15-Jun-2026

ବରଗଡ(ତୁଳସୀ ଚରଣ ଦାଶ): ପଶ୍ଚିମ ଓଡିଶା ଗୀତିକାର ସଂଘ ପକ୍ଷରୁ ଆଜି ବରଗଡ ହୋଟେଲ ମହାରାଜା ସମ୍ମିଳନୀ କକ୍ଷରେ ପଶ୍ଚିମ ଓଡ଼ିଶା ଗିତୀକାର ଦ୍ୱିତୀୟ ମହାସଭା ଅନୁଷ୍ଠିତ ହୋଇଯାଇଅଛି। ଏହି ସଭାରେ ମଞ୍ଚ ପରିଚାଳନା କରିଥିଲେ ଗୀତିକାର ଜନକ ସେଠ।ଏହି ସଭାରେ ପଶ୍ଚିମ ଓଡିଶାର ସମସ୍ତ ଗୀତିକାର  ଯୋଗ  ଦେଇଥିଲେ। ଏଥିରେ ବୟୋଜ୍ୟେଷ୍ଠ ଗୀତିକାର ଦୁର୍ଗାପଣ୍ଡା, କାଲିଚରଣ ପାଣିଗ୍ରାହୀ, ଗୁଣ ରଂଜନ ସାଲିମା,ଜତିନ୍ଦ୍ର ପ୍ରଧାନ, ଅମୁଲ୍ୟ ଡନସନା, ବ୍ୟାସଦେବ ପୁରୋହିତ, ଶାଶ୍ୱତ ତ୍ରିପାଠୀ, ତୁଲାରାମ୍ କଲେତ୍,ରତନ ପୁଜାରୀ, ଶିବ ଶଙ୍କର ପ୍ରଧାନ, ଅର୍ଜୁନ ମେହେର୍, ଦିଲିପ ସିଂ ଆଦି ମୁଖ୍ୟ ଅତିଥି ରୂପେ ମଞ୍ଚାସୀନ ଥିଲେ। ଏହି ସଭାରେ ଉଦ୍ଦେଶ୍ୟ ଜ୍ଞାପନ କରିଥିଲେ ଗୀତିକାର ଜିତେନ୍ଦ୍ର ସେଠ୍। ପଶ୍ଚିମ ଓଡିଶାର ସମସ୍ତ ଜିଲ୍ଲାର ଗୀତିକାର ମାନେ ଯୋଗଦେଇ ବିଭିନ୍ନ ବିଷୟରେ ଆଲେଚନା କରିଥିଲେ । ଏହି ସଭାରେ ମହାନ ଗୀତିକାର ସ୍ୱର୍ଗତ ପଦ୍ମଶ୍ରୀ ବିନୋଦ ପଶାୟତ ଙ୍କୁ ଜୀଵନବ୍ୟାପି ସାଧନା ସମ୍ମାନ ଦିଆଯାଇଥିଲା।ସ୍ୱର୍ଗତ  ପଶାୟତ ଙ୍କ ସମ୍ମାନ କୁ ତାଙ୍କ ପୁତ୍ର ଏମ୍. ସି.ଏଲ୍ ର ଅବସରପ୍ରାପ୍ତ ଅଧିକାରୀ ବିଶ୍ୱଜିତ ପଶାୟତ ଏବଂ  ଜ୍ୱାଇଁ  ଅବସରପ୍ରାପ୍ତ ପ୍ରଧାନ ଶିକ୍ଷକ ତଥା ବିଶିଷ୍ଟ କଣ୍ଠଶିଳ୍ପୀ ଅଶୋକ ପଶାୟତ ଗ୍ରହଣ କରିଥିଲେ । ବିଭିନ୍ନ ବିଷୟ ଉପରେ ବରିଷ୍ଠ ଗୀତିକାର ମାନେ ଆଲୋକପାତ  କରିଥିଲେ। ଏହି ସଭାରେ ପଶ୍ଚିମ ଓଡିଶା ଗୀତିକାର ସଂଘର ସଦସ୍ୟ ଚୟନ କରାଯାଇଥିଲା। ଏଥିରେ ସଭାପତି ତୁଲାରାମ୍ କଲେତ୍, ଉପ ସଭାପତି ଶାଶ୍ୱତ ତ୍ରିପାଠୀ, ସଂପାଦକ ଜନକ ସେଠ,ସହ ସଂପାଦକ ନିଲାଞ୍ଚଳ ପଧାନ, କୋଷାଧ୍ୟକ୍ଷ  ଜିତେନ୍ଦ୍ର ସେଠ୍,ସହ କୋଷାଧ୍ୟକ୍ଷ ଶୋଭିତ ତାଣ୍ଡି, ଆବାହକ ସମୀର କୁମାର ବେହେରା ଏବଂ ଉପଦେଷ୍ଟା ଭାବେ ସମସ୍ତ ବରିଷ୍ଠ ଗୀତିକାର ମାନଙ୍କୁ ଚୟନ କରାଯାଇଥିଲା। ଏହି ସଭାରେ ଗୀତିକାର ଉଦ୍ଦେଶ୍ୟ ରେ କରାଯାଇଥିବା ଏକ ଗୀତର ଉନ୍ମୋଚନ ମଧ୍ୟ କରାଯାଇଥିଲା।ଶେଷରେ ଗୀତିକାର ନିଲାଞ୍ଚଳ ପ୍ରଧାନ ଧନ୍ୟବାଦ ଅର୍ପଣ କରିଥିଲେ । 
         ---------×××---------