29-Jun-2026

ବଲାଙ୍ଗିର(ପ୍ରେରଣା ଖବର): ସବୁବେଳେ ଚର୍ଚ୍ଚାରେ ବଲାଙ୍ଗିର ଜିଲ୍ଲା ଶିକ୍ଷା ବିଭାଗ। ଏବେ ଜିଲ୍ଲା ଶିକ୍ଷା ବିଭାଗର ଅବହେଳା ଯୋଗୁଁ ଜଣେ ପ୍ରଧାନ ଶିକ୍ଷୟତ୍ରୀ ଅବସରକାଳୀନ ପେନସନ ପାଇବାରୁ ବଞ୍ଚିତ ହେବାର ପରିଲକ୍ଷିତ ହେଉଛି। ସୂଚନା ଅନୁଯାୟୀ ବଲାଙ୍ଗିର ଲକ୍ଷ୍ମୀ ନାରାୟଣ ପଡ଼ା ସ୍କୁଲରେ ଚାଲିଛି ଉର୍ଦ୍ଦୁ ସ୍କୁଲ। ଜିଲ୍ଲାରେ ଥିବା ଏକମାତ୍ର ଏହି ମାଇନରିଟି ସ୍କୁଲ ୧୯୭୨ ସାଲରୁ ବଲାଙ୍ଗିର ସହରରେ ଚାଲିଛି।ବର୍ତ୍ତମାନ ପର୍ଯ୍ୟନ୍ତ ଏହି ମାଇନରିଟି ସ୍କୁଲର ନିଜସ୍ୱ ଗୃହ ନାହିଁ।ବାରବୁଲା ଭଳି ଏଠାରେ ସେଠାରେ ଚାଲିଛି ଏହି ସ୍କୁଲ।ଏହି ସ୍କୁଲ ରେ ଦୁଇ ଜଣ ଶିକ୍ଷୟତ୍ରୀ ଶିକ୍ଷକତା କରି ଆସୁଛନ୍ତି।ଜଣେ ଶିକ୍ଷୟତ୍ରୀ ଟିକ୍ରାପଡ଼ା ସ୍କୁଲ ରୁ ଡ଼େପୁଟେସନ ରେ ଆସିଥିବା ବେଳେ ଅନ୍ୟ ଜଣକ ପ୍ରୋଜେକ୍ଟ ଏମ୍ ଇ ସ୍କୁଲ ରୁ ୨୦୨୧ ରୁ ଆସି ଏହି ଉର୍ଦ୍ଦୁ ସ୍କୁଲ ରେ ପ୍ରଧାନ ଶିକ୍ଷୟତ୍ରୀ ଭାବେ କାର୍ଯ୍ୟରତ ଅଛନ୍ତି।ଏବେ ଦୁଇ ଜଣ ନିଜ କାର୍ଯ୍ୟରୁ ଅବସର ନେବେ।ଚଳିତ ୩୦ ତାରିଖ ଦିନ ସ୍କୁଲ ରେ ତାଙ୍କ ଶେଷ ଦିବସ। ଚିନ୍ତାର ବିଷୟ ବର୍ତ୍ତମାନ ପର୍ଯ୍ୟନ୍ତ କେହି ଜୁନିଅର୍ ଶିକ୍ଷକ ଏହି ସ୍କୁଲ ରେ ଯୋଗଦାନ କରି ନ ଥିବାରୁ ପ୍ରଧାନ ଶିକ୍ଷୟତ୍ରୀ ଜଣକ ତାଙ୍କର ନୋ ଡିଉଜ୍ ସାର୍ଟିଫିକେଟ ପ୍ରଦାନ କରି ନାହାନ୍ତି।ଯଦ୍ୱାରା ସେ ଅବସର ଦିନ ପାଇବାକୁ ଥିବା ଅବସରକାଳୀନ ପେନସନ ବ୍ୟବସ୍ଥା ରୁ ବଞ୍ଚିତ ହେବେ।ଅବସର ଦିନ ଅବସରକାଳୀନ ପେନସନ ପାଇବା ପାଇଁ ସରକାର ଘୋଷଣା କରିଥିବା ବେଳେ ବଲାଙ୍ଗିର ଜିଲ୍ଲା ରେ ସରକାରଙ୍କ ଆଦେଶକୁ ଅବମାନନା କରାଯାଉଥିବା ଜଣାପଡ଼ିଛି।ଶିକ୍ଷୟତ୍ରୀ ଜଣକ ତିନି ମାସ ପୂର୍ବରୁ ବଲାଙ୍ଗିର ସଦର ବି ଇ ଓ ଙ୍କୁ ତାଙ୍କ ଅବସର ସମୟ ବିଷୟରେ ଦୁଇ ଥର ଲିଖିତ ଭାବେ ଜଣାଇଥିଲେ ମଧ୍ୟ ସେ କୌଣସି ପଦକ୍ଷେପ ନେଇ ନ ଥିଲେ।ପରେ ନୂତନ ଭାବେ ଯୋଗଦାନ କରିଥିବା ଜିଲ୍ଲା ଶିକ୍ଷା ଅଧିକାରୀଙ୍କୁ ଏ ବିଷୟରେ ଅବଗତ କରାଇଥିଲେ ମଧ୍ୟ ସେ କର୍ଣ୍ଣପାତ କରିନଥିଲେ।ଜଣେ ଶିକ୍ଷକ ଅବସର ନେବାର ଚାରି ମାସ ପୂର୍ବରୁ ତାଙ୍କ ଅବସର କାଳୀନ କାଗଜପତ୍ର କରିବା ପାଇଁ ତାଙ୍କୁ ସୁଯୋଗ ଦେବା ପାଇଁ ସରକାରୀ ବ୍ୟବସ୍ଥା ଥିବା ସତ୍ତ୍ୱେ ଶିକ୍ଷୟିତ୍ରୀ ଜଣକ ସେହି ସୁବିଧା ରୁ ବଞ୍ଚିତ ହେଲେ।ଏଣୁ ସେ ତାଙ୍କ ଅବସରକାଳୀନ ସୁବିଧା ପାଇବାରୁ ଏବେ ବଞ୍ଚିତ ହେବାକୁ ଯାଉଛନ୍ତି ଯାହାକି ତାଙ୍କର ଚିନ୍ତାର କାରଣ ପାଲଟିଛି।ତେବେ ଇତି ମଧ୍ୟରେ ବଲାଙ୍ଗିର ସଦର ବ୍ଲକ୍ ରେ ୫୦ରୁ ଉର୍ଦ୍ଧ୍ବ ଶିକ୍ଷକ ଡ଼େପୁଟେସନ ଏବଂ ଟ୍ରାନସ୍ଫର ହୋଇ ଆସିଥିଲେ ମଧ୍ୟ ଏହି ମାଇନରିଟି ସ୍କୁଲ କୁ ଭୁଲିଗଲେ।ଜଣେ ଜୁନିଅର୍ ଶିକ୍ଷକଙ୍କୁ ସ୍କୁଲକୁ ଦେଇଥିଲେ ପ୍ରଧାନ ଶିକ୍ଷୟତ୍ରୀ ତାଙ୍କୁ ଚାର୍ଜ ଦେଇ ନିଜ ଅବସରକାଳୀନ କାର୍ଯ୍ୟ କରିପାରିଥାନ୍ତେ ବୋଲି ବଲାଙ୍ଗିର ବି ଇ ଓ ଭାବେ ଅତିରିକ୍ତ ଦାୟିତ୍ୱ ରେ ଥିବା ସଇଁତଳା ବ୍ଲକ ବି ଇ ଓ ଦିଲୀପ ଯୋଶୀଙ୍କୁ ଫୋନ୍ ମାଧ୍ୟମରେ ପଚାରିବାରୁ ସେ ପ୍ରତ୍ୟୁତ୍ତରରେ ଏଭଳି କୌଣସି ନିୟମ ନାହିଁ ବୋଲି କହି ଫୋନ୍ କାଟି ଦେଇଥିଲେ।ତେବେ ଏଠି ପ୍ରଶ୍ନ ଉଠେ ସରକାର ଜାରି କରିଥିବା ସର୍ଭିସ କୋଡ ବିଷୟରେ ଜାଣି ନାହାନ୍ତି କି ବଲାଙ୍ଗିର ସଦର ବିଇଓ ବୋଲି ଚର୍ଚ୍ଚା ହେଉଛି।ଏହା ପାଇଁ ଦାୟୀ କିଏ?ତେବେ କେଉଁ ନିୟମ ବଳରେ ଶିକ୍ଷୟତ୍ରୀ ଜଣକ ନିଜ ଅବସରକାଳୀନ ପେନସନ ବ୍ୟବସ୍ଥାରୁ ବଞ୍ଚିତ ଅଛନ୍ତି ଜିଲ୍ଲା ଶିକ୍ଷା ଅଧିକାରୀ ଏବଂ ଜିଲ୍ଲାପାଳ ଜବାବ୍ ଦେବେ କି ବୋଲି ପ୍ରଶ୍ନ ଉଠିଛି।