29-Jun-2026

ନୂଆପଡ଼ା (ରାମନାଥ ପଣ୍ଡା )
ଦୃଢ଼ ଇଚ୍ଛାଶକ୍ତି, ସ୍ୱଚ୍ଛ ପ୍ରଶାସନ, ଜନସେବା ପ୍ରତି ନିଷ୍ଠା ଓ ସମର୍ପଣ ଏବଂ ବିକାଶ ପ୍ରତି ଦୂରଦର୍ଶୀ ଚିନ୍ତାଧାରା ଥିଲେ ମାତ୍ର ଚାରି ବର୍ଷ ମଧ୍ୟରେ ଏକ ସହରର ଭାଗ୍ୟ ପରିବର୍ତ୍ତନ କରାଯାଇପାରେ । ଖରିଆର ରୋଡ଼ ଏନଏସିର ଅଧ୍ୟକ୍ଷା ଡ଼ଃ ସୋନିଆ ଗୋଲ୍ଡି ଅଗ୍ରୱାଲ ନିଜର ଚାରି ବର୍ଷର କାର୍ଯ୍ୟକାଳରେ ବିକାଶର ଏମିତି ଏକ ସ୍ୱର୍ଣ୍ଣିମ ଅଧ୍ୟାୟ ରଚନା କରିଛନ୍ତି ଯାହା ଆଜି କେବଳ ଖରିଆର ରୋଡ଼ ନୁହେଁ ବରଂ ସମଗ୍ର ଓଡ଼ିଶାରେ ଚର୍ଚ୍ଚାର ବିଷୟ ପାଲଟିଛି ।
ନଗରର ସମସ୍ତ ୧୯ଟି ୱାର୍ଡରେ ନିୟମିତ ଜନଶୁଣାଣି, ଘରେ ଘରେ ଜନସମ୍ପର୍କ ଅଭିଯାନ ଓ ହ୍ୱାଟସ୍‌ଆପ୍ ମାଧ୍ୟମରେ ହଜାର ହଜାର ଲୋକଙ୍କ ସମସ୍ୟାର ତୁରନ୍ତ ସମାଧାନ କରି ସେ ଲୋକପ୍ରତିନିଧି ଓ ଜନସାଧାରଣଙ୍କ ମଧ୍ୟରେ ବିଶ୍ୱାସର ନୂଆ ସେତୁ ଗଢ଼ିଛନ୍ତି ।
ପ୍ରଧାନମନ୍ତ୍ରୀ ଆବାସ ଯୋଜନା, ବିଭିନ୍ନ ପେନସନ, ରାସନ କାର୍ଡ ସମେତ ଅନେକ କଲ୍ୟାଣକାରୀ ଯୋଜନାର ଲାଭ ପ୍ରକୃତ ହିତାଧିକାରୀଙ୍କ ଘରଦୁଆରକୁ ପହଞ୍ଚାଇବାରେ ସେ ସଫଳ ହୋଇଛନ୍ତି । ବର୍ଷ ବର୍ଷ ଧରି ପାନୀୟ ଜଳ ସଙ୍କଟରେ ଥିବା ୱାର୍ଡଗୁଡ଼ିକରେ ନୂତନ ପାଣି ଟାଙ୍କି ନିର୍ମାଣ କାର୍ଯ୍ୟ ଚାଲିଥିବାବେଳେ ଲୋକଙ୍କ ଆଶା ଆହୁରି ବଢ଼ିଛି ।
ସେହିପରି ମୁଖ୍ୟମନ୍ତ୍ରୀ ଓ ଶିକ୍ଷାମନ୍ତ୍ରୀଙ୍କ ନିକଟରେ +୨ କଲେଜ ସ୍ଥାପନ, ଜୋଙ୍କ ନଦୀରେ ଚେକ୍ ଡ୍ୟାମ୍ ଓ ବାଇପାସ୍ ରାସ୍ତା ନିର୍ମାଣ ପାଇଁ ଦୃଢ଼ ଦାବି ଉଠାଇ ସହରର ଭବିଷ୍ୟତ ବିକାଶର ମଜବୁତ ମୂଳଦୁଆ ରଖିଛନ୍ତି ।
ରେଳ ଷ୍ଟେସନର ରୂପାନ୍ତର ବିକାଶର ନୂଆ ପରିଚୟ ।
୨୦୨୨ ମସିହାରେ ଡିଆରୟୁସିସି ସଦସ୍ୟ ଥିବା ସମୟରେ ବିଜେପି ନେତା ଗୋଲ୍ଡି ଅଗ୍ରୱାଲ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ, ତତ୍କାଳୀନ ସାଂସଦ ବସନ୍ତ ପଣ୍ଡା ଏବଂ ରେଳ ଅଧିକାରୀଙ୍କ ସମ୍ମୁଖରେ ରଖିଥିବା ପ୍ରସ୍ତାବ ଆଜି ବାସ୍ତବ ରୂପ ନେଇଛି । ଅମୃତ ଭାରତ ରେଳ ଷ୍ଟେସନ ଯୋଜନା ଅଧୀନରେ ଖରିଆର ରୋଡ଼ ରେଳ ଷ୍ଟେସନର କାୟାକଳ୍ପ ହୋଇଛି । ଫୁଟ୍ ଓଭରବ୍ରିଜ୍, ଲିଫ୍ଟ, କୋଚ୍ ଡିସ୍ପ୍ଲେ, ସୌନ୍ଦର୍ଯ୍ୟକରଣ ଓ ଜିଆରପି ଥାନା ଭଳି ଆଧୁନିକ ସୁବିଧା ସହରକୁ ନୂଆ ପରିଚୟ ଦେଇଛି ।
କୋଟି କୋଟି ଟଙ୍କାର ବିକାଶ ପ୍ରକଳ୍ପରେ ଚମକୁଛି ଖରିଆର ରୋଡ଼ ।
ଡ଼ଃ ସୋନିଆ ଗୋଲ୍ଡି ଅଗ୍ରୱାଲଙ୍କ ନେତୃତ୍ୱରେ ସହରରେ ଏକାଧିକ ଐତିହାସିକ ପ୍ରକଳ୍ପ କାର୍ଯ୍ୟକାରୀ ହୋଇଛି -

-

୨୭ କୋଟି ଟଙ୍କାର ଅତ୍ୟାଧୁନିକ ଅଟଲ ବସ୍ ଟର୍ମିନାଲ ।
- ଟର୍ଫ କ୍ରିକେଟ୍ ଗ୍ରାଉଣ୍ଡ ଓ ସ୍ୱିମିଂ ପୁଲ୍।
- ସ୍ମାର୍ଟ ପାର୍କ ଓ ସହର ସୌନ୍ଦର୍ଯ୍ୟକରଣ ।
- ବନକା, ମୁଣ୍ଡାଗାଁ ଓ ମୋଙ୍ଗରାପାଲି ପୋଖରୀର ପୁନରୁଦ୍ଧାର ଓ ବୋଟିଂ ବ୍ୟବସ୍ଥା ।
- କଲ୍ୟାଣ ମଣ୍ଡପ, ଇନଡୋର ଷ୍ଟାଡିୟମ, ଏମସିସି-ଏମଆରଏଫ କେନ୍ଦ୍ର।
- ଦୁଇଟି ଆହାର କେନ୍ଦ୍ର ।
- ଜୋଙ୍କ ନଦୀ ଉପରେ ଓଭରବ୍ରିଜ୍ ।
- ୫ କୋଟି ଟଙ୍କାର ଗୋଶାଳା ।
- ନୂତନ ଏନଏସି ଭବନ ।
- ଭୂମିହୀନଙ୍କୁ ପଟ୍ଟା ବଣ୍ଟନ ।
- ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃହ ନିର୍ମାଣ ।
- ୩୨ କୋଟି ଟଙ୍କାର ଏନଏଚ୍ ରୋଡ଼ ପ୍ରଶସ୍ତୀକରଣ ଓ ମାଷ୍ଟର ଡ୍ରେନ୍ ।
- ମଡେଲ ମଙ୍ଗଳ ବଜାର, ଚୌପାଟି, ଆଧୁନିକ ଆମ୍ବୁଲାନ୍ସ, ପବ୍ଲିକ ଲାଇବ୍ରେରୀ, ହାଇମାଷ୍ଟ ଲାଇଟ୍ ଓ ନୂଆ ସ୍ମାର୍ଟ ପାର୍କ ପାଇଁ ପ୍ରକଳ୍ପ ।

ମ୍ୟୁନିସିପାଲିଟି ହେବା ଦିଗରେ ଦ୍ରୁତ ଅଗ୍ରସର ଖରିଆର ରୋଡ଼ ।
ଡ଼ଃ ସୋନିଆଙ୍କ କାର୍ଯ୍ୟକାଳର ସବୁଠାରୁ ବଡ଼ ସଫଳତା ହେଉଛି ଖରିଆର ରୋଡ଼ ବର୍ତ୍ତମାନ ଏନ ଏ ସିରୁ ମ୍ୟୁନିସିପାଲିଟି ହେବାର ଦ୍ୱାରଦେଶରେ ପହଞ୍ଚିଛି । ଜନସଂଖ୍ୟା ବୃଦ୍ଧି ଓ ଦ୍ରୁତ ବିକାଶକୁ ଦୃଷ୍ଟିରେ ରଖି ରାଜ୍ୟ ସରକାର ମଧ୍ୟ ଏହି ଘୋଷଣା କରିସାରିଛନ୍ତି ।

ଶିକ୍ଷିତ, ସ୍ୱଚ୍ଛ ଓ ଜନମୁଖୀ ନେତୃତ୍ୱର ଉଦାହରଣ -
ପବ୍ଲିକ ଆଡମିନିଷ୍ଟ୍ରେସନରେ ପିଏଚଡି ହାସଲ କରିଥିବା ଡ଼ଃ ସୋନିଆ ବର୍ତ୍ତମାନ ଏଲଏଲବି ଅଧ୍ୟୟନ କରୁଛନ୍ତି । ସହରର ମନ୍ଦିର ସୌନ୍ଦର୍ଯ୍ୟକରଣ, ରାସ୍ତା, ନାଳ, ସଫେଇ, ଷ୍ଟ୍ରିଟ୍ ଲାଇଟ୍, ବିଦ୍ୟୁତ ବ୍ୟବସ୍ଥା, ସ୍କୁଲ ଓ ଆଙ୍ଗନୱାଡ଼ିର ଉନ୍ନତି ସହ ନୂତନ ଷ୍ଟାଡିୟମ ଏବଂ ସହରର ଦୁଇ ପାର୍ଶ୍ୱରେ ସ୍ୱାଗତ ତୋରଣ ନିର୍ମାଣ ପାଇଁ ମଧ୍ୟ ସେ ପଦକ୍ଷେପ ନେଇଛନ୍ତି ।
ବର୍ତ୍ତମାନ ଖରିଆର ରୋଡ଼ରେ ଦେଖାଯାଉଥିବା ବିକାଶର ନୂଆ ଚିତ୍ର ଡ଼ଃ ସୋନିଆ ଗୋଲ୍ଡି ଅଗ୍ରୱାଲଙ୍କ ଦୂରଦର୍ଶୀ ନେତୃତ୍ୱ, ସମର୍ପିତ ଜନସେବା ଓ ବିକାଶମୂଳକ ଚିନ୍ତାଧାରାର ପ୍ରତିଫଳନ ବୋଲି ସହରବାସୀଙ୍କ ମଧ୍ୟରେ ଚର୍ଚ୍ଚା ହେଉଛି। ତାଙ୍କର ଚାରି ବର୍ଷର କାର୍ଯ୍ୟକାଳ ଖରିଆର ରୋଡ଼ର ବିକାଶ ଇତିହାସରେ ଏକ ସ୍ମରଣୀୟ ଅଧ୍ୟାୟ ଭାବେ ପରିଗଣିତ ହେଉଛି।