20-Sep-2026

ବଲାଙ୍ଗୀର(ପ୍ରେରଣା ଖବର): ଏଡ଼ଭୋକେଟ ଫ୍ରେଣ୍ଡସ୍ ଗ୍ରୁପ୍ ତରଫରୁ ଆଜି ସ୍ଥାନୀୟ କଦଳୀ ମୁଣ୍ଡା ନର୍ସରୀ ଠାରେ ଏକ ରଙ୍ଗାରଙ୍ଗ ପରିବେଶ , ତଥା ନାଚଗୀତ ମଧ୍ୟରେ ନୂଆଁଖାଇ ଭେଟଘାଟ ପାଳିତ ହୋଇଯାଇଛି। ଜିଲ୍ଲା ଓଲିଲ ସଂଘର ପ୍ରାୟ ୧୫୦ ଜଣ ଓକିଲ ଏଥିରେ ଅଂଶଗ୍ରହଣ କରିଥିଲେ।  ସମସ୍ତ ସଭ୍ୟ ନୂଆଁଖାଇ ଜୁହାର କରି ନିଜ ନିଜ ମତାମତ ରଖିଥିଲେ। ଏହି ଭେଟଘାଟ ମାଧ୍ୟମରେ ଓକିଲ ମାନଙ୍କ ମଧ୍ୟରେ ଭାବର ଆଦାନପ୍ରଦାନ, ସମନ୍ୱୟ ସ୍ଥାପନ ହୋଇପାରିଛି। ଓକିଲ ମାନଙ୍କ ଅଭାବ ଅସୁବିଧା କିମ୍ବା ସ୍ୱାସ୍ଥ୍ୟଗତ ସମସ୍ୟା ସମୟରେ ଓକିଲ ବନ୍ଧୁ  ମନେ ପାରୁ ପର୍ଯ୍ୟନ୍ତ ସହଯୋଗର ହାତ ବଢାଇବା ସହ ବଲାଙ୍ଗୀର ଜିଲ୍ଲା ଓକିଲ ସଂଘ ର ମର୍ଯ୍ୟାଦା କୁ ବଜାୟ ରଖିବା ପାଇଁ ମତପ୍ରକାଶ ପାଇଥିଲା। ଆଗାମୀ ଦିନରେ ଓକିଲ ବନ୍ଧୁ ମାନଙ୍କୁ ନେଇ ଏପରି ଅନେକ କାର୍ଯ୍ୟକ୍ରମ ରହିଥିବା ଆୟୋଜକ କମିଟି ତରଫରୁ ପ୍ରକାଶ। ଓକିଲ ମାନଙ୍କ ଦୁର୍ଦ୍ଦିନ ସମୟରେ ତାଙ୍କ ପରିବାରକୁ ଆର୍ଥିକ ସହଯୋଗ ନିମନ୍ତେ ଟ୍ରଷ୍ଟ ଫଣ୍ଡ ଗଠନ କରାଯାଇଛି। ତେବେ ଏହାର ସଠିକ୍ ବିନିଯୋଗ ହେବାର ଆବଶ୍ୟକତା ଉପରେ ଜୋର ଦିଆଯାଇଥିଲା। ଏକ ପ୍ରାକୃତିକ ପରିବେଶ ମଧ୍ୟରେ ସମଭାବାପନ୍ନ ଓକିଲ ବନ୍ଧୁ ମାନଙ୍କ ଏହି ଭେଟଘାଟ କାର୍ଯ୍ୟକ୍ରମକୁ ସାଧାରଣରେ ପ୍ରଶଂସା କରାଯାଇଛି।