଶକୁ କର୍ମଚାରୀମାନେ ଫୁ' ରେ ଉଡାଇ ଦେଇଛନ୍ତି ।