16-Oct-2024

ତରଭା(କପିଳାସ ସେଠ )ତରଭା ବ୍ଲକ ପୁଆ ପ୍ରାଥମିକ କୃଷି ସମବାୟ ସମିତି ଲି. ରେ ମୃତ ଚାଷୀଙ୍କ ନାମରେ ଚାଷୀ ଋଣ ହେବା ନେଇ ପୁଆ ଚାଷୀ ମାନେ ସୁବର୍ଣ୍ଣପୁର ଜିଲ୍ଲାପାଳ ଓ ଡି. ଆର.ଏସ.ଏସ ଙ୍କ ଠାରେ ଅଭିଯୋଗ ହୋଇଛି l ଚାଷୀଙ୍କ ଅଭିଯୋଗ ଜାଣିବା ଆଜି ବିଜେପି ରାଜ୍ୟ କୃଷକ ମୋର୍ଚ୍ଚା ସଭାପତି ମହେଶ୍ୱର ସାହୁ ତଦନ୍ତ ପାଇଁ ଚାଷୀଙ୍କ ପାଖରେ ପହଞ୍ଚି ସମସ୍ୟା ବୁଝିଲେ। ତରଭା ବ୍ଲକ ପୁଆ ପ୍ରାଥମିକ ସେବା ସମବାୟ ସମିତିରୁ ସଭାପତିଙ୍କ ଇଙ୍ଗିତରେ ପ୍ୟାକ୍ସ ସଂପାଦକ ଏବଂ କର୍ମଚାରୀମାନେ ଚାଷୀଙ୍କୁ ହଇରାଣ କରିବା ସହିତ ଚାଷୀଙ୍କ ଅଜାଣତରେ ଲୋନ୍ କରି ଚାଷୀଙ୍କ ଆକାଉଣ୍ଟରୁ ଉଠାଇନେଇ ଲକ୍ଷଲକ୍ଷ ଟଙ୍କା ଆତ୍ମସାତ କରିଥିବା ଅଭିଯୋଗ ହୋଇଛି । କେବଳ ସେତିକି ନୁହେଁ ଗତ ୮/୧/୨୩ରେ ଟକରଲ୍ଲା ଗ୍ରାମର ମୃତ ଚାଷୀ ଗରିବ ସାହୁ ଓ ଦିବ୍ୟାଙ୍ଗ ରାଜୁ ପଧାନଙ୍କ ନାଁରେ ବି ଲକ୍ଷାଧିକ ଟଙ୍କା ଲୋନ୍ ହୋଇ ଟଙ୍କା  ହଡପହୋଇଛି। ପୁଆ ପ୍ରାଥମିକ ସେବା ସମବାୟ ସମିତି ଅଧିନରେ ଥିବା ଆହୁରି ଶତାଧିକ ଚାଷୀଙ୍କ ଅଜାଣତରେ ତାଙ୍କ ଆକାଉଣ୍ଟରୁ ରୁଣ କରି ଟଙ୍କା ହେରଫେର ହୋଇଥିବା ଅଭିଯୋଗ ହେଉଛି । ରୁଣ ନକରି ରୁଣୀ ହୋଇଥିବା ଚାଷୀ  ଚିନ୍ତାରେ ରହି ବିଭିନ୍ନ ଅଧିକାରୀ ଓ ରାଜ ନେତାଙ୍କ ଦ୍ୱାରସ୍ଥ ହେଉଛନ୍ତି। ପୁଆ ପେକ୍ସରେ ୫୦୭ଜଣ ଚାଷୀଙ୍କ ନାମରେ ଅନ୍ୟମିତତା କରି ଚାଷୀ ଋଣ କରିଥିବାସହ ବର୍ତ୍ତମାନ ୧୦୦ ଜଣ ଚାଷୀ ଦୁର୍ନୀତି ହୋଇଥିବା ଆମ ପାଖରେ ପ୍ରମାଣ ରହିଛି ବୋଲି ଚାଷୀ ହେମନ୍ତ ମାଝୀ, ପ୍ରଶାନ୍ତ ବେଜ ପ୍ରମୁଖ ରାଜ୍ୟ ସଭାପତିଙ୍କ ଠାରେ ଅଭିଯୋଗ କରିଥିଲେ I ପ୍ୟାକ୍ସର ସଭାପତି ଏବଂ ସଂପାଦକ କରିଥିବା ଅନିୟମିତତାରେ ଚାଷୀ ପେଶି ହୋଇ ଯାଇଛି। ପୁଆ ପେକ୍ସରେ ହୋଇଥିବା ଦୁର୍ନୀତି ନେଇ କେତେ ଦିନ ମଧ୍ୟରେ କାର୍ଯ୍ୟlନୁଷ୍ଠାନ ହେବ, ସେନେଇ ଆମ ପ୍ରତିନଧି ପଚାରିବାରୁ ସମୟ କହିବ କାର୍ଯ୍ୟନୁଷ୍ଠାନର ଦିନ, ଏ ସମ୍ପର୍କରେ ମୁଖ୍ୟମନ୍ତ୍ରୀଙ୍କ ଦୃଷ୍ଟିଆକର୍ଷଣ କରାଯିବ ବୋଲି ମତ ରଖିଥିଲେ I ପୁଆ ପେକ୍ସ ସମୁଖରେ ଚାଷୀଙ୍କ ଆଲୋଚନା ସମୟରେ ମହେଶ୍ୱର ସାହୁ, କୃଷକ ମୋର୍ଚ୍ଚା ଉପସଭାପତି ପୁଲିନ ପୃଷ୍ଟି,, ପ୍ରମୋଦ ମହାପତ୍ର, ଅଶୋକ ପୃଷ୍ଟି, ବାବୁଲୁ ବିଶି, କଲ୍ୟାଣ ନାଏକ, ରାଜକିଶୋର ମେଣ୍ଡଳୀ, ଭବାନୀ ପଣ୍ଡାଙ୍କ ସମେତ ସମେତ ବହୁ ନେତା ଉପସ୍ଥିତ ଥିଲେ I ଭିଜିଲାନ୍ସ ତଦନ୍ତ ସହ ଏକ ଉଚ୍ଚସ୍ତରୀୟ ତଦନ୍ତ ଆବଶ୍ୟକ ଥିବା ଜନମତ ପ୍ରକାଶ ପାଇଛି I