02-Jan-2021

ବଲାଙ୍ଗୀର, (ସନ୍ତୋଷ କୁମାର ଠାକୁର)-ଆଜି ବଲାଙ୍ଗୀର ପୋଷ୍ଟାଲ ଡିଭିଜନର ୬୨ତମ ପ୍ରତିଷ୍ଠା ଦିବସ ସ୍ଥାନୀୟ ଅମଲା ଭବନ ଠାରେ ଅନୁଷ୍ଠିତ ହୋଇଯାଇଛି । ସଭା ପ୍ରାରମ୍ଭରେ ଅତିଥି ମାନଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ କରାଯାଇ ସମାରୋହର ଉଦ୍‌ଘାଟନ କରାଯାଇଥିଲା ।  ସଭାରେ ବଲାଙ୍ଗୀର ପୋଷ୍ଟ ଅଫିସର ଏଏସ୍‌ପିଓ ଭରତ ଜେଲି ସ୍ୱାଗତ ଅଭିଭାଷଣ ପ୍ରଦାନ କରିଥିଲେ । ଏଥିରେ ବଲାଙ୍ଗୀର ଅତିରିକ୍ତ ଜିଲ୍ଲାପାଳ ଅନନ୍ତ ନାରାୟଣ ସିଂହ ଲାଗୁରୀ ମୁଖ୍ୟ ଅତିଥି ଭାବରେ ଯୋଗ ଦେଇ ଭାରତର ସବୁଠାରୁ ପୁରୁଣା ସଂସ୍ଥା ପୋଷ୍ଟ ଅଫିସର ଭବିଷ୍ୟତ ଉଜ୍ୱଳମୟ ବୋଲି କହିଥିଲେ । ଛାତ୍ର ଜୀବନରେ ହଷ୍ଟେଲରେ ରହୁଥିବା ସମୟରେ ମନିଅର୍ଡର ଟିଏ ପାଇଲା ପରେ ମନିଅର୍ଡର ତଳଏେ ଲେଖାଥିବା ବାପାମାଁ ଙ୍କ କିଛି ବାର୍ତ୍ତାକୁ କିପରି ଅମେ ବ୍ୟଗ୍ରତା ସହ ପଢ଼ୁଥିୁଲୁ ସେହି ପୁରୁଣା ସ୍ମୃତିକୁ ଶ୍ରୀ ଲାଗୁରୀ ମନେ ପକାଇଥିଲେ ।  ତେବେ ପୋଷ୍ଟଲ ଡିଭିଜନର ମାର୍କେଟିଂ ପାଇଁ  ଉପଯୁକ୍ତ ପ୍ରଚାର ପ୍ରସାରର ଆବଶ୍ୟକତା ଉପରେ ଶ୍ରୀ ଲାଗୁରି ଗୁରୁତ୍ୱ ଦେବାକୁ ପରାମର୍ଶ ଦେଇଥିଲେ । ମୁଖ୍ୟ ବକ୍ତା ଭାବରେ ପ୍ରଫେସର ରବିଶଙ୍କର ପାଣ୍ଡିଆ ଯୋଗ ଦେଇ ପୋଷ୍ଟାଲ ଡିଭିଜନର ଭିତ୍ତିଭୂମି ସବୁବେଳେ ସୁଦୃଢ଼ ରହିଛ ଏବଂ ଏହା ଉପରେ ସବୁବେଳେ ଲୋକଙ୍କ ଆସ୍ଥା ରହିଛି ବୋଲି ଦୃଢ଼ୋକ୍ତି ପ୍ରକାଶ କରିଥିଲେ । ସମ୍ମାନିତ ଅତିଥି ଭାବରେ ସମ୍ବଲପୁର ପୋଷ୍ଟାଲ ଡିଭିଜନର ସହ ନିର୍ଦ୍ଦେଶକ କମଳେନ୍ଦୁ ପଣ୍ଡା ଓ ବଲାଙ୍ଗୀର ମୁଖ୍ୟ ଡାକଘରର ଅଧୀକ୍ଷକ ସର୍ବେଶ୍ୱର ବଳିଆର ସିଂ ଯୋଗ ଦେଇ ଭାରତର ସର୍ବପୂରାତନ ସଂସ୍ଥା ପୋଷ୍ଟ ଅଫିସ ଲୋକଙ୍କ ସହ ସବୁବେଳେ ରହି ଆସିଛି ଏବଂ ଆଧୁନିକ ଟେକନୋଲୋଜି ସହ ତାଳ ଦେଇ ପୋଷ୍ଟ ଅଫସି କାମ କରୁୁଛି ବୋଲି କହିଥିଲେ । ଖୁବଶୀଘ୍ର ବ୍ୟାଙ୍କ ସହ ପୋଷ୍ଟ ଅଫିସ ସହ ଜୋଡି ହୋଇ ଗ୍ରାହକ ମାନଙ୍କୁ ବ୍ୟାଙ୍କ ଭଳି ସମସ୍ତ ସୁବିଧା ଯୋଗାଇ ଦେବ ବୋଲି କହିଥିଲେ ।  ଏହି ଅବସରରେ ବଲାଙ୍ଗୀର ପୋଷ୍ଟାଲ ଡିଭିଜନରେ ଉତ୍ତମ ପାରଫୋରମେନ୍ସ ପ୍ରଦର୍ଶନ କରିଥିବା କିଛି କର୍ମଚାରୀଙ୍କୁ ମୁଖ୍ୟ ଅତିଥି ମୁମେଣ୍ଟୋ ପ୍ରଦାନପୂର୍ବକ ସମ୍ବଦ୍ଧିତ କରିଥିଲେ । ସମ୍ବର୍ଦ୍ଧନା କାର୍ଯ୍ୟକ୍ରମକୁ ରସରାଜ ଅଚ୍ୟୁତ ପୁରୋହିତ ପରିଚାଳନା କରିଥିଲେ । ଏହି ସମାରୋହରେ ବଲାଙ୍ଗୀର ପୋଷ୍ଟାଲ ଡିଭିଜନର ସମସ୍ତ କର୍ମଚାରୀ, ପୋଷ୍ଟାଲ ଏଜେଣ୍ଟ ଓ ସହରର ବହୁ ବୁଦ୍ଧିଜୀବୀ ଯୋଗ ଦେଇଥିଲେ । ଶେଷରେ ବଲାଙ୍ଗୀର ମୁଖ୍ୟ ଡାକଘରର ପୋଷ୍ଟ ମାଷ୍ଟର ସୁବାଷ ଷଡଙ୍ଗୀ ଧନ୍ୟବାଦ ଅର୍ପଣ କରିଥିଲେ ।