20-Jan-2024

-ସୋନପୁର, (ମନୋରଞ୍ଜନ ତ୍ରିପାଠୀ )
 ମହାସମାରୋହରେ ପାଳନ ହେବ ସୋନପୁର ର ସର୍ବ ଭାରତୀୟ ଲାଲମନି କ୍ରିକେଟ୍ ର ଉଦ୍ଘlଟନି ଉତ୍ସବ ଓ ଲୋଗୋ ଉନ୍ମୋଚନ l କୋଭିଡ ମହାମାରୀ ପରେ ପୁଣି ନୂଆଁ ରୂପ ରଙ୍ଗ ରେ ଅନୁଷ୍ଟିତ ହେବାକୁ ଥିବା ବହୁ ପ୍ରତିକ୍ଷିତ ଲାଲମନି କ୍ରିକେଟ  ଦେଖିବାକୁ କ୍ରିକେଟ୍ ପ୍ରେମୀ ଙ୍କ ମଧ୍ୟରେ ପ୍ରବଳ ଉତ୍କଣ୍ଠା ଦେଖିବାକୁ ମିଳିଛି l ଏଥିପାଇଁ ସୋନପୁର ଗାନ୍ଧୀ ଷ୍ଟାଡିୟମ୍ ରେ ଅସଂଖ୍ୟ ଦର୍ଶକ ଙ୍କ ଭିଡ ଆଶଙ୍କା ଥିବାରୁ ଶାନ୍ତି ଶୃଙ୍ଖଳା ପାଈଁ  ଜିଲ୍ଲା କ୍ରିକେଟ୍ ସଂଘ   ପୋଲିସ୍  ପ୍ରଶାସନ ର ସହଯୋଗ ଲୋଡିଛି l  ପ୍ରଥମ ଥର ପାଇଁ ଟର୍ଫ ପିଚ୍‌ରେ କ୍ରିକେଟ ମ୍ୟାଚ ଅୟୋଜନ ହେଉଥିବାରୁ ଜାତୀୟ ଅନ୍ତର୍ଜାତୀୟ ସ୍ତର ର ଖେଳାଳୀ ଭାଗ ନେବାକୁ ଆଗ୍ରହ କରିଥିବା ଜଣା ଯାଇଛି l  ୨୧ରୁ ୨୮ ତାରଖ ଯାଏଁ ଏହି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ ବୋଲି ଏକ ସାମ୍ବାଦିକ ସମ୍ମିଳନୀରେ ଏସ୍‌ଡିସିଏ ପକ୍ଷରୁ ସୂଚନା ଦିଆଯାଇଛି । ତେବେ ପଶ୍ଚିମବଙ୍ଗ, ନାଗପୁର,  ଦିଲ୍ଲୀ ଭଳି ୯ଗୋଟି ଦଳ ଏହି ଟୁର୍ଣ୍ଣାମେଣ୍ଟ ରେ ସାମିଲ ହେବେ ବୋଲି ଏସ୍‌ଡିସିଏ ସଭାପତି ରାମଶଙ୍କର ସାହୁ କହିଛନ୍ତି । ବିଜୟୀ ଦଳକୁ ୮୦ ହଜାର ଟଙ୍କା ଏବଂ ରନର୍ସ ଅପ୍ ଦଳକୁ ୫୦ ହଜାର ଟଙ୍କାର ପୁରସ୍କାର ରାଶି ଦିଆଯିବ । ଜଣେ ଜାତୀୟ ସ୍ତରର ଖେଳାଳିଙ୍କ ସମେତ, ପ୍ରଶାସକ ଓ ବହୂ  ଖ୍ୟାତନlମା ରାଜନେତା, କଳାକାର , ଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ରହିଚି ବୋଲି ସଂପାଦକ ପ୍ରଦୀପ ସେଠୀ ସୂଚନା ଦେଇଛନ୍ତି । କମିଟି ସଦସ୍ୟ ଓ ଖେଳାଳୀ ଙ୍କ ବିରାଟ ଶୋଭାଯାତ୍ରା ପରେ  ଆଜି ସନ୍ଧ୍ୟା ରେ ହେବ ୩୫ତମ ଲାଲମନି କ୍ରିକେଟର  ଉଦ୍‌ଘାଟନୀ ସମାରୋହ ଏବଂ ଲଗୋ ଉନ୍ମୋଚନ ବୋଲି ସଂଘ କର୍ମ କର୍ତ୍ତା ସୁଚନା ଦେଇଛନ୍ତି l