25-May-2024

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଲୋକସଭା କ୍ଷେତ୍ରରେ ଚଳିତ ୨୦୨୪ ସାଧାରଣ ନିର୍ବାଚନରେ ଭଲ ପୋଲିଂ ହୋଇଛି । ଏହି ଲୋକସଭାଚ କ୍ଷେତ୍ର ଅଞ୍ଚଳର ୭ଟିଯାକ ନିର୍ବାଚନମଣ୍ଡଳିରେ ହାରାହାରି ୭୭.୫୨% ମତଦାନ ହୋଇଥିବା ସୂଚନା ମିଳିଛି । ସେହିପରି ବଲାଙ୍ଗୀର ଲୋକସଭା ନିର୍ବାଚନମଣ୍ଡଳି ଅନ୍ତର୍ଗତ ସୋନପୁର ନିର୍ବାଚନମଣ୍ଡଳିରେ ସର୍ବାଧିକ୮୩.୨୧% ଓ କଣ୍ଟାବାଞ୍ଜିରେ ସର୍ବନିମ୍ନ ୭୩.୪୨% ମତଦାନ ହାର ରହିଛି। କଣ୍ଟାବାଞ୍ଜି ନିର୍ବାଚନମଣ୍ଡଳିରେ ଖୋଦ ମୁଖ୍ୟମନ୍ତ୍ରୀ ପ୍ରାର୍ଥି ହୋଇଥିଲେ ହେଁ ସେହି ଅଞ୍ଚଳରୁ ହଜାର ହଜାର ସଂଖ୍ୟାରେ ଲୋକ ବାହାର ରାଜ୍ୟକୁ ଦାଦନ ଖଟିଯାଇଥିବାରୁ ମତଦାନ ହାର କମଥିବା କୁହାଯାଉଛି । ଠିକ ସେହିପରି ବଲାଙ୍ଗୀର ବିଧାନସଭା କ୍ଷେତ୍ରରେ ୭୬.୩୩%, ଲୋଇସିଂହା ନିର୍ବାଚନମଣ୍ଡଳିରେ ୭୬.୬୨%, ପାଟଣାଗଡରେ ୭୩.୪୪%, ଟିଟିଲାଗଡରେ ୭୯.୪୩% ଓ ବୀରମହାରାଜପୁର ନିର୍ବାଚନମଣ୍ଡଳିରେ ୮୧.୯୨% ମତଦାନ ହାର ରହିଛି । ବଲାଙ୍ଗୀର ଲୋକସଭା କ୍ଷେତ୍ରରେ ଗତଥର ୧୩,୦୬,୭୪୪ ଭୋଟ (୭୪.୯୧%) ମତଦାନ ହାର ରହିଥିବା ବେଳେ ଚଳିତ ୨୦୨୪ରେ ଏହା ବଢି ୧୩,୯୬,୭୧୯ (୭୭.୫୨%) ରେ ପହଞ୍ଚିଛି । ମୋଟ ଉପରେ ୭,୦୫୦,୭୮ଜଣ ପୁରୁଷ ଓ ୬,୯୧,୫୭୬ଜଣ ,ମହିଳା ଭୋଟର ତାଙ୍କର ମତଦାନ କରିଛନ୍ତି । ବଲାଙ୍ଗୀରରେ ମୋଟ ୨,୪୩,୦୪୮ଜଣ ଭୋଟରଙ୍କ ମଧ୍ୟରୁ ୧,୮୫,୫୨୯ (୯୪,୨୨୧-ପୁରୁଷ,୯୧,୨୯୬-ମହିଳା) ଜଣ ମତଦାନ କରିଛନ୍ତି । ଲୋଇସିଂହାରେ ମୋଟ ୨,୪୫,୪୬୬ଜଣ ଭୋଟରଙ୍କ ମଧ୍ୟରୁ ଭୋଟଦେଇଛନ୍ତି ୧,୮୮,୦୬୯ (ପୁରୁଷ-୯୫,୮୫୮ ଓ ମହିଳା-୯୨,୨୦୧) ଜଣ । ପାଟଣାଗଡରେ ମୋଟ ୩,୦୫,୮୬୧ ଭୋଟରଙ୍କ ମଧ୍ୟରୁ ଭୋଟଦେଇଛନ୍ତି ୨,୨୪,୬୨୫ (ପୁରୁଷ-୧,୧୧,୯୦୧ ଓ ୧,୧୨,୭୧୬)ଜଣ । ଟିଟିଲାଗଡରେ ମୋଟ ଭୋଟର ସଂଖ୍ୟା ୨,୫୭,୫୧୭ ଜଣ ମଧ୍ୟରୁ ଭୋଟଦେଇଛନ୍ତି ୨,୦୪,୫୪୫ (ପୁରୁଷ-୧,୦୧,୭୪୦ ଓ ମହିଳା-୧,୦୨,୭୮୦)ଜଣ । କଣ୍ଟାବାଞ୍ଜିରେ ମୋଟ ଭୋଟରସଂଖ୍ୟା ୨,୭୮,୦୫୫ ମଧ୍ୟରୁ ଭୋଟଦେଇଛନ୍ତି ୨,୦୪,୧୪୨ (ପୁରୁଷ-୧,୦୧,୦୩୨ ଓ ମହିଳା-୧,୦୩,୧୦୦) ଜଣ । ସେହିପରି ସୋନପୁର ଜିଲ୍ଲାର ବୀରମହାରାଜପୁର ନିର୍ବାଚନମଣ୍ଡଳିର ମୋଟ ଭୋଟରସଂଖ୍ୟା ୨,୧୫,୯୪୪ ମଧ୍ୟରୁ ଭୋଟଦେଇଛନ୍ତି ୧,୭୬,୯୦୩ (ପୁରୁଷ-୯୨,୨୦୬ ଓ ମହିଳା-୮୪,୬୯୭)ଜଣ । ସୋନପୁର ନିର୍ବାଚନମଣ୍ଡଳିରେ ମୋଟ ଭୋଟରସଂଖ୍ୟା ୨,୫୫,୮୫୫ ମଧ୍ୟରୁ ଭୋଟଦେଇଛନ୍ତି ୨,୧୨,୯୦୬ (ପୁରୁଷ-୧,୦୮,୧୨୦ ଓ ମହିଳା-୧,୦୪,୭୮୬)ଜଣ । ତେବେ ବଲାଙ୍ଗୀର ଜିଲ୍ଲାର ଟିଟିଲାଗଡରେ ୧ହଜାର ଜଣ, ପାଟଣାଗଡରେ ୯୦୦ଜଣ ଓ କଣ୍ଟାବାଞ୍ଜିରେ ୨ହଜାର ଜଣ ମହିଲା ଭୋଟର ପୁରୁଷଙ୍କ ଅପେକ୍ଷା ଅଧିକ ଭୋଟଦେଇଛନ୍ତି । ଏହି ତିନିଟି ନିର୍ବାଚନ ମଣ୍ଡଳିରେ ପୁରୁଷଙ୍କ ଅପେକ୍ଷା ମହିଳାମାନେ ଅଧିକ ଭୋଟ ଦେଇଛନ୍ତି ଯାହାକି ମତଦାନରେ ମହିଳାଙ୍କ ଯୋଗଦାନକୁ ସୂଚାଉଛି ।