15-Jun-2026

କଣ୍ଟାବାଞ୍ଜି (ପ୍ରେରଣା ଖବର):  କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗଙ୍କ ଙ୍କ ଦ୍ୱାରା ଆଦିବାସୀଙ୍କୁ ଅପଶବ୍ଦ ପ୍ରୟୋଗକୁ ବିରୋଧ କରି  ବଙ୍ଗୋମୁଣ୍ଡା ଥାନାରେ ଏଫ.ଆଇ.ଆର ଦେଲା ଜ଼ିଲ୍ଲା ଆଦିବାସୀ କଲ୍ୟାଣ ସଂଘ। ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ର ବ୍ଲକ ସଭାପତି ମନରଞ୍ଜନ ଭୋଇ  ଆଜି ବଙ୍ଗୋମୁଣ୍ଡା ଥାନାରେ ଲିଖିତ ଅଭିଯୋଗ କରିଛନ୍ତି l ସଂଘ ର ଅଭିଯୋଗ ଅନୁସାରେ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ଆଦିବାସୀ ମାନଙ୍କୁ ଦୂଷିତ  ଅର୍ଥାତ କଳୁଷିତ, କୁତ୍ସିତ,ଘୃଣିତ ଭଳିଆ ଅପଶବ୍ଦ, କଟୁ ଶବ୍ଦ, ଟିଭିରେ କହିଛନ୍ତି  l ସର୍ବସାଧାରଣ ରେ ଶ୍ରୀ ବାଗ ବିଧାୟକ,ଆଦିବାସୀ ଜାତି କୁ ଅପମାନିତ କରିବା ପାଇଁ ଜାତି ଆକ୍ଷେପ କରିଛନ୍ତି l ଏହାଦ୍ୱାରା ସମଗ୍ର ଆଦିବାସୀ ଜାତି ସମାଜ, ସମ୍ପ୍ରଦାୟ ର ଇଜ୍ଜତ, ମହତ, ମାନ,ସମ୍ନାନ, ମର୍ଯ୍ୟାଦା ପ୍ରତି କଠୋର ଆଘାତ ହୋଇଛି l ଆଦିବାସୀ ମାନଙ୍କୁ ସର୍ବସାଧାରଣ ରେ  ଲଜ୍ଜିତ ଏବଂ ବଦନାମ କରିବା ପାଇଁ  ଶ୍ରୀ ବାଗ,ଅସମ୍ବିଧାନିକ ହୀନ ମନ୍ତବ୍ୟ ପ୍ରକାଶ କରିଛନ୍ତି ବୋଲି ସଂଘ ର ବ୍ଲକ ସଭାପତି ମନରଞ୍ଜନ ଭୋଇ ଥାନାରେ  ଲିଖିତ ଅଭିଯୋଗ କରିଛନ୍ତି l