15-Jun-2026

କଟକ (ତପନ ମହାନ୍ତି)ସରକାରୀ କର୍ମଚାରୀ ଗୋଟିଏ ସ୍ଥାନରେ ୩ ବର୍ଷ ରହିବେ। ସରକାରୀ କାମରେ ଓ ବ୍ୟବସ୍ଥାରେ ସ୍ବଚ୍ଛତା ରଖିବା ପାଇଁ ଏପରି ନିୟମ ରହିଛି। ମାତ୍ର କଟକ ପୌର ନିଗମରେ ଏହାର ବ୍ୟତିକ୍ରମ ଦେଖିବାକୁ ମିଳୁଛି। ନିଗମର ଇଂଜିନିୟରିଂ ବିଭାଗରେ ବହୁ ଇଂଜିନିୟର୍ ୧୦ ବର୍ଷରୁ ଅଧିକ ଦିନ ଧରି କାମ କରୁଥିବା ବେଳେ ସେମାନଙ୍କ ବଦଳି ପାଇଁ ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଯାଉନି! ନିଗମରେ ନିୟମିତ ବ୍ୟବଧାନରେ କମିସନର୍, ତେପୁଟି କମିସନର୍‌ଙ୍କ ବଦଳି ହେଉଛି। ଏମିତିକି  ୨୬ ଜଣ ସିନିୟର୍ ଆସିଷ୍ଟାଣ୍ଟ୍‌, ଜୁନିୟର୍ ଆସିଷ୍ଟାଣ୍ଡ୍ ଓ ଟ୍ୟାକ୍ସ କଲେକ୍ସର୍‌ଙ୍କ ବଦଳି ହୋଇଛି! ହେଲେ ନିଗମର ଇଂଜିନିୟର୍‌ଙ୍କ ବଦଳି ହେଉ ନଥିବାରୁ ଦୁର୍ନୀତିକୁ ଅଧିକ ପ୍ରୋତ୍ସାହନ ଦେଉଥିବା ଅଭିଯୋଗ ହେଉଛି! ନିଗମରେ ଦୀର୍ଘ ବର୍ଷ ଧରି ୫ରୁ ଅଧିକ ଇଂଜିନିୟର୍ କାମ କରୁଥିବା ବେଳେ ସେମାନଙ୍କୁ ବିଭିନ୍ନ ସମୟରେ ପଦୋନ୍ନତି ମିଳୁଛି। ବିଭାଗର ବଡ଼ବଡ଼ ଅଧିକାରୀଙ୍କ ସହଯୋଗରେ ସେମାନଙ୍କ ବଦଳି ପ୍ରକ୍ରିୟାକୁ ବନ୍ଦ କରିଦିଆଯାଉଛି।ପୌର ନିଗମ ଅଧୀନରେ ଏବେ ୧୭ଜଣ ଇଂଜିନିୟର୍ ଅଛନ୍ତି ସେମାନଙ୍କ ମଧ୍ୟରୁ ଅନେକ ଦଶନ୍ଧି ଦଶନ୍ଧି ଧରି ଏଠାରେ ଅଛନ୍ତି ଏପରିକି ଜଣେ ଇଂଜିନିୟର୍ ନିଗମରେ ୩୦ ବର୍ଷ ଧରି କାମ କରୁଥିବା ବେଳେ ୨ଜଣ ୧୦ ବର୍ଷରୁ ଅଧିକ ଦିନ ଧରି ପୌର ନିଗମରେ ଅଛନ୍ତି। ସେମାନେ ଗୋଟିଏ ସ୍ଥାନରେ ଦୀର୍ଘ ବର୍ଷ ଧରି କାମ କରୁଥିବା ବେଳେ ବିଭିନ୍ନ ସମୟରେ ପଦୋନ୍ନତି ମିଳୁଛି। ହେଲେ ସେମାନଙ୍କ ବଦଳି ହେଉନାହିଁ। ନିଗମରେ ଇଂଜିନିୟର୍‌ମାନେ ବହୁ ବର୍ଷ ରହିବା ଯୋଗୁଁ ବିଭିନ୍ନ କାମରେ   ଅଭିଯୋଗ ହୋଇଆସୁଛି ଇଂଜିନିୟର୍‌ଙ୍କ ବଦଳି ପାଇଁ ଦାବି ହୋଇ ଆସୁଥିଲେ ବି ଏହାର ସୁଫଳ ମିଳୁନି ୨୦୨୩ ଫେବ୍ରୁଆରିରେ ନିଗମରେ ଦୀର୍ଘ ବର୍ଷ ଧରି କାମ କରୁଥିବା ଇଂଜିନିୟର୍‌ଙ୍କ ବଦଳି ପାଇଁ କଂଗ୍ରେସ ଓ ବିଜେପିର କର୍ପୋରେଟର୍‌ ପୌର ନିଗମ ଫାଟକ ସମ୍ମୁଖରେ ଦିନ ରାତି ଧାରଣା ଦେଇଥିଲେ। ମାତ୍ର ଏହାର କୌଣସି ପ୍ରଭାବ ଦେଖିବାକୁ ମିଳିନି  ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ପୃଥକ ବିଜ୍ଞପ୍ତିରେ ପୌର ନିଗମରେ କାର୍ଯ୍ୟରତ ୧୦ ଜଣ ସିନିୟର୍ ଆସିଷ୍ଟାଣ୍ଟ, ୮ଜଣ ଜୁନିୟର ଆସିଷ୍ଟାଣ୍ଟ୍‌ ଓ ୮ଜଣ ଟ୍ୟାକ୍ସ କଲେକ୍ସର୍‌ଙ୍କ ବଦଳି କରାଯାଇଛି!ଗୋଟିଏ ଦିନରେ ୨୬ ୫ଣଙ୍କ ବଦଳି ପରେ କାର୍ଯ୍ୟରେ ମୁଚ୍ଛତା ପାଇଁ ନିଗମରେ ଦୀର୍ଘ ବର୍ଷ ଧରି କାମ କରୁଥିବା ଇଂଜିନିୟର୍‌ଙ୍କ ବଦଳି ପାଇଁ ଦାବି ଉଠିଛି। ସୂଚନାଯୋଗ୍ୟ, କଟକ ପୌର ନିଗମରେ ଶ୍ରବଣ କୁମାର ମହାନ୍ତି ୧ ଜୁନ୍ ୨୦୧୫ରୁ ୧୧ ବର୍ଷ ଧରି, ନିଗମରେ ପ୍ରଭାସ ଚନ୍ଦ୍ର ବିଶ୍ଵାଳ ୧୯ ଫେବୁଆରି ୧୯୯୬ରୁ ୩୦ ବର୍ଷ, ମୁଶାନ୍ତ କୁମାର ଭୂୟାଁ ୪ ଜୁଲାଇ ୨୦୧୬ରୁ ୧୦ବର୍ଷ, ମୁବାସ ଚନ୍ଦ୍ର ସାହୁ ୧୭ ଡିସେମ୍ବର ୨୦୧୮ରୁ ୮ବର୍ଷ, ନରମ ଅହମ୍ମଦ ଖାଁ ୨୦ ଅକ୍ଟୋବର ୨୦୨୦ରୁ ୭ ବର୍ଷ ଧରି ଏବଂ ସିଟି ଇଂଜିନିୟର ଅତନୁ କୁମାର ସାମନ୍ତ ୨୦୨୨ ନଭେମ୍ବରରୁ ୪ବର୍ଷ ଧରି ଏଠାରେ କାମ କରୁଛନ୍ତି।