16-Jun-2026

ବରପାଲି(ସୁଦାମ ଦୀପ)
ବରପାଲି ସ୍ଥିତ ଜଗବନ୍ଧୁ ଦାଶ ସ୍ନାତକ ମହିଳା ମହାବିଦ୍ୟାଳୟରେ ସାହିତ୍ୟ ବନ୍ଧୁ ବୃନ୍ଦାବନ ବିହାରୀ ଦାଶ ସ୍ମୃତି କମିଟୀର ଉପ ସଭାପତି ରସାନନ୍ଦ ଥପାଙ୍କ ସଭାପତିତ୍ବରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଯାଇଅଛି। ସଭାରେ ସାହିତ୍ୟିକ,କବି,ଲେଖକ ତଥା ଅନେକ ବୃନ୍ଦାବନ ପ୍ରେମୀ ଶୁଭ ଚିନ୍ତକ ବ୍ୟକ୍ତି ବିଶେଷ  ଉପସ୍ଥିତ ଥିଲେ । ସାହିତ୍ୟ ବନ୍ଧୁ ବୃନ୍ଦାବନ  ବିହାରୀ ଦାଶଙ୍କ ସମ୍ପର୍କିତ ଅନେକ ଆଲୋଚନା ହେବା ସହ ନୂତନ ପରିଚାଳନା କମିଟି ଗଠନ କରାଯାଇଥିଲା।  ସଭାପତି ରସାନନ୍ଦ ଥାପା,ଉପସଭାପତି ଚିତ୍ତରଞ୍ଜନ ସାହୁ,ସମ୍ପାଦକ ଯତୀନ୍ଦ୍ର କୁମାର ସାହୁ,ସହ ସମ୍ପାଦକ ସୂର୍ଯ୍ୟନାରାୟଣ ଦାଶ ,କୋଷାଧ୍ୟକ୍ଷ ଅକ୍ଷୟ କୁମାର ଭୋଇ,ସଂଗଠନ ସଂପାଦକ ଦାୟିତ୍ବରେ ବ୍ରଜ କିଶୋର ମେହେର ଏଂବ  ସୁବୋଧ ସାହୁ,ଆଇନ ପରାମର୍ଶ ଦାତା ଭାବରେ ରାଜ କିଶୋର ଦାଶ, ଉପଦେଷ୍ଟା ଭାବରେ ଅଞ୍ଚଳର ଅନେକ ବିଶିଷ୍ଟ ବ୍ୟକ୍ତି ମାନଙ୍କୁ ଏହି କମିଟୀରେ ସ୍ଥାନ ଦିଆ ଯାଇଛି।ଆହୁରି ଅନେକ ନୂଆ ଯୁବ ଗୋଷ୍ଠୀଙ୍କୁ ସ୍ମୃତି କମିଟୀ ତା କୋଳକୁ ସାଉଁଟି  ଆଣିଛି।ସାହିତ୍ୟ ବନ୍ଧୁ ବୃନ୍ଦାବନ ବିହାରୀ ଦାଶଙ୍କ ଜୀବନାଦର୍ଶ ଉପରେ ଆଲୋକପାତ କରି ପରବର୍ତ୍ତୀ ସମୟରେ କେମିତି ଆହୁରି ଆଗକୁ ଅଗ୍ରଗତି କରିବ ସେ ଉପରେ ପରିଚାଳନା କମିଟି ଦୃଢ଼ୋକ୍ତି ପ୍ରକାଶ କରିବା ସହ ସ୍ମୃତି କମିଟି  ସମ୍ପାଦକ ଯତୀନ୍ଦ୍ର କୁମାର ସାହୁ ଧନ୍ୟବାଦ୍ ଦେଇ ଥିଲେ।